::: مـنتدى قبيلـة الـدواسـر الـرسمي ::: - قولوا يا بومتعب ترى ثلثين من شعبك هلك

الشاعر/ محمد الرحيمي

لا يضحى يا سوق الأسهم حضروه عند الملك = أنخوا الملك نخوة صويب بالمعركة تالي النهار
قولوا يا بومتعب ترى ثلثين من شعبك هلك = بعد انهيار السوق منهارين اشد الانهيار
رحنا سمك في بحر(ن) ولا فيه بحر(ن) ولا سمك = والأرزاق ميعاد بحلوق التماسيح الكبار
نبا نصيد وفي النهاية كلنا صيد الشبك = هذا الدمار الشامل اللي ما يقارن به دمار
رحنا وطي رحنا طعام أجحوش مالا نمتلك = بلوى مصيبة كارثة تؤخذ بعين الاعتبار
أحد(ن) وقف و أحد(ن) برك مثل البعير ليا برك = و أحد(ن) فرك وأحد(ن) يسحب فروته حول المطار
واللي ضحك تراه يضحك شعوري لا ضحك = تلقاه بعد أيام يكتب بالقلم فوق الجدار
ما عاد ندري وش حصل لكن شر(ن) مشترك = يحول اليسرى يمين يحول اليمنى يسار
واللون الأحمر نكرهه كره(ن) قوي مافيه شك = يصيبنا هستريا وإحباط لا شفنا الحمر
اندور اللون الخضر حتى على أجنوب التنك = انجمع الجرجير والكراث من سوق الخضار
حتى ليا شفنا الطماط نحس شي من الضنك = يازين لون الفلفل الأخضر ويازين الخيار
وإن كان ما انحلت قضيتنا بعد هالمعترك = متين في المية دعا وإلى نهيار بنهيار
أنخوا ولي العهد سلطان السعد عضد الملك = يفتح لنا فرعين في البطحاء لمستشفى شهار

للاستماع
http://www.arabspc.net/real/qseda_ashoooooom.ram