|
قصيده جميله لشاعر المليون محمد بن حمد
ما كني اعرفـه ولا كنـي ابغيـه وانا عليه من امه احـب واجـرى ياكثرهـا تسليمـة يـوم الاقـيـه لي عين تكتب له وله عين تقـرى ولا حل طاريـه تجاهلـت طاريـه ماكني ادري عنه وانـا بـه ادرى احشم قريبه حشمـة لـه واداريـه واخشا يجي في خاطره شي وادرى بسكات يغليني وانـا حيـل مغليـه لا تيلفـون ولا مواعيـد غــدرى لا اسولف بحبـه ولانـي بمخفيـه وغيري لونه يوالفه كـان هـذرى لايحسبنـي يـوم قفيـت ناسيـه لعيونـه انـي ماتحاليـت عـذرى ليت الزمن يرجع وانا اعلمـه ليـه والا الحظوظ من المقابيـل تشـرى كل العذارى في الوفـاء ماتساويـه كنه اليمين وباقـي الغيـد يسـرى قولوا له اني مارتضي بالبدل فيـه لا مال قارون(ن) ولاعرش كسـرى يرتاح ماغيره مـلا عيـن هاويـه غلاه نهر النيـل والقلـب مجـرى واكبر دلليل اني الى غاب احاتيـه كم لليلة ماتت علـى كـف مسـرا وان قالوا انه شرق وازريت لا اجيه وجهت وجهي كل ما نمـت حـدرى محمد بن حمد بن فطيس المري |
رد: قصيده جميله لشاعر المليون محمد بن حمد
خاطر ما أقول إلا الله يطول عمرك على طاعته بالصحة والعافية. عز الله أنك متعتنا بقصيدة شاعر المليون/ محمد بن حمد بن فطيس. صح لسانك و لسانه ،، لعلمك أنا من أشد المعجبين في ابن فطيس في شعره في خلقه في أدبه. وعز الله أنه كفو،، لا هنت على إيرادها. وتقبل مروري ،، مع خالص التحية و الاحترام. |
رد: قصيده جميله لشاعر المليون محمد بن حمد
اقتباس:
عسا عمرك طويل انشالله يالجعيدي وعز الله ان مرورك شرفني تحياتي لشخصك الكريم |
الساعة الآن 02:58 AM
 |
Powered by vBulletin® Copyright ©2000 - 2025, Jelsoft Enterprises Ltd.
---