أنا يا زماني في فـؤادي ثـلاث أطعـون=ولاهوب طعن أسيـوف وألا سكاكينـي
من أفتح ياسمسم وألا فلم ابو كرتـون=أموراً تغث أكبـود حتـى الوراعينـي
وجمهوري الغالي يسوق الشره ويمون=وأنا قد شرهات العتـب مـن محبينـي
يقلون ماشاركت وأقول هـل توحـون=أبي كل واحد يفتـح أذنـه ويوحينـي
لابالله ماشاركت فـي شاعـر المليـون=لو أني على المليون تومـي شراينـي
ولكن انـا مانـي بخبـلاً ولا مجنـون=أجي وأقطع أرزاق العبـاد المساكينـي
ولا مر وأدهني علـي لرجـال أديـون=ومليـون واحـد مايـسـدد ديايـنـي
الا ياحمام الورق اللـي تجـر لحـون=تغانم زمانك بيـن خضـر البساتينـي
تراها لاركبت كل جمره علـى الغليـون=وأراد الله أنه يصفي الماء من الطينـي
حشرنا الضبى بقرون والا بدون قـرون=وراس الضبي يصلا على النار ويلينـي
مثل ماوطى هامان وألا وطى فرعـون=ذياب الشرف ماتستـر الا الشريفينـي
والاجواد مدت للمواهب كفوف العـون=وهاذي صفاتاً من صفـات الكريمينـي
والاقزام تهدم وأهـل المعرفـه يبنـون=أصروحاَ من الامجاد ماهي من الطينـي
بنتها الكفوف اللي كرمها سحاب أمزون=أرموز العداله نصـره الحـق والدينـي
غضبهم وأنا سلطان يهتز منه الكـون=وكرمهم أتربع فيـه حتـى البعارينـي
أصالـه عربيـه وتاريخهـا مصيـون=عناوينهـا تفـوق كــل العناويـنـي
جبال قممها فوق ولها حجـى وركـون=قممهـا تشرفنـي وحجاهـا يذرينـي
عسى الله يهونها على الناس لين أتهون=وتزين القرايه فـوق روس المجانينـي
ضعاف العقول اللي تهبد علـى مالـون=وعلى كـل ملواحـاً تهـز الجناحينـي
ماتنضف أيديها لو أتغسل من الصابون=كثـر مـا تمـد أيدينهـا فالمواعينـي
إيديناً عساهـا كـرم الله مـن يحـون=وألا تدري هاذي حطها بيـن قوسينـي
قبل لا تخيب أضنون والا تصيب أضنون=وذي عين تبكيني وذي عيـن تبكينـي
عزفنا وتر ماله علاقـه بنجـدي فـون=نحـاول نعـدل مايـلات الموازيـنـي
رساله وباقي سرهـا بالثـرى مدفـون=سوات الامانه فـي وجيـه الميامينـي
وأبداع القصيد أبداع والاحتراف فنـون=وألابداع فـي كـل المجـالات يعنينـي
وشعر الحداثـه لا مقفـى ولا مـازون=ماله مذهـبً بيـّن ولا لـه عناوينـي
وعند النهايه لعنت الله علـى شـارون=وعسى الله من أسرائيل ينصر فلسطيني