أنا البارحة ما امسيت في خاطري هاجوس= أولّف بيوت وفي هل الخير باكـتبها
سلامي على اللي دايمًا يدرسون دروس =وعلى كــلمة الطاعات نفسه مدربها
فلا تقرب اللي يعطي الهرج بالمنكوس= دروب المـراجل كلـبوها مجـنبـها
ترى العلم مثل العِدّ دايم وهو معسوس= ومن قارب أهل الخير جا في مراتـبها
توكل على الله واترك الهمّ والهاجوس= أدّ الفرايض واصبر انك تـقوم بـها
ترى من تهجد تالي الليل فيه حروس= وصلاة النبي محمدٍ في حـواجبــها
فـ(لاجا) صلاة الفجر قُم كنّك الملموس =تعيف الفضيلة والـرواتب تحسـبها
فـ لابَدّ من قبرٍ تشوفه يقوسه قوس =تـشوف الـهوايل فيه ماعاد تـقطبها
ترى من طلب ربه يبي جنّة الفردوس =وحورية مـ الخــلد ربّك موهبها
فـ لا ترخي اللبسه ولا ترخي الملبوس= خلّه على الصعكول نفسك تروف بها
ترى من مشى بالعز بيكسب الناموس= ويلقى الصحايف قدم وجهه يدور بها