راكب اللي لاتـركز غبارة وأختــــفى =هاف هاف ولا تهوفه يمينـــاً هافيـــة
لا مشى من حـد سلوى يبي حد الشفى =كنه الميراج في طلعة اسـتــكـشــافـية
ينتبه صدره لـيا شرب خمرة واكتفــى=خمرة الممتاز مبري الجروح الخافية
يوم مر المـركز اللي يفتـش ما طـفـــى=خابرن الظابط المســـتلـم لأصنافــــة
طوفه وأشـتاق له وأستعــد من الوفـــى=وقال هذا والله الـلي بلـــوفة صافـيــة
وأنتبه راعية وارخى القدم خوف بخفى=لا يصيب الهاف مـنه خـشير العافـيـة
يوم غابة عنه الأنـضار والمغرب ضفى=وأدلهم الليل واضـاء الـشموع الطافية
ماشـيـن مـني بعلم عــلى بطن وقــفـــى =فيه الإشارة والإشــــارة لمثلة كافيـــة
مــقـصدي عــنوان عــيدان لامنه لـفــى=نستلمهـــا منــــه راع العلوم الوافيـــة
حشمة للرفقة اللي على مــتن الصفــــى =ابن عـــم عـــارفــيــنة من العرافـيــة
مير عذروبة يصدق مـــعذربة الــقـفــى=يحـسبن الرجـل عقب الكدى له حافية
مادرى ان الوقت لـــوزان حداً ماصفـى=غـــرتــــه اليــام غــرفـة الـغرافيــــة
والسلام أختام والهاف حرك وأخـــتـفـى =هـــاف هاف ولا تهوفه يميناً هافيـــة

الله على اللي مقصـــاتـــه على جـــنبه=مرسومة رسم فـن وصـــــنع يـــابـانـــــي
اشقح وحــــمرة مـــقــصاته يلوحن بـه =حمرة شفايف عروس وبــنت ســلــطاني
وليا أشتـــغل قـسم انغامً تـــقـــسـم بـــه=كنهاتـــقاســيم ريــــشة عـــود فــنـانــــي
مــمــشاه سباح كن الـمــوج غـــادن ًبه=واحيان كنه من البــــنــزيـن سكـــــرانـي
يصلح لمن قامن الأقـدار يـومــــن بـــه =عايش على الخوف مثل الذيب سرحانـي
دورات وقته يجيبنه ويــقــــفـــن بــــه=في نجد ليلـــة ولـــيلـــة شـرق بـيحانــي
عـــــزالله انــه شــقي وكـــابـر ذنـبـــه=لافكه الهـــــم الأول جابه الــــثــانـــــــي
زود على ماوطاه الــحــب عاثـــن بــه =مغير مثل الغريق ببحر الأحـــــزانــــي
مثـــــل ليا حرك قـلـــبي ودكـــــاً بــــه =بعض الهواجيس وهــــموم تـــولانـــــي
من واحــد حــل قـــلبي ثـم تمكـن بــــه =ثبت بقلبي رسوم الحــــب وأشـــقانـــــي
فرقاه ذبحي وقـــــربـة يوم أعاين بــــه=ينعش حياتي وروحي عقب حرمـــانــــي
بان بقلبي غـــلاه الـــعام وأعــلن بـــــه=وافرح صديقي وزعل كــــل عـــدوانـــي
بـيـتـن بناه الغــلى ما ينـــنقشع طـنبــــه=مرضن حبيب وانا ماني بخــــــسرانـــــي
ملـكه وهـو حر فيه وغـصب يــسكن به=ان كنت راضي بعد وان كنت زعـــلانــي
فــي حـكمة الــلي جـبـيـنة كنـــه اللمبــه=لو كان حكمة علي حــكــــم نصـــرانـــي
سيطر على مهجتي وأصبحت راضً به=اتبع خياله ويـــــا مرنـــــي ويـــنهانـــــي
وأصحي بذكـراه وأرقــد واتحلــم بــــه =وعيش في حلم لا جــيته ولا جــانــــــــي
ايامنا القشـــر صــدن بي وصـدن بـــه=وش حيلتي في الزمان اللي تــحــــدانـــي
حتى التلفون يـــصـــعـب ما تــكـلم بـــه=خوف يعرض مناقــــيد علـــى شـــانــــي
مير بجيه باللي مــقصــاته على جـنبــه=مرسومة رسم فــــن وصــنــع يـابانــــــي

ارحبوووووووووووا يارجااااااال

أشكركم على المرور جميعا وبيض الله وجيهكم

واسمحولي على التأخيـــــــر كنت مسافر

والحمد لله على سلامتي ,,,, ههههههههه