احب الشمال وحبهاوحبها من ثلاث اسنين=طبع حبها في داخل القلب بختومه
ديار(ن)غلاها فالحشاء حط له بيتين=بيوتاً مع الايام ماهيب مهدومه
على اللي نطحني فالظحى والعرب سالين=ومكن صوابه فالحشاء وارسل سهومه
غزال(ن)خلقه الله واعطاه كل الزين=خذا مالجمال اليوسفي خير مقسومه
عفيفاً ظريف لاخزرني بطرف العين=يخلي زروع القلب بالوجد مصرومه
عرض لي بوسط السوق صدفه ضحى الاثنين=أنا في طريقي والغضي في وطن قومه
بديت السلام وقال وش فيك رايح وين=توقع ومثلك لازم(ن)يترك احلومه
تراء من تعرض في طريقه نحا الماشين=يحصل كلاماً يوجع القلب ويلومه
نظرته وقلت الدار ماتخلي الوافين=غريب بدارك يجهل الدار وأسلومه
نظرني وقال السوق تكثر بها الواشين=وأنا من كلام الناس ياخي محشومه
توكل على الله وانتبه تطرد المقفين=تراء طارد المقفين عازته معدومه
مثل من فقد له بكرت(ن)صادفت ذودين=صديراًوورداًغفل ماهيب ماسومه
وقفت تقدي مشيها والخطاء بهوين=سقاء دار شمر من حياء الوسم وغيومه
عسى دارها تسقى ونرعى بها عامين=وعسى السيل في وديانها تذكر أعلومه