ماتوصى يا محمد فـي اخوانـك=دام جنحان العقاب اللـي تشلّـه
هم عضودك لا تهاون بك زمانك=يثبتون وغيرهـم يخلـي محلّـه
من تهاون في مقام اخوك هانـك=لو يعزك من يحقر اخـوك ذلـه
ومن يخون ابهم على ماقيل خانك=دونهم لا تجعل الاقصيـن أخلّـه
حاجتك منهم تجيك الـى مكانـك=كنهم لـك ظـل ظلعـان ٍ مطلـه
انت بالنسبه لهم ياعظـم شانـك=انت مثل حجاب بيت وهم (لخلّه)
ليّن الجانب لهم والجم احصانـك=الجفا كثره على الصاحب مملـه
ومدهم بالعون كـان الله عانـك=غيث غيرك شاربك ماهو يبلـه
واهدهم للدين يوم الديـن زانـك=ومن جهل منهم طريق الخير دلّه
ليّن الجانب وعطهم من حنانـك=واستمع منهم وما يلهيـك خلـه
انت عقلك بك وفي راسك عنانك=قد صقرتك لين صدت الصيد كله
شايف ٍ لطفك وتكسيني حسانـك=ماتغيّـرك الليـالـي والاهـلّـه
بارك الله بك وفي باقي اخوانـك=كلكم من ساسكـم سلـه ودلـه

المشاركة الأصلية كتبت بواسطة عنقود (المشاركة 151645) وشلون ما تنال أعجابنا أشكرك من الأعماق والله لا يحرمه أجر هالقصيدة الجزلة وشكرا لك على هذه الرائعة

المشاركة الأصلية كتبت بواسطة أبونواف الدوسري (المشاركة 151648) الله يجزاك خير ياصالح الجعيدي علي هذه القصيده ....وصح الله لسان أبو محمد عليها. أخوك أبو نواف الدوسري.

المشاركة الأصلية كتبت بواسطة ابو زابن المسعري (المشاركة 151651) قصيده جميله وصح الله لسان الشاعر ونبارك له فوز ابنه ولاهنت على النقل شكرا اخووووك ابو زابن

المشاركة الأصلية كتبت بواسطة ســـــعـــــود (المشاركة 151692) ارررررررررررررحب ياصالح الجعيدى , الا تنال وتنال اعجابنا لاهنت وبيض الله وجهك يالقرم

المشاركة الأصلية كتبت بواسطة سالم الغريري (المشاركة 151700) صح لسان ابن فطيس وتسلم يمناك يا صالح على الاختيار الجزل الرائع ونبارك لابن فطيس الفوز وعزالله يستاهل

المشاركة الأصلية كتبت بواسطة عبدالرحمن الشرافي (المشاركة 151721) اخوي/ صالح الجعيدي هذا الشبل من ذاك الأسد الله لا يهيينك ويبيض وجهك على الاختيار الرائع ومبرووووووووك فوز بن فطيس تحياتي

المشاركة الأصلية كتبت بواسطة عبدالله بن عريمة (المشاركة 151732) وشلون ما تنال أعجابنا أشكرك من الأعماق والله لا يحرمه أجر هالقصيدة الجزلة وشكرا لك على هذه الرائعة ونبارك له فوز ابنه بجدارة