كن في صدري شعال يولع بالجريد = في هوى صافٍ يلوعه ولا جود ذراه
الردى ينشى ولا يسمع الراي السديد = والحمولة بينهم قوموا سلم العداه
عايض اسمع هرجتي لك وخلك تستفيد = لا تعاجف لك رفيق على طول الحياة
لا تطاوع في رفيقك حكايا إللي بعيد = وان شنيته(1) لا تسبه وتجزاه برداه
اذخره لا عازته بد يرجع لك جديد = الغني الله ولا من رفيقك لك غناه
لا تجي من صوب الأدنين يا بوك بحديد = خلهم لك محزم يوم دكات العداه
وإن عمدكم عايل ضرسو له(2) لا يزيد = من شبر لك فذر عوله ولا تقبل خطاه
قدر العاني إلى جاك بجزل ما تصيد = سهل الجانب وعزه وقم له في عباه(3)
من سفه عانيه ربه يمده بالزهيد = ومن عمد درب الجلالة يزيده بالغناه
والدنس مثل الودك يطبع الخام الجديد = لا تدنس عقب جده ترى كل شناه
واجتهد في طاعة الله وما غيره يبيد = حب من حبه بنصح وترك من عصاه

معاني الكلمات :
(1) شنيته : كرهته 0
(2) ضرسو له : أوقفوه بالقوة 0