ياطير بارسلك أنا ياطير رح قلّه =قلّه علامه عليّ زعلان ومكابر
من مدة هاتفه مغلق ولا يشله =وان جيت باكلمّه منيب أنا قادر
محروم من شوفته محروم من دله =محروم من خلي الي بحالتي خابر
الخل ياصاحبي ماله سوى خله =وانته نسيت العهد وأنا معك صابر
سبحان من أوجده سبحان والٍ له =سبحان من كمله في زينه الظاهر
زينه طبيعي وشعره دايم يفله =يكسي متونه ويكسي عوده الخاصر
والعين والرمش والشفه دوى عله =والجيد مع طول عنقه يذبح الشاعر
أن طل يازينها ياناس من طله =وأن غاب أصبحت بعده ضايق الخاطر
يالله عسى الرب يحفظها من الزله =ويستر عليها بستره إنه ساتر
تم الكلام وختمته بذكرنا لله =الواحد الي لكسر العظم هو جابر