::: مـنتدى قبيلـة الـدواسـر الـرسمي ::: - قصائد لسلطانه السديري...

- :: قسم الـشعر العــام :: (http://alduwaser.org/vb/forumdisplay.php?f=16)

- - قصائد لسلطانه السديري... (http://alduwaser.org/vb/showthread.php?t=1288)

قصائد لسلطانه السديري...


	السلام عليكم ورحمة الله وبركاته... حبيت أخصص هالباب لقصائد الشاعره سلطانه السديري... أتمنى من الجميع المشاركه وليتفضل كل من يرغب باضافة قصائد لها... ************* مثل الحصان اللي وضع له حواجز كل ما تعدى واحدٍ شاف ثاني ياحيف مر العمر مانيب حايز حتى بأحلامي وبعض الأماني أصبر لعل الصبر ينفع وجايز تسفر لنا الأيام ويضحك زماني كلٍ بوده ويطلب وعايز وأنا أنفذ ما يبون بحناني حتى الحصان اذا ركض خذ جوايز وأنا لقيت من العنا ما كفاني عساي ياربي على العفو حايز وعساي مرحومه إذا الموت جاني سلطانه السديري

الصدمه العاشره...


	منك انصدمت اكثر من اللازم وجاملت كثيــــــر الاوله ....والثانيه.. ..والثالثه.........للعاشره ازعل معك واوقف معك ولا نشدتك وش يصير وانت تحداني وسيفك....للمشاعر شــــــــاهره لا شك فيك الميزه اللي.... مالها غيرك خشير احس فيها وانت مـــــــــاتعرف شعور الشاعره وان قلتلي وش ميزتي ....قلت انت في دنياي غير لو جيت اوضح وش ابي ....عرفت اني خاسره صحيح في قلبي كثير.. واحس في قلبي سعـــير ورغم العذاب اللي معك.. لازلت اشوف وصابره وان قلت يالخنسا.. تهكم ..قلت ياليتك جرير على العموم انا اعرفك وانتا قصيدي خابـــــــــره يامن غلاك وقيمتك تعني لي الشي الكثير طوفت منك الصد مه الاولى....... لحد العاااااااشره... سلطانه السديري...

السلام عليكم ورحمة الله وبركاته

صح لسانك ولسان الشاعره ولاهنتي اختي ( النادره ) على هذه الابيات .

يا حياك الله أخوي أبو شجاع ولا هنت على المرور الطيب...

لاهنت اختي النادرة على الموضوع الطيب

تقبلي تحياتي

ولا أنت أخوي العماني...ولا عدمنا مروركم

مشكووووره يالنادره على الاختيار الجميل والى الامام

تقبلي تحياتي ,,

العفو أخوي نايف ومشكور انت على المرور الطيب...

مشكورة يا النادرة على الاختيار الطيب... وما شاء الله مواضيعك كلها طيبة مثلك.....

مشكور أخوي غياث على الاطراء والمديح ولا هنت أخوي.... حنا دائما بخدمة المنتدى وأعضائه...