يـالله سـألتك يـــوم للـناس رجعه= تغفر ذنوبي وتجعل لي قبول وشفعه
بعض الخلايق سبني صفر سبعه= وأنا أفتخر وأعتز في صفر سبعه
الفاتحه ابدا بها كل ركعه = وآياتها يا وافي العقل سبعه
تلاوة القرآن في الأصل سبعه= وابواب تعذيبه في الحشر سبعه
والله جعل ايام الاسبوع سبعه = والارض سبعه والسموات سبعه
وابدا نهاري بتمرات سبعه= واطوف في حجي على البيت سبعه
واسعى لطاعة منزل الوحي سبعه = وارجمك يالشيطان باحجار سبعه
نسجد لباري الكون باعضاء سبعه = واوتر لرب العرش في الليل سبعه
وعجايب الدنيا في الارض سبعه = ومعلقات البدع والعرش سبعه
الجاهل اللي سب اصله وفرعه = واللي جعل من الحقد فنه وطبعه
ماسبني الا طامع فيه طمعه = للصيت يسعى بين اهله وربعه
حنا شيوخ الأزد في كل بقعه = اهل الكرم والجود شيمه وفزعه
من رامنا بالشر ينثر جمعه = لطامة الغاوي نبادر بردعه
لباسة البلجيك نفخر برفعه = نحمي الوطن والدين من كل بدعه
مربى الأسد والنمر في صفر سبعه=وحنا لنا في الحرب صوله وصرعه
نعمر بيوت الله فرضا وجمعه = ونسبحه في كل سجده وركعه
وحنا جنود الفهد شوفه وسمعه = نسمع لقوله وفي الحرب درعه

أبو فيصل بيض الله وجهك على نقل هذه القصيدة الجزلة والرائعة وصح لسان الشاعر

والمملكة من شمالها الى جنوبها ومن شرقها الى غربها وطن واحد

وأهل الجنوب أهل نخوة وشهامة وكرامة وشجاعة من غير نقص في الآخرين

ويكفي أن أغلب قبائل الأزد العظيمة ذات التاريخ العريق والأصيل والحافل بالانجازات يسكنون الجنوب
والعنصرية للأسف موجودة وهذا واقع يجب أن لا ينكره أحد

أشكرك مرة أخرى