بسم الله الرحمن الرحيم
الشكر موصول لكل القائمين على الحفل .. وبيض الله وجيه الغرره
ولكل من حضر .. ولكل من ساهم في انجاح الحفل

يالله يا منزل من المزن همال=انك تجملني على كل الاحوال
في لابتي اهل الكرم والحميه=الابه اللي من قديمً ولا زال
دواسرن .. وقت الرخا والشدايد=يفنون ماهبو من الخلق عيال
كم شيخ قومً اعتنز بالدواسر=وكم شيخ قومً حولو به على الجال
تاريخنا معروف مبطي وذ الحين=وقوالنا ما ترجمت غير بفعال
و لاد .. الخييلي ... جاته اغلا رساله=لدعوه اللي واصله لكل رجال
خيالت الشرفا على العسر والين=مع ربعهم اجبال وتعانق اجبال
حبيت اشارك و فتخر بالقبيله=للمجد عنوانً وللعز منزال
في ظل ابو متعب حكيم القياده=سلايك اكحيلان مضرب للامثال
الله يعز املوكنا ..و هل الدين=والله يعز المملكه بك الاشكال
نفرح بشوف اربوعنا والجماعه=ويا جعل يسلم من يمانيّه اخطال
على المعزه اجتمعنا وجينا=نرقى الي العليا الي حد الامال
ونقطف عناقيد الشيم والاصاله=ونشرب غلا اللي ينومس ومدهال
لاد الغريري فعلهم يرفع الراس=في ما مضى ... واليوم .. والصدق ينقال
ارجالً تحب .. اتخسر كل الدنانير=وفــ الصف الاول لا ذكر فيه الابطال
والله يعيد الليله اللي اجمعتنا=على المعزه وتّناقل للاجيال
ويالله يا معبود والي التدابير=انك تجملني على كل الاحوال

المشاركة الأصلية كتبت بواسطة ابن وتيد (المشاركة 134328) اررررررررررررحب يا خالد الخييلي وصح لسانك يالقرم على هذا القصيده الجزله والغرره بيض الله وجيهم وعزالله انهم كفووووووووو وفوووووووو

المشاركة الأصلية كتبت بواسطة سالم الغريري (المشاركة 134424) الشاعر الكبير خالد ابن حليس الخييلي صح الله لسانك ولا هان منطوقك على قصيدتك الجزله اللي تشرفت بسماعها منك شخصيا في الحفل وبيض الله وجهك على مشاركتك الطيبه ولا تحرمنا من جديدك وعساك على القوة دايم الدوم

المشاركة الأصلية كتبت بواسطة محمد البليهي (المشاركة 134428) الشاعر الكبير خالد ابن حليس الخييلي صح الله لسانك وبيــض الله وجهـــك قصيـــدة رائعـــة وجزلة وشكراً لك