دعواتنا لابن فصام ومن معه من الدواسر
 

عبدالله بن فهاد الفصام الدوسري

نتمنى له الفوز بمسابقة أم رقيبة إذا كان مشارك فيها وكل الدواسر المشاركين كذلك

الله يوفقكم

ولله در ابن وتيد على الأبيات التي في توقيعه وهي :

قالوا تحب البل وقلت البل البـل *** البل غلاها سحر روس الرياجيل
حتيش لو تنقـد علـي المهبـل **** تباعة الموضه على العدل والميل
وياللي على فن المطبـل تطبـل ***أنا غرامي في جـداد المنازيـل
في خايع ٍ شوفة خضـاره تهبـل ****من مقدم الوسمي سقته المخاييل
سودا غلاها في فـؤادي تدبـل *** ولو غبت عنها جابها الحلم فالليل

مشاركة: دعواتنا لابن فصام ومن معه من الدواسر
 

الله يوفقهم ,,

والله انهم يستاهلوووون ..

مشاركة: دعواتنا لابن فصام ومن معه من الدواسر
 

جعلها من نصيبهم وننتظر جديدك

رد: دعواتنا لابن فصام ومن معه من الدواسر
 

يالله ياسميع الدعاء يامجيب....ياواحد كل الملا يرجونه

دعواناتوفق ابن فصام يارقيب....ومن معه ترى ما يخلونه




لاهنت...يا الغاااالي

مشاركة: دعواتنا لابن فصام ومن معه من الدواسر
 

الله يوفق بوفهاد وجميع الدواسر اللي معه ويبيضون وجيهنا في المزاين كما عودونا دائما

وجزاك الله خير اخوي ابو المثنى على التذكير

تقبل تحياتي،،

مشاركة: دعواتنا لابن فصام ومن معه من الدواسر
 

اخي العزيز الفاضل : ابوالمثنى التركي

بيض الله وجهك على طرح هذا الموضوع

ونسأل الله ان يوفق الدواسر في مزاين ((أم ارقيبه))

بالنسبه لعبدالله بن فهاد الفصام (( حفظه الله ))

فلم يشارك هذي السنه في مزاين ام ارقبيه,,

لكن ابشرك ان الدواسر سوف يكون لهم نصيب الاسد في هذا العام

حيث ان هناك منافسين من قبيلة الدواسر منهم

* ابن بتال الحمالين ,, في قسم المجاهيم..

* والخرفاني. لا يحظرني اسمه,, في قسم المجاهيم

والشكري. لا يحظرني اسمه ,, في قسم المجاهيم

اما في قسم المغاتير فهناك منافس قوي

ابن قريع ال بريك


هذا مايحظرني ومن لدي اي معلومه حول المشاركين فلا يبخل علينا


ونسأل الله ان يوفق الدواسر


وتقبلوا ارق التحايا


اخوكم / فهد الغريري

مشاركة: دعواتنا لابن فصام ومن معه من الدواسر
 

مشاركة: دعواتنا لابن فصام ومن معه من الدواسر
 

مشاركة: دعواتنا لابن فصام ومن معه من الدواسر
 

مشاركة: دعواتنا لابن فصام ومن معه من الدواسر
 

مساكم الله بالخير جميعا


بالنسبه للفصام فهو غير مشارك هذة السنه لانه فاز بالنخبه السنه الماضيه

واللي يفوز يمنع من المشاركه لمدة ثلاث سنوات


لكن ابشركم الدواسر المشاركين واجد

فئة المجاهيم

سالم بن بتال الحمالين الدوسري

شليويح بن جويعد الخرفاني الدوسري

حسن بن هذال الشكره الدوسري

ابن فريج الشكره الدوسري


والمغاتير

ناصر بن قريع ال بريك الدوسري

ابن دربي الغياثات الدوسري


وهناك غييثي على فئة الشعل

لكن لا يحضرني اسمه



وان شاءلله انهم يحققون مراكز ممتازه

ونتمنى لهم التوفيق

مشاركة: دعواتنا لابن فصام ومن معه من الدواسر
 

الله يوفقهم

ويجعل الفوز من نصيبهم

مشاركة: دعواتنا لابن فصام ومن معه من الدواسر
 

شكر لكل من شارك في الموضوع
أخواني وابناء عمومتي

محمد النتيفي

العمري_

راعــي الجــدعــا

هايف العماني

عبدالله آل بريك

يحيى الودعاني

سالم الغريري

ابو عبدالرحمن الودعاني

فهد الغريري

ابن وتيد

واخص بشكر كل من صحح أو أفادنا بمعلومة


سالم الغريري
ابو عبدالرحمن الودعاني
فهد الغريري


واقول لأبن العم الحبيب الغالي ابن وتيد أنت تستاهل كل خير وكل ماتكتب وتضعه زين وانت تستاهل ونتظر منك المزيد والمفيد وكل أبناء العم .

والله يوفق كل المشاركين والدواسر خاصة لكل ما يحبه الله ويرضاه .
ويستاهلون عيال زايد

مشاركة: دعواتنا لابن فصام ومن معه من الدواسر
 

أشكر الجميع بس اليوم في ملحق الرياض عن أم رقيبة قرأة أن المشاركين في فئة المجاهيم أثنين من ضمنهم عبدالله بن فصام فهل هذا صحيح ؟؟

مشاركة: دعواتنا لابن فصام ومن معه من الدواسر
 

الله يوفق الجميع في مزاين ام رقيبه 0 وان انشاء الله ان اكون متواجد يوم الخميس المقبل لعرض المنيفه وللجميع التوفيق 502

مشاركة: دعواتنا لابن فصام ومن معه من الدواسر
 

مالك لو يا ابو المثنى التركي الفصام لم يشارك هذه السنه

لانه ما خذ النخبه السنه الماضيه والي يأخذها 3 سنوات ما يشارك.