يا نجمة الصبح كبدي منك مرهوقه=لا شع نورك علينـا لا تغيبينـي
ستاير القلب من فرقاك مشقوقـه=أصبر من العام لين إنك ذبحتينـي
الود لو نتركـه عنـا وطاروقـه=أضني أرتاح وأنـت تستريحينـي
لبيه ياللي تجـر القلـب بعروقـه=كله على شان يوم إنـك تلبينـي
تلحني لح ركـبٍ عجلـو سوقـه=أو جل ذودٍ مسريهـن شيابينـي
عديت من مبسم المجمول لا أذوقه=أنا منعني الحيا وأدرا على الديني
واقلبي اللي من الجازي دنا عوقه=با الله شيرو عليها لا تقاصينـي
وان كان قلبي تلبش عنه صندوقه=شدوه ليت أتجـود فيـه بيدينـي