ليت الجماعه ماادعو عندنا ذيب = يوم كن قلبي سج منه بينساه
فن ذيبهم ذيب الغنم والمشاريب = وإن ذيبنا ذيبً على الخيل ينضاه
ذيب شفا للدنا ووجوعً للاجانيب = على النقا والسرق مهوب يدناه
لا واقحمي يافارك العرف بالطيب =تجر ثوب الغنا والقرن تثعاه
لاوأقحمي يامنالات المصاليب =والهجن عقب نيها زاد مبناه
الجد ابن مزحم ترثه هل الطيب = من قولهم والا مابعد لحقناه
وابوه شالح شوق بيض الرعابيب = وقلايعه خمسه وثمانين مسماه
ياكم عزل من جود ذود حنازيب = وكم ذود مصلاح تخرج خلاياه
ذيب النضا ذيب الرمك منقع الطيب = من مات يالدحام عقبه نسيناه

المشاركة الأصلية كتبت بواسطة نايف الخييلي هذي القصه والقصيده هي لـ هيا بنت الفديع ابن هدلان وهي انه عقب ما مات [ذبح ]ذيب بن شالح ابن هدلان [ ولد عم هيا] الشجاع الفارس الشهوور كان ابوه شالح ابن هدلان يجاوره الكثير من جماعته وكان واحدً من اللى يجاورنه اسم ولده ذيب وعندما سمعت هيا بنت الفديع جيراانهم وهم يناادون ولدهم ذيب تذكرت ولد عمها الفارس ذيب بن شالح فقاالت هالقصيده تقول هيا بنت الفديع: ليت الجماعه ماادعو عندنا ذيب = يوم كن قلبي سج منه بينساه فن ذيبهم ذيب الغنم والمشاريب = وإن ذيبنا ذيبً على الخيل ينضاه ذيب شفا للدنا ووجوعً للاجانيب = على النقا والسرق مهوب يدناه لا واقحمي يافارك العرف بالطيب =تجر ثوب الغنا والقرن تثعاه لاوأقحمي يامنالات المصاليب =والهجن عقب نيها زاد مبناه الجد ابن مزحم ترثه هل الطيب = من قولهم والا مابعد لحقناه وابوه شالح شوق بيض الرعابيب = وقلايعه خمسه وثمانين مسماه ياكم عزل من جود ذود حنازيب = وكم ذود مصلاح تخرج خلاياه ذيب النضا ذيب الرمك منقع الطيب = من مات يالدحام عقبه نسيناه .. _____________________________________ - ابن مزحم \ هوالشيخ حنيف بن فهيد ابن مزحم . وهو خال عيال شالح ابن هدلان وسلااااااااااااامتكم

المشاركة الأصلية كتبت بواسطة ابو زيد الغييثي بيض الله وجهك ياخ نايف وهذي السالفه مذكوره في كتاب ابن هدلان تقبل تحياتي

المشاركة الأصلية كتبت بواسطة فهد الغريري الاخ الكريم : نايف الخييلي اررررحب تراحيب المطر بيض الله وجهك يالمنعور على القصيده والسالفه الجزله ذيب ابن هدلان من فرسان العرب الله يرحمه ويرحم ابوه شالح بن هدلان تقبل ارق التحايا اخوك/فهد الغريري

المشاركة الأصلية كتبت بواسطة رعاد بيض الله وجهك على هذه القصه والقصيده الجزله جعل يمناك مايجيها العطب وجعلك تسلم يا لذيب