|
سلامى سلام اسلام سلم الرياجيل
السلام عليكم ورحمة الله وبركاته
" " " اسعد الله جميع اوقاتكم بكل خير " سلامى سلام اسلام سلم الرياجيل اقوله واحامى عن مكانى وقــــــــــــــــــــــــــولى الا وين من يبرك على الحط والشيل بليهان لاوقف يشيل الحمـــــــــــــــــــــــــــــولى |
وعليكم السلام ورحمة الله وبركاته ارحب يابن عمي وعزتي انا اشهد انك استاذ لي واني اتشرف باللعب معك ودي استفيد منك لا خلا ولا عدم استلم بابن العم
هلا مرحبا وابشر بليا تماهيل=تجيك العلوم وعقبها جت زمولي ترى الحمل نشتاله ولو زيد له كيل=اقوله وقولي يثبتنه فعولي |
اقتباس:
الله الله الله الله يدوم البقا واقلط على البن والهيل اقوله على حسب الهدف والاصولى كفو ياوريث العز ياعادل الميل بيدك العصا واركب بضهر الذلولى |
ماشاء الله عليكم ياشعارنا واصلوا وانا معكم
|
اقتباس:
ارحب اشكرك على المتابعه لاخلا ولا عدم تقبل تحياتى |
ارررررررررررررررحب يالبدوي ولاهنت على المتابعه والتشجيع
ياسلااااااااااااااااام يابو نايف ياسلااااااااااام استلم
الا ياعميل الخير هات الخبر تفصيل=و كب المواجز ودنا بالشمولي نبا نركب الطرقه على سكة عقيل=سهود ومهود وبس زولك وزولي |
اقتباس:
طيب طيب ترا الشاعر اللى يعتبي للتماثيل مهو من يبي يضرب بعرضن وطولى وش عقيل يالغالى من الراس والذيل وحذرا تجينا فالمواقف جفولى |
ياسلاااام ياسلاااااام
الا ليت من ينصح فهم بالمداخيل=درج بالقدم خطوه و عاد محمولي كبار علومه مار علمه تهاويل=وانا كنت احسبه بالشدايد صمولي |
اقتباس:
طيب طيب طيب طيب اثاريك ضيعه تتبع القال والقيــــــــــــــل ولانى بقايل ياعميلي امهبـــــــــــــولى اشوفك بنيت البيت فى مجر ف السيل وتبغي تطول ولا انت قادر تطـــــــولى |
وسام العصا و بدر ابن نايف
ارحبو شعار من اعمدة الشعر في منتدانا الشامخ شدوا حيلكم وترانا متابعينكم وفي صفكم ياثنين ا |
اقتباس:
ارحب اشكرك على المتابعه لاهنت ولا خلا ولا عدم تقبل تحياتى |
ارررررررحب يابو عبدالمحسن ولا هنت يابن العم بالله طمني عن المسعري وش قومه لارد على البيت ولا الرساله ياسلااااااااااام يابو نايف
بغى الدرب واخطا يمته واني الحيل=اثاري شعيل اليا خزمته زعولي يتيه بنهاره كيف لا غلطس الليل=وتذكر زمان وحك راسه ذهولي |
اقتباس:
طيب طيب جذوع الشجر طيب ويسقي من النيل ولانى بحولك وانت مانتا بحـــــــــولى اثاريك بنت وبينتك المحــــــــــــــاويل وتكرم ولا اناظر مواقع نعـــــــــــولى |
ابن العم الكريم / بدر ونعم فيكم يامقيدة الجمل بالحديد وبكل الدواسر وبكل طيب وقرم لكن اظن فيه خطا بالكتابه باحد اشطر البيوت اللي يقول(وجدي رفيه الراس شين الحلايا) وانا اعتقد انها (وجدي رفيع الراس شين الحلايا) (ومتوسط رعي وفيني سدادي) اظنها (متوسط ربعي وفيني سدادي). ياسلاااااااااااااااااام
شربنا زلال من نقوع الشهاليل=وغيري غدا وازرى يسوق الرحولي يقول المثل حكمه بفوه المهابيل=تفيد ويجي منها السؤال محلولي |
اقتباس:
لاهنت على التنويه طيب طيب انا خصم معنا الملعبه والحلاحيل عميد الملاعب فالملاعب يجـــــــــــــــــولى ياراعى العصا دام الليالى المقابيل تبشر بخير وخيرها فالفصـــــــــــــــــــــولى |
العفو يابن العم ولا شكر على واجب
ياسلاااااااااام
قلي علام القاف صابه تحاويل=سند و حدر مار ما له قبولي ما احسبك تجزع وانت لك قوة الفيل=تكشف خفاك وهرجك امس يهولي |
اقتباس:
طيب طيب شب الغضي واعبا لصفر المعاميل وارق الجبل مالك ومال السهــــــــــــــــولى انا بلشت وضقت مع بارد الحيل اللى يبي يدخل بذيك الدحـــــــــــــــــــــــولى |
الشاعر/وسام العصا يقول:
قلي علام القـاف صابـه تحاويـل=سند و حدر مار مـا لـه قبولـي ما احسبك تجزع وانت لك قوة الفيل=تكشف خفاك وهرجك امس يهولـي والشاعر/بدر ابن نايف يرد:
شب الغضي واعبا لصفر المعاميل=وارق الجبل مالك ومال السهــــــــولى الله الله الله اللهانا بلشت وضقت مع بارد الحيل=اللى يبي يدخل بذيك الدحــــــــــــولى صح لسان الشاعرين المتالقين على المحاوره الجزله والفتل والنقض |
اقتباس:
ارحب لاهنت على النقل اشكرك على المتابعه تقبل تحياتى |
ابن العم / ابن وتيد ارحب و عسى ماشر مارديت على الرساله يالقرم. ماهي
من عوايدك. ياسلااااااااااااااااام
الفيل من فوقه درج طير ابابيل=وقام يتهابد مخترش ومعزولي واللي بلش في رفقته للمشاكيل=قصرت حباله للعلا ما ينولي |
اقتباس:
طيب طيب شعار تال الوقت صارو مساطيل والملعبه تبغي الرجال الزحــــــــــــــولى صح الله السانك بصف التماثيل اقولها بالرفض ولا القبــــــــــــــــــــــولى |
ياسلاااااااااااااام
دامه صحيح العقل وش علمه يعيل=ما يقابلك بالوجه سلمه ختولي اشوف الثرى ساواه مع نجمة سهيل=وعقب الفصاحه رد يرطن مغولي |
السلام عليكم ورحمة الله وبركاته
الله الله ياسلام صح الله السانك ولاهنت يالقرم اسعدنى محاورتك ولنا لقاء اخر ان شاء الله كما لايفوتنى شكر كل من تابع لك وللجميع اطيب معانى الموده والاحترام |
ابن عمي واستاذي / الشاعر الكبير بدر ابن نايف صح بدنك ولا هنت ياطيب الجدان. والله وانا صادق انه يشرفني ويزيدني فخر اللعب مع مثلك وشرواك ويكفي اني بكل طاروق معك ياعزوتي استفيد انت شاعر علم وانا افتخر بانك ابن عم واستاذ لي. ومهما قلت في حقك ماراح اقدر اعبر لانك رفيع مقام عندي انت وكل دوسري ولا يهونون البقيه لذا اعذرني اذا بالكلام قصور. واشكر كل من تابع وابدى ملاحظاته لا خلا و لا عدم من الجميع. تقبلوا تحياتي اخوكم / وسام العصا |
اقتباس:
اسعدك ربي اشهد بالله انك رجال راقي وذرب فى كلامك احرجت تواضعي يرجل الله يكثر من امثالك على الصديق لاخلا ولا عدم منك يالسنافي تقبل تحياتى |
الساعة الآن 11:15 AM
 |
Powered by vBulletin® Copyright ©2000 - 2025, Jelsoft Enterprises Ltd.
---