العمر محدود ولاّ الوقـت لـه دوره = وانا الى الحين واحزاني هي احزاني
والوقت لو جار ماهتميت من جـوره = بدري على الوقت يامرنـي وينهانـي
شفني هنا والنجـوم هنـاك منثـوره = ان كان ماطلتهـا مانيـب عرجانـي
شاعر واحب الشعر واغوص فبحوره = كـن القصايـد تعزوابـي وتنخانـي
والشاعر اللي لا غنّى يقفـد شعـوره= يستاهل انك تجـي لمشاهـده عانـي
والجادل اللي معي بالصوت والصوره = تاقف على بـاب فكـري ماتعدانـي
كنهـا تـردد بعـون الله منـصـوره = وكنها تغـذا علـى دمـي وشريانـي
احيان فيها عقـل واحيـان مطيـوره = واحيان تخطي علي وتقـول بلعانـي
تضحك على لهجتي لاقلت ماجـوره = والحيـن صـارت بلهجتنـا تحدانـي
ماهي على الوصل ملزومه ومجبوره = تقـرب وتبعـد وتذكرنـي وتنسانـي
تقول كان الغلا في جـوف سبـوره = قم اكتب اسمي غلا ولاّ قـم امحانـي
لبّـى الغـلا يابرنسيسـه ياسنيـوره = امن الغلا ماذكرت اسمك على الساني
اخاف مـن واحـدٍ لادق لـي زوره = قدام عيني والى من رحـت يقفانـي
يامطلعة شاعر الابداع عـن طـوره = الى متـى والخطـا منـك يتمثنانـي
تخطين واسامحـك واقـول معـذوره = اروح فيها لمن قلتـي علـى شانـي
القلب بستان وانتـي اجمـل زهـوره = مايقطفك من خفوقـي واحـدٍ ثانـي
تربّعـي دام لـك فالقلـب مقصـوره = والله ماانسى غـلاك ان الله احيانـي

ابن وتيد بيض اللة وجهك على نقل ذالقصيده
عزاللة ان ذالعرجاني شاعر ماهوب هين

اخوك ومحبك

------------------
(ابو زابن)
----------------