|
الشاعر قريم بن بخيتان الشكري الدوسري
هو قريم بن بخيتان بن جعد الشكري الدوسري وايضا كان يسمى باسم عمه الذي رباه فالح ، عمل مع الامير محمد الاحمد السديري في الشمال بالخوه ثم انتقل الى المنطقه الشرقيه عند تقاعده وعاش هناك وتوفى سنه 1409 هـ في مدينة الجبيل غفر الله ورحمه . وهذه قصيدة في ابن عمه حسين بن حصين بن فالح الشكري يطلبه بالحضور الى الشماليقول فيها :
ياركبن من فوق حمرا تهومي =حمرا عليها من شحمها شلاوي ركابها قرمن يبت الحزومي =دليلة الظلماء فهيم قطاوي ممشاك يمتنا سهيل اليمومي =وان علت باليسرى ترى منت غاوي تلفي على اللي للمواجيب يومي =عشير ضيفانه ربيع فداوي تراك لاجيت الحصان العزومي =تراه خيال السلف والشواوي نوخ وتلقى اللي بقدرك يقومي =قبل الشحم تكثر عليك القهاوي ياحسين ابعطيكم حمايض علومي =هذي علوم الصدق ماهي هقاوي ياحسين لامنه تردت عزومي =ارجي فروخ ريشهن متساوي يقول في قصيده جميله بالأمير محمد السديري عند طلبه للعمل معه مع في الخوه:
يالله يامدير الفلك والهبايب =يارافي الخصات وانا برجواه انك تيسرلي طريق الركايب =ورجل بليا حظ يصبح بعمياه هذا وسوف اكملها لكم لاحقا ان شاء الله |
بسم الله الرحمن الرحيم اخي فالح البخيت السلام عليكم ورحمة الله وبركاته شكراً لك اخي الكريم على ذالعلوم الطيبه ويعطيك العافيه واللة يرحم الشاعر قريم الشكري ويسكنه فسيح جناته لك تحياتي ابو زابن |
تشرفت بمشاركتك يابوزابن الله يغفر له ويغفر لجميع موتانا وموتى المسلمين.
|
تسلم يا اخ فالح على هذه المقتطفات من القصايد من الشاعر المرحوم ان شاء الله...
ننتظر جديد لا عدمناك.. |
لاهنت اخوي فالح على هذه النبذة البسيطه عن الشاعر المرحوم قريم بن بخيتان الشكره الله يرحمه ويغفر له واموات المسلمين وان شاء الله تكمل لنا قصيدته في الأمير محمد السديري ، وتعطينا المزيد من قصايده تقبل تحياتي،، |
ابن حفيظ
هايف العماني يامرحبا فيكم شرفتوا الموضوع ،،، ابشروا بالخير ان شاء الله |
لاهنت اخوي فالح على هذه النبذة البسيطه عن الشاعر المرحوم قريم بن بخيتان الشكره الله يرحمه ويغفر له واموات المسلمين
وان شاء الله تكمل لنا قصيدته في الأمير محمد السديري ، وتعطينا المزيد من قصايده تقبل تحياتي،، |
تسلم يمينك
والله يرحم الشاعر قريم بن بخيتان الشكري الدوسري . |
دغش البطي
يحيى الودعاني شرفني مروركم وابشروا بالخير ان شاء الله |
السلام عليكم ورحمة الله وبركاته
قصيدة قريم الشكره غفر الله له مسندها للأميرمحمد بن احمد السديري غفرالله له عندماكان امير الجوف وهو بهذه القصيده يطلب الخوه حيث يقول رحمه الله.
يا لله يا مدير الفلك والهبايب = يارافي الخصات وانا برجواه انك تسهل لي طريق الركايب = ورجلٍ بليا حظ يصبح بعمياه ياراكبٍ من فوق عوس النجايب = وقم الرباع العام طاحت ثناياه ان اقبلت ريمٍ من الفوج هايب = وان ادبرت رسمٍ على راس مشكاه تنصى القروم اللي تسد النوايب = تنصى البدارين الفهود المغذاه سد يريةٍ عز الوطن والقرايب = من عصر ابن بدران مابه مراواه يردون حوض الموت لاهاب هايب = مفقود ياشيخ انا طالبك ماارد خايب = طلبك انا الخوه اتمم بعطواه قل تم لاتمت عليك المصايب = الله يتمك في مقره وتقواه ياما عطيتو من مهارٍ ادايب = مهار مبهمة الحديد المحذاه وياما عطيتو من بكارٍ نجايب = مفقود يامحمد الصعصاع عطب الضرايب = ياللي عطيبات مضارب هواياه عذرا ياخوان اضطررت كتابتها مرة اخرى لانه لم يعجبني التنسيق ولم استطيع تحريرها الاخوه المشرفين الرجاء الغاء المشاركة السابقه (رقم 10) مع جزيل الشكر |
لاخ فالح الشكري
تسلم يمناك على طرحها الوافي والله يرحم الشاعر قريم ولاهنت على الموضوع |
هلا ومرحبا يابن محمد الودعاني
شرفني مرورك على الموضوع |
لاهنت اخوي فالح على ذالموضوع والقصائد
|
شرفني مرورك اخ صهيب
ياهلا ومرحبا فيك |
تحياتي للناقل
|
شرفني مرورك يابو سعود
|
في قصيدة لشاعرنا رحمه الله يمدح فيها ربعه وقبيلته سأكتب ماحفظه منها ثم اتمها لكم لاحقا ان شاء الله
الغربا نسل جدي كعام العايلين=لانهق عير يحطون في خشمه خزام نسل شكر اللي على الطايله متنومسين=اخرجوا ست النضا من ثمانين تمام وال حسن اهل الغروس الدجايا الصاملين=مثل زومات البحر لاتزجر ثم زام وال زايد عزوتي هم هل الجمع الرزين=تشبع الضبعه بجراتهم والطير حام لابتي وداية الاجنبي متعمدين=الفخر للي ودا الجار من جدر هدام |
اليكم قصيدة الشاعر الله يغفرله ويرحمه ويسكنه فسيح جناته والتي اشرت اليها في مشاركتي السابقه
وقصة القصيده انه عندما كان شاعرنا في المنطقة الشمالية وصله خبر ان ربعه صار بينهم وبين قوم اخرين نزاع على بئر ماء وكان الحق مع ربعه . واستطاعوا بفضل الله الاحتفاظ بحقهم وصد المعتدين فقال فيهم هذه القصيدة:
يالله اني طالبك يامعين الصابرين=يارفيع العرش ياللي دخيله مايضام ياالهي عونتك مانبي غيرك عوين=من ختلنا بالردى طاح في سوه شمام هاضني علم جعل من سعابه مايزين =يوم زانت لي على الكيف بيحت الغرام استوى يومٍ على نمرة اربع بالقطين=عجةٍ كدرا يغني بها ورق الحمام يوم سببها الردي عودت للمستحين=واستوى يوم عبوس على ******** يوم ****** نهق مثل عير في بطين=لين فشوا نعمته وادركوا منه المرام واستوى يوم عليهم يسر الناظرين =سولفوا به بالمجالس مودية العلام العشًير طاح بنحور ربعٍ مضرمين=طوحوا به لابتي مثل تطويح المقام من سبايب ربعي اللي عليهم غاشمين =ضربهم في هامة الراس والا بالعظام ربعي اللي في جميع المراجل صاملين=سعد منهم لابته لاغدا فيها زحام الغرابا صلب جدي كعام العايلين=لانهق عير يحطون في خشمه خزام نسل شكر اللي على الطايله متنومسين=اظهروا ست النضا من ثلاثين تمام وال حسن اهل الغروس الدجايا الصاملين=مثل زومات البحر لاتزجر ثم زام وال زايد عزوتي هم هل الجمع الرزين=تشبع الضبعه بجراتهم والطير حام من على وقت الجدود وعصور الاولين=من وقع في شرهم ماتهنا بالمنام لابتي وداية الاجنبي متعمديــــــــــــــن=الفخر للي ودا الجار من جدر هدام يامسوي البن صبه وخص الطيبين=واثلثه للي دكم حربة العايل شمام وغير ذا حنا لهم في مقابيل السنين=لين راع الحق يقتص حقه بالتمام خاتم قولي بذكر النبي ياحاضرين=عد ماهلت مزونه ومن صلى وصام |
الغرابا صلـب جـدي كعـام العايليـن ** لانهق عير يحطون في خشمـه خـزام نسل شكر اللي على الطايله متنومسيـن ** اظهروا ست النضا مـن ثلاثيـن تمـام وال حسن اهل الغروس الدجايا الصاملين ** مثل زومات البحـر لاتزجـر ثـم زام وال زايد عزوتي هم هل الجمع الرزين ** تشبع الضبعه بجراتهـم والطيـر حـام من على وقت الجدود وعصور الاوليـن ** من وقع فـي شرهـم ماتهنـا بالمنـام الله يرحم الشاعر قريم الشكرة . ونعم بربعه ( الغرابا ) ويستاهلون المدح وكفو له. ونعم بالشكرة ونعم بآل حسن ونعم بآل زايد. بيض الله وجهك يافالح على ذا القصائد وترى من زمان وانا ادور قصايد قريم رحمه الله فياليت تنزلها كلها على المنتدى والا ترسلها لي ضروري على الخاص ولا هنت يافالح. وننتظر جديدك. |
ياهلا ومرحبا فيك ياخوي صقر
شرفني مرورك على الموضوع والله يبيض وجهك على هالكلام الطيب ويرحم والديك واوعدك اني اذا اضفت اي شي جديد للشاعر راح ارسلك رسالة على الخاص اخوك / فالح الشكره |
وللشاعر قصيده قالها ايام الشباب الله يغفرله ويرحمه ويرحم جميع موتى المسلمين
يالاجاويد قبل الموت سجوبي=وارحموني ترى للحب ماريه كل ماجيت انا بسج واتوبي=من هوى البيض واترك كل نشميه عرضت لي صلاه العصر يالنوبي=ولعتني وانا عيني شقاويه شبه هالقايده والصيد جندوبي=او شريف يبارونه فداويه |
يالاجاويد قبل المـوت سجوبـي *** وارحموني ترى للحـب ماريـه الله يغفر له ويرحمه . وانا اشهد ان الموت ماخلا احد , الله اكبر بيض الله وجهك يافالح على هالقصيدة وترى ماقريت رسالة الخاص قبل شوي . وياليت تجيب قصيدته كاملة هو وحمود , يوم يقوله حمود ياقريم ماشفت لابس الماهود ** الترف زين التعزالي ويوم رد عليه قريم الله يغفر له بالقصيدة الطويلة اللي يقول فيها: ان طاب حظ الفتى ياحمود *** تلقاه عند العرب غالي وان خاب حظ الفتى ياحمود *** خلاه زين التعزالي من عقب ذا من مكرمات الجود *** من خيرة الهجن وعيالي ركابها ماطرا ه ينود *** ليا ضرب فنتقاً خالي تنحر ربوعي ذرا المضهود *** الآد شكر هوى بالي قلبي عليهم تهبه نود *** اوماي شلون بمخيالي وياليت بعد تجيب قصيدته كاملة اللي يقول في مطلعها : المشقى بدى في راس ماباني *** يبدع القاف في عالي مراقيبه ودمت ولا هنت يافالح |
ماقصرت يافالح وبيض الله وجهك
|
ان طاب حظ الفتى ياحمود = تلقاه عند العرب غالي الله يغفرله ويرحمه وان خاب حظ الفتى ياحمود = خلاه زين التعزالي سوف احاول احصل على هذه القصيده ياصقر الشكره بيض الله وجهك على التذكير واذا كان عندك شي للشاعر عطناه لاهنت . |
اقتباس:
للبدارين ( والله والنعم فيكم ياعيال بدران )
تنصى القروم اللي تسـد النوايـب=تنصى البداريـن الفهـود المغـذاه سد يريةٍ عـز الوطـن والقرايـب=من عصر ابن بدران مابه مـراواه |
لاهنت اخوي
|
ولاتهون يابوتركي ، شرفني مرورك
|
مشكور يا فالح ويجعلك سالماً غانم * ونتظر جديدك
|
رحم الله الشاعر الفارس قريم الشكرة وجعل مثواه الجنة
وهل قصايد شاعرنا الكبير محفوظة لديك أخوي فالح مع اطيب تحياتي أخوك/ معجب |
هلا ومرحبا فيك يامعجب ، شرفني مرورك بالنسبه لشاعرنا فيه من قصائده ماهو مكتوب وقصائد اخرى ليست مكتوبه ونسعى جهدنا الى تجميع قصائده الغير مكتوبه
اخوك فالح |
الساعة الآن 12:32 AM
 |
Powered by vBulletin® Copyright ©2000 - 2025, Jelsoft Enterprises Ltd.
---