يا ذعار لا جيتهم يوم انت مرسالي=ما خاب من كان مثلي وانت مرساله
سلم عليهم سلام صافي حالي =واثنه على اللي يقول العود وش حاله
هذا وانا يا فتى ما هوب عزالي=كم واحد يمتني مثلي ولا جاله
انا الحمدلله عزيز وطيب فالي=ومن كان مثلي عزيز وطيب فاله
ياناس خلوني المسؤول بهبالي=واللي بصير بحاله مالي وماله
لولا المهبل حشا ما يرتشي حالي=جعله اهبال يزود وزوده اشلاله
خلوني ادله مع الخبلان واشلالي=ما سرني صاحي في دبرة احواله
يا عيال هاكم جواب من تمثالي=كلام عود قضا باللي تهياله
تكفون حاذور من سيرات الانذالي=ترى الفتى سيرته من جوهر افعاله
لاتحسبون الفخر في جمع الاموالي=كم واحد عوقه المسموم من ماله
يا مليم المال جعله قله الوالي=لا صار ما هوب في العازات يشفاله
اما صديق شفيق حده الالي=والا بن عم ثقل حمله ولا شاله
الجوهر الغالي اللي مكسبه غالي=كسب الثنا يوم ما كل بيحتاله
والطيبه سنها الاول على التالي=ومن جنب الطيب واهل الطيب عزاله
والغانمه ما كسبها كل رجالي=ايضا ولا كل رجال بيتهياله
والما المسمى يبي دلو ومحالي=وكل يقوس الطويل ويرد بحباله
هذا جوابي وانا اقوله ولا ابالي=من مصنع صايغه يفهم تسلساله
مانيب كوح يرقعها بالاسمالي=ما حل في خاطره من ملهج قاله
اصبها صب وانخلها بمنخالي=واصفها صفة الصراف لرياله
هذا ولا نيب للعربان دلالي =مني وعني واقوله واتثناله
افضيت عما مضا باللي تهيالي=واستغفر الله بدق القول واجلاله

والله لو ان الهرج من غير سلطان =ماصبر ولو ان التسرع من ابليس
فسادنا ذبح الغنم يا بو مران=وحط عليها من طول النسانيس
ونطرب الى جانا من البعد ضيفان=نفرح بهم من حبنا للنواميس

ياللي تقول ان فقرنا من يدينا=لاتحسبنا ما نعرف التدابير
ياما غدا من ويا ما عطينا= وياكثر ما حشت يدينا من الخير
نجود من جودات ربك علينا=ونصبر ليا كثرة علينا المخاسير
وان جات من ربك على مابغينا=والاجرنا في رجا الله بتيسير
ولو الصخر ياطا على ما وطينا=خطر يذوب من التجمد على الكير

الشاعر الفحل

سعد بن هتيل

الله يرحمه ويسكنه الجنه


بن مشخص


بيض الله وجهك على علومك الطيبه

وجعلك والله تسلم

المشاركة الأصلية كتبت بواسطة بن مشخص المسعري الله لايهينكم يا اخوان وبيض الله وجيهكم اخواني الخيلي وحمد الودعاني والبراق والشكري وتركي الودعاني .................................................. ...... يالشكري انت خوينا الاوله؟

ولا انت يا بن مشخص معك

بو عبد الله الشكري + الشكري الكويت = الشكري


وعساك على القوه

تكفون حاذور من سيـرات الانذالـي=ترى الفتى سيرته من جوهر افعالـه
لاتحسبون الفخر في جمع الاموالـي=كم واحد عوقه المسموم مـن مالـه

ياللـي تقـول ان فقرنـا مـن يدينـا=لاتحسبـنـا مــا نـعــرف التـدابـيـر
يامـا غــدا مــن ويــا مــا عطيـنـا=وياكثر ما حشت يدينا مـن الخيـر
نجـود مـن جــودات ربــك عليـنـا=ونصبر ليا كثرة علينا المخاسيـر
وان جات من ربـك علـى مابغينـا=والاجرنـا فــي رجــا الله بتيسـيـر
ولو الصخر ياطا على مـا وطينـا=خطر يذوب من التجمد على الكير