يقول منهو لابدا اللازم يبين=ويثبت المعنى بمبدا وسيسان
خيل الفكر ماهيب تحتاج تمرين=جور الزمان الشين سوالها عنان
مجرب وقتي وذقت الامرين=والتجربه ماهيب تحتاج برهان
خاويت في وقتي عباد ن غريبين=راع المصالح لا قضا لازمه خان
مادامهم وراك يبقون ذربين=ولا احتجتهم كل تعذر ولابان
ماعم في هرجي وبه ناس وافين=تظهر بفعل الطيب في كل ميدان
شرواك ياجمحان طلق الحجاجين=اللي فعولك ترجح بكل ميزان
جمحان لاذكروا رموز البلادين=دور وتلقا له مع الناس عنوان
عز الخوي جمحان سقم المعادين=جوده على ربعه كما الوبل هتان
تضرب به الامثال بالحلم والدين=انا اشهد انه فارق طير حوران
مضراب كفه يودع الخرب قسمين=حر يعشي من قنصبه كحيلان
ضلع يذري من لجابه له معين=لاشان وجه الوقت جمحان ماشان
جمحان بيت الجود والناس دارين=ان كان ماللجود في كوننا اوطان
وفي قمة الامجاد بين السلاطين=ان كان ماللمجد قمة ليا كان
يدريبه الاجناب قبل القريبين=وان كان مايدرى عن فلان وفلان
وجهة نظر ذلحين ذلحين ذلحين=بقولها والعلم واضح من الان
الطيب بين الناس مقسوم نصفين=نصف مع العالم ونصف لجمحان