البارحه طول ليل البارح وهمه=مرت تثاقل دقايقها ثوانيها
جتني هموم الزمان الشن ملتمه=اهموم تخلف روابع من يناحيها
مابين حاجة زمان مالها ذمه=ومابين ذكرى يفج الصدر طاريها
ومابين غربة عذاب جات بمطمه=صابرعلى مرها ماذقت حاليها
احاول انسا واغير هاجس اليمه= عن قصة الهم باولها وتاليها
لكن هيهات باح العزم والهمه=ماعاد بي حيل اسايرها واجاريها
من وين ماراح فكري همها تمه=تعرض على شاشة افكاري مأسيها
والعلم ياللي تحفظ العلم وتظمه=الناس تعرف على الشده باساميها
ماشفت منهو يوردها على الجمه=لاكبرت اتهون عنده باذن واليها
حميته من طناخة راسه اتخمه=لاقام فيها يسنعها وينهيها
من ظهر حرا تخير منسبه لامه=يشوش بالمدح والنخوه يلبيها
لابديت له مابصدري مابرد دمه=ماينفهق مابعد تميت باقيها
ماهيب لحية هذور ينقل النمه=يجيب الاخبار بايعها وشاريها
لوكثرماله وكبر راسه معمه=ماهو من افحولها ولابراعيها
ماني مسميه لوان قلت لي سمه=مانشيت الاخبار تابعها ياقاريها
لكن على الله مدبر حاجة الآمه=قادر على حاجتي بامره وقاضيها
عليه شكواي ربي فارج الغمه=فزعته تغني عن الدنيا ومافيها

أخي الغالي الشاعر / حسن بن محمد بن بطحيه..


كما تعودناك دائما لاتحلق

الا وشذى العود والعنبر يحلق من حولك

وينبعث من بين جناحيك

فنثرت لنا وردا وملئت الارض ابداعا

واشغلت الناس بماتكتب يداك

وتنقل من جماليات وابيات رائعه

ومواضيع اجمل

لك مني كل الشكر والعرفان

لكل ما نثرت لنا من روائع ابداعك

دمت بود

المشاركة الأصلية كتبت بواسطة خالد المشاويه (المشاركة 636801) صح السانك يابومحمد شاعر عملاق اسمحلي اسجل اعجابي بطرحك الرائع بنتظار جديدك

المشاركة الأصلية كتبت بواسطة مبارك بن الجوير (المشاركة 636806) لابديت له مابصدري مابرد دمـه ماينفهـق مابعـد تميـت باقيهـا ارررررررررحب ياحسن وصح الله لساااااااانك من هنيا لساااابع سماء وعز الله إنك كفؤ وتبشر بعزك واكيد إن لها بارحات وإلاّ.. ههه ارقأأأأأأأأأ سنوووووووود يا مال الشحم واللي مثلك عزالله إنه بتسنع اموووره بامر الحي القيوم يا خال يسلم راسك ومنطوووقك ومن اجمل الشعر الذاتي ما تبيح به مكنونك ولم تبح للناس مكنونك.. قسم بالله إنك مبدع (ماشاءالله عليك والله لايضرك) جزالة ودايما" مانستمتع بين طيّاتها بابداع كاتبها ,,,, انت خابرني من احد معجبينك ياخال... دام عزك وابداعك لمتابعيك ولمحبيك... سعدت يابومحمد بمروري المتواضع تقبله عسى الله يسعدك فالدارين يالقرم....

احـاول انسـا واغيـر هـاجـس اليـمـهعــن قـصـة الـهــم بـاولـهـا وتالـيـهـا لـكـن هيـهـات بــاح الـعـزم والهـمـهماعـاد بـي حيـل اسايرهـا واجاريـهـا مـن ويـن مـاراح فكـري همهـا تـمـهتعرض على شاشة افكاري مأسيها والعلـم ياللـي تحفـظ العلـم وتظمـهالناس تعرف على الشـده باساميهـا

لكـن علـى الله مدبـر حـاجـة الآمــهقادر علـى حاجتـي بامـره وقاضيهـا عليـه شكـواي ربــي فــارج الغـمـهفزعتـه تغنـي عــن الدنـيـا ومافيـهـا

المشاركة الأصلية كتبت بواسطة بدر سلطان التمامي (المشاركة 637201) لكن على الله مدبر حاجة الآمـه قادر على حاجتي بامره وقاضيها عليه شكواي ربي فـارج الغمـه فزعته تغني عن الدنيـا ومافيهـا صح السانك مليون

المشاركة الأصلية كتبت بواسطة خيالية (المشاركة 637763) شاعر جزل ومبدع بشاعريتك و أنا راقت لي واقتربت من أشجاني هذه الأبيات فائق التقديــر والإحترااام ..

المشاركة الأصلية كتبت بواسطة وقيان الصخابره (المشاركة 641861) ابن بطحيه شهادتي فيك مجروحه مبدع مبدع مبدع========= صح الله السانك