سر ياقلم واكتب على شف ما ابغاه = أبيات شعر من ضميري منقاه
أبيات شعر تعجب اللي قراها = من هاجس في لازمه ما ذخرناه
اقطف ثمار الورد واتعب عليها = قول الصراحة يعجب اللي تملاه
ما أقول قول الا وعندي دليله = وما أقول هرج الا صريح بمعناه
اثبت المعنى علشان يبقى = تداوله من بعدنا أجيال تقراه
ياراكب اللي يعجبك زين لونه = جيب جديد يقرب البعد ممشاه
فكسار من صنع اليهود محفوفي = لونه سماوي والتوانك معباه
لامن مشى خلا المواتر تفاهق = كنه شجيع هاش والقوم تنخاه
يسوقه اللي في اللوازم مضرا = في لازم أهل الطيب حنا زهمناه
يمشي من الهمجة مع طلعة الشمس = ماياقف إلين النفود يتعداه
ينصابنا الهدار ديرة ربوعي = أهل المواقف في اللقا وجه وجاه
نصه لربع عز منهو نصاهم = كسابة الناموس والطيب تجناه
أهل الوفا والطيب سقم الحريبي = تاريخهم معروف ماحداً تناساه
ود الرسالة للرفاقة عمومي = تلقى الشحم والطيب ودلال مركاه
مع زايد الترحيب من جيت منهم = كل يقول اقلط ومن جيت تلقاه
كسابة الجزلات ذربين الايمان = أهل الظفر يوم الليالي معاناة
والنعم في ربعي هل الطايلاتي = اسم النتيفي يرفع الراس طرياه
الكل منهم ياهل العرف وافي = أهل الكرم في مقدم الوقت واتلاه
وانّا لهم يوم اللقا عضد ايمن = بحر يعوم ويغرق اللي تعلاه
لاد الجميلي في المواقف سلاطين = عدونا من ضربنا عاف دنياه
مدح الرجال الطيبين افتخر به = ابمدح أهل الطيب ما ابغى مجازاه
من غير قاصر في جميع القبايل = مدحي لربعي تاج للراس ودواه
واسمع ياراع الجيب حذرا تناسى = وصيتي يالقرم ماهيب تياه
لا جيت بن نمشان وقف وريض = سلم عليه وحب خشمه ويمناه
مقدامنا اللي يرفع الراس طاريه = اسمه تعلا واعتلا عالي علاه
رمز الوفا رمز الكرم نسل الأبطال = مطرف سنام المجد كله تبناه
مطرف عريب الخال والجد والعم = اثر الوفا من كف مطرف ترجاه
مفراص حق ومزبن اللي عناله = انا اشهد انه عز منهو تنصاه
أنت الأمير ابن الأمير المسمين = اللي لهم في المجدالاول ملاقاه
ماهيب وهبة مير ورث عن جدود = ابوه قبله قادنا واتبعناه
عساه في الجنة مخلد ومرحوم = فهد فهد فهد الفهود المسماه
اللي على العدوان سيفه بتوعي = كم طامع رده وهو ينقل رداه
الشبل من ذيك الاسود الصعيبة = والحمدلله جاب من يتبع خطاه
وارجع واثني وافتخر واتباهى = بانك علينا شيخ والحمدلله
أنت الذي تستاهل المدح بالذات = ومدح على معناه كل يتلقاه
مايدخله ناقد ولاقلب حاسد = والحاقد لسانه نشب داخل شفاه
طيب بن عمي دايماً تاج راسي = افخر بفعله جعل الانذال تفداه
بلغ سلامي عد ما لا ح براق = واعداد نجم في السماء بانت اضياه
واعداد من زار الحرم والمدينة = واعداد من زكى وللفرض صلاه
هذا وصلى الله وسلم وابارك = على شفيع الخلق يوم الملاقاه

ينصابنـا الهـدار ديـرة ربوعـي
أهل المواقف في اللقا وجه وجـاه
نصه لربـع عـز منهـو نصاهـم
كسابة الناموس والطيـب تجنـاه
أهل الوفا والطيب سقـم الحريبـي
تاريخهم معروف ماحـداً تناسـاه
ود الرسالـة للرفاقـة عمـومـي
تلقى الشحم والطيب ودلال مركـاه
مع زايد الترحيب من جيت منهـم
كل يقول اقلط ومـن جيـت تلقـاه
كسابة الجـزلات ذربيـن الايمـان
أهل الظفر يـوم الليالـي معانـاه
والنعم في ربعـي هـل الطايلاتـي
اسم النتيفي يرفع الـراس طريـاه

كفؤ كفؤ كفؤ
وسبعة أنعاااام
فالنتيفات من اصغر نما لاكبر شيخ" فيهم
وصح الله لسااااااااااانك ملاياراااااااااااات
ذا المرة يا شافي ماهيب ملاييييين
ربعك وعزك يستاهلوووووون
وسعد من انت من ربعه يا شافي
و[اللهم صلي على النبي]
جزالة في جزالة مثل ما اعتدنا يالقرم..
استمتعت برقي الطرح والفكرة ومجمل قصيدك
وسعدت بمروري تقبله لاهنت.. :)

والنعم في ربعـي هـل الطايلاتـ ياسم النتيفي يرفع الـراس طريـاه
الكل منهـم ياهـل العـرف وافـي أهل الكرم في مقدم الوقـت واتـلاه
وانّا لهم يوم اللقـا عضـد ايمـن بحر يعـوم ويغـرق اللـي تعـلاه
لاد الجميلي في المواقف سلاطيـن عدونا من ضربنـا عـاف دنيـاه
مدح الرجال الطيبيـن افتخـر بـه ابمدح أهل الطيب ما ابغى مجـازاه