|
مقطع فيديو ( ابل سعد بن مبخوت الشكره)
هذا مقطع فيديو لـ ابل سعد بن مبخوت ابن إعجيبه من ال ثاقب الشكره ( ابو سالم ) انزله لكم واتمنا انه يعجبكم ولمشاهدة المقطع كامل بدون تقطيع ( انصحكم فيها ) اظغط كلك يمين على الرابط واختار حفظ الهدف باسم ( افضل طريقه ) http://www.dawasser.com/dawasser12.3gp |
المراقب الغالي على قلوب الجميع ((ابو عابد)) بيض الله وجهك ياذيبااان على هذا المقطع اللي هيضني وهيض الجماعه اللي عندي وعزالله ان جيتك ثمينه ومدتك سمينه طال عمرك جعل يمناك مايجيها العطب وشرف كبير لكوني اول من يرد على موضوعك وأستاذنك في تثبيت الموضوع تقبل تحياتي ولاتبطي بجديدك ،،،، |
السلام عليكم ورحمة الله وبركاته اخوي العزيز الغالي ابوعبدالله " الشكري " عز الله انك هيضتني يابوعبدالله انا اشهد انه مقطع ما شاء الله تبارك الله على هذي الابل الوضح اسأل الله ان يبارك لراعيها وان يكفيها شر العين وان يطرح فيها البركه ابوعبدالله ان اشهد انك تستاهل حبت الخشم على هذا المقطع الي شرح خطرنا وسع سدورنا عسى الله يبارك فيك يابوعبدالله ويخليك لهذا المنتدى شامخ فيه بكل علماً غانم. وجعل يمنى ابوفهيد ميجيها العطب الي ثبت الموضوع تقيل فائق تحياتي وتقديري اخوك / فهد الغريري,, |
ما شاء الله
الله يبارك بها ويطول بعمر راعيها بوعبدالله الله لايهينك على هذا المقطع الاكثر من رائع وماقصرت يالقرم تقبل تحياتي،،، |
السلام عليكم ورحمة الله وبركاته
بيض الله وجهك ياعصابة راسي على الموضوع ودايم ماتجيب الا الزين وخوتي لذيب قديد ماهي خساره وابن عجيبه من جدانك والله يرحم ابوك ويدخله فسيح جناته وجعلك ذخر في مقابيل الليالي ولاهنت يشوق البنت |
مشاءالله على ذا الابل الله يطول عمر راعيها
وعمر من اسعدنا بهذا المقطع اخوك\\ صعوط المجانين |
السلام عليكم ورحمة الله وبركاته
انا الصراحه ما قدرت اشوف المقطع مع اني حاولت من اول ما نزلت الموضوع وتحمست اكثر يوم شفت الردود بس اني متأكد انك يا ابو عبدالله ما تجيب الا الشي الزين لكن البلا بجهازي خالصه التحيه |
اقتباس:
الاخ العزيز ابو فهيد ( البراق ) الله يغليك ويعزك ووجهك ابيض والحمد الله ان المقطع اعجبك فهذا يسعدني ويفرحني واشكرك على التثبيت وشرف لي انك شارك في موضوع نزلته الله لا يخلينا منك |
اقتباس:
الاخ العزيز / فهد الغريري مرورك اتشرف فيه كيف اذا الموضوع اعجبك والله انه لشي يسعدني والله يبارك في ايامك ولك جزيل الشكر على الكلام الطيب ولا هو مستغرب منك فانت للطيب اهل وانت اساسه وعسا الله يشرح صدرك بالايمان وطاعة الرحمن وعسا الله ما يحرمنا منك لك اطيب التحيات والله لا يهينك |
اقتباس:
الاخ العزيز / ابو مبارك الله يطول في عمرك ويبارك فيك ويشرفني مرورك العطر لموضوعي واشكرك جزيل الشكر |
اقتباس:
الاخ العزيز / ابو محمد ووجهك ابيض يا محزمي ومسندي وجعل يزين حالك نعم ابن إعجيبه من جداني ابو سالم ( مزبن الدخيل ) واتشرف فيه انه من جداني وافتخر عسا عمره طويل والسامعين وهو من جدانك يا ذيب الجعاثنه وجعل شايبك في الجنه الف شكر لك على الكلام الطيب ولا هو مستغرب منك |
اقتباس:
الاخ العزيز / الشاعر صعوط المجانين جعل عمرك يطول على طاعه ومعزه واني اسعد يوم مريت على موضوعي وردك اتشرف فيه ولا هنت وتسلم ويسلم غاليك |
اقتباس:
الاخ العزيز / سالم الغريري والله انه شي ازعلني انه ما اشتغل معك المقطع ولكن طال عمرك جرب تشغل بالظغط عليه وان ما اشتغل انا انصح بالطريقه الثانيه حتا تشوفه كامل لانها افضل وهي تحميل الرابط وحفظ الهدف باسم حتا تشوف المقطع كامل وما تروح عليك باقي الصور وجعل يزين حالك وشهادتك فخر واعتزاز لي وان شا الله يشتغل معك |
بيض الله وجهك يـــــــا الشكري
وانا الحين جالس احمل المقطع والى هالحين ما بعد شفتة بس اكيد اني المقطع ما فية كلام والطيب ما يجيب الا طيب مثلة ولا هنت يالقرم اخووووووك/ فــتــى الافــــــلاج |
بيض الله وجهك يابوعبدلله وجعل من أرثك في الجنه ماشاء الله تبارك الرحمن أبلن طيبه واللي مطيبها راعيها واللي ناقلها جعل يمناه مايجيها العطب الله يطرح فيها البركه لراعيها ماشاء الله تصوير طيب وجميل جداَ أتمنى من الله العزيز القدير ان يطيل في عمرك لاهنت يالقرم على هذى المقاطع اللي تشرح الصدر وتطيب الناظرين |
ابوعبدالله الشكري مااقول الاّ بيّض الله وجهك على ذالمقاطع اللي هيضنا والله يطوّل في عمر راعيها حيث انه من رجال الشكره المعروفين بالطيب والعلم الغانم والشكره بني عمنا علومهم تسر القريب والبعيد وحنا نفتخر فيهم ومداتك دايما جزله يابوعبدالله والله لايهينك يالقرم واهديك هذا البيتين وهي وليدة اللحظه لاشك انها ماتوفي حقك
جبت الجزيله ماتعرف الهزيله=دايم على المشراف ترقى سنودي تحياتي لك--ابوشجاعجتنا ولاهي منكم مستحيله=يامسندي لاحك عود(ن)بعودي |
اقتباس:
الاخ العزيز / فتى الافلاج ووجهك ابيض وجعل يطيب فالك وان شا الله انه اعجبك وتسلم على الرد الطيب |
اقتباس:
الاخ العزيز / الحمداني وجعل شيبانك في الجنه والله يبارك فيك والله يطول عمرك على عز وطاعه وجعلك تسلم ويسلم غاليك والف شكر على الرد الطيب والمرور الكريم من شخصك الغالي والعزيز بارك الله فيك وبيض الله وجهك والله لا يهينك كل احترامي وتقديري لك |
اقتباس:
اخي العزيز / ابو شجاع عطرت الصفحه بمرورك الكريم ولي كل الفخر بردك العزيز على قلبي كيف و هو من ناس ٍ غاليه علي ( بو شجاع ) بارك الله فيك والله يطول عمرك على عز وطاعه والله لا يخلينا منك يا شاعرنا وكم انا مدين لك والف شكر على الابيات اللتي تشرفني كل التشريف واولها انها منك وما اقول الا صح لسانك وما يحتاج انتو ربعنا ولا عليكم قاصر ومن ناس ٍ لها معزه في وسط القلب تسلم وجعل يسلم غاليك يا نسل الشجعان ( مقيده ركابها في الملاقا ) |
الشكري أبو عبدالله
وافي وذي عوايدك ياذيبان ولاتمد إلأ الجزايل لاشلت يمناك يالقرم على هذا المقطع الجميل اللي هيضني وزعلني من شوف البلد أسأل الله العلي العظيم أن يبارك لسعد بن مبخوت ابن إعجيبه في ذوده ويكفيهن شر عيون الشياطين دمت بهذا الأبداع والتوهج ياابو عبدالله عاطر التحايا القلبية لمقامك العالي محبك الدائم : دغش بن بطي |
السلام عليكم ورحمة الله وبركاته
لاهنت اخوي الشكري على المقطع الرائع جداً وابي انشدك ال عجيبه هم الي في الكويت الي في ضاحيه صباح السالم؟ |
اقتباس:
( محب الجميع ومحبوبهم ) الله يسلمك ويغليك الف شكر لك على المرور الكريم اللي تشرفت به واشكرك طال عمرك على شهادتك الغاليه اللي اعتز فيها من شخص عزيز ووافي والله يجزاك خير على الدعاء والكلام الطيب ولا هوب مستغرب منك وان شا الله يجي الحيا ونفارق البلاد وتفل الحجاج يا بو بطي وتنومس عندها وتسلم ويسلم غاليك لا عدمنــــــــــــــــــاك |
اقتباس:
وعليكم السلام ورحمة الله الاخ العزيز / ولد الحراجين الشكر لك على مرورك الكريم والرد الطيب بارك الله فيك بالنسبه لسوالك نعم هم نفسهم ال عجيبه لكن الابل هذي طال عمرك لبو سالم ( سعد بن اعجيبه ) وهو من جدانهم من اهل الخرج اما اذا تقصد هل مقطع الفديو لـ ابلهم يعني بالتحديد فهي ليست ابلهم (ابل ابو سالم) وابلهم فيها البركه بعد والله ولا عليها خلاف وانها والله طيبه وان جاني مقطع فديو من ابلهم نزلتها ان شا الله وهو وياهم شي واحد ودايم هم عنده الله لا يفرقهم ويجمعهم على عز وطاعه وبارك الله فيك يا ولد الحراجين وتسلم ويسلم غاليك |
مشكوووووووووووووووووووووووووور يابن العم وماقصرت؛؛؛؛؛
ولاشلت يمناك وتقبل فائق تحياتي وتقديري شاكر ومقدر لمجهود المبذول وفي أمان الله |
السلام عليكم ورحمة الله وبركاته
يعطيك العافيه على دا المقطع والله انك هيضتني, وعساك على القوه |
مافتح المقطع
|
الله لايهنكم على كل حال والمقطع مافتح
|
السلام عليكم ورحمة الله وبركاته
اخوي العزيز الغالي ابوعبدالله " الشكري " عز الله انك هيضتني يابوعبدالله انا اشهد انه مقطع ما شاء الله تبارك الله على هذي الابل الوضح اسأل الله ان يبارك لراعيها وان يكفيها شر العين وان يطرح فيها البركه |
الساعة الآن 09:19 AM
 |
Powered by vBulletin® Copyright ©2000 - 2025, Jelsoft Enterprises Ltd.
---