|
يـابـحـرشـعـري لا تـزيـد حـمـولي
ايها الاخوة الاعزاء في منتدنا العزيز السلام عليكم ورحمة الله هذه آخر الانتاج وتقبلوها كما هي
بسم الله الرحمن فاول شعري=والحمدلله في الخفا والقيل يابحر شعري لاتزيد حمولي =وشلك براعي الذكر والتهليل الله خلقني والصدق منطوقي=مااعرف كلام الزور والتظليل البارحه جتني افكار واجد=من عالم التعديل والتهويل وقت تغير وانقلب دولابه=امااني المجنون والاالجيل حنا وداعين المعالي حنا=عدونا يموت قهر وويل وقت المعارك ما نهوز اعدانا=ننصى الخطر كنه قناد الهيل مانكسب الناقه وشبه الناقه=نفني المداين بالقنا والخيل ومااستصغر الناقة ولاكاسبها=.ياما حموها والرجال تعيل اهل الشجاعة لاحتمى داعيها.=تضرب بحد السيف والفتيل اهل المعالي والمقام العالي=الرأس عالي والسنام طويل مير الله المعطي وراعي المنه=الله عطانا قمة التفظيل يشهد لنا الماضي ويشهد حاضر=والشعر ديوان العرب تعليل عدونا يحسب احساب افعاله=والخبل والمعتوه خشمه ذيل وان جاء الكرم حنا فطرنا نكرم=يوم الكرم ذ لحين قوة حيل سعد الخوي لامن زهمنا عنده=انشيل حمله والرجال تشيل وآخر كلامي باختصر موضوعي =فينا المعالي كلها كوكتيل هذي مفاخرنا وكل شاهد=يمشي بها الساري صباح وليل مانيب متعصب ولاني جاهل=حقايق مثل الجدي وسهيل واليوم في الاسلام نهج ومله=دار حفظها محكم التنزيل دارالموحدجعل قبره روضه=عله سحاب مردم بالسيل دار حفظها الله وكل يدعي=يحفظ بلادي والنصرتهليل في ظل حكام توالي ربي=الله يحفظهم من التبديل بيبانهم ماسكرت للعالم=والهرج نختصره بلا تطويل خيراتهم ماتنحصى باشعاري=واللي يبحك في الجحور يميل |
رد: يـابـحـرشـعـري لا تـزيـد حـمـولي
بسم الله الرحمن فاول شعري=والحمدلله في الخفا والقيل يابحر شعري لاتزيد حمولي =وشلك براعي الذكر والتهليل الله خلقني والصدق منطوقي=مااعرف كلام الزور والتظليل البارحه جتني افكار واجد=من عالم التعديل والتهويل وقت تغير وانقلب دولابه=امااني المجنون والاالجيل حنا وداعين المعالي حنا=عدونا يموت قهر وويل وقت المعارك ما نهوز اعدانا=ننصى الخطر كنه قناد الهيل مانكسب الناقه وشبه الناقه=نفني المداين بالقنا والخيل يشهد لنا الماضي ويشهد حاضر=والشعر ديوان العرب تعليل عدونا يحسب احساب افعاله=والخبل والمعتوه خشمه ذيل وان جاء الكرم حنا فطرنا نكرم=يوم الكرم ذ لحين قوة حيل سعد الخوي لامن زهمنا عنده=انشيل حمله والرجال تشيل وآخر كلامي باختصر موضوعي =فينا المعالي كلها كوكتيل هذي مفاخرنا وكل شاهد=يمشي بها الساري صباح وليل مانيب متعصب ولاني جاهل=حقايق مثل الجدي وسهيل واليوم في الاسلام نهج ومله=دار حفظها محكم التنزيل دارالموحدجعل قبره روضه=عله سحاب مردم بالسيل دار حفظها الله وكل يدعي=يحفظ بلادي والنصرتهليل في ظل حكام توالي ربي=الله يحفظهم من التبديل بيبانهم ماسكرت للعالم=والهرج نختصره بلا تطويل خيراتهم ماتنحصى باشعاري=واللي يبحك في الجحور يميل صـــــــح لساااانك شاااعر ولك شاعريتك الراقيه احـــتراامي وتقــــــــديري .. |
رد: يـابـحـرشـعـري لا تـزيـد حـمـولي
صح لسااااانك وبيض الله وجهك على هالجزله وكفو والله ياولد ودعاااان |
رد: يـابـحـرشـعـري لا تـزيـد حـمـولي
حنـا وداعيـن المعالـي حنـا
عدونـا يمـوت قهـر وويـل والنعم والله بك وبالوداعين كلهم صح لسانك واعتلا شانك قصيده جزله من شاعر جزل لاهنت يالغالي |
رد: يـابـحـرشـعـري لا تـزيـد حـمـولي
صح والله لسانك..
اشهد انها جزله وانت من اهلها عسانا ما نفقدق ولا نفقد شرواك. لاهنت يا النادر على الهلاليه النادره. اخوووك>>>ردااااد<<< |
رد: يـابـحـرشـعـري لا تـزيـد حـمـولي
صــــــــــح الله لسااااااااااااااااانكــ |
رد: يـابـحـرشـعـري لا تـزيـد حـمـولي
اقتباس:
اقتباس:
اقتباس:
اقتباس:
ياناشد عنا ترانا الوداعين .. كم ديرة خربت وحنا سببها يفرح بنا غزو لفونا جويعين .. عقب النكوفة خاليات زهبها آلاد ناهش بالمراجل كريمين ...كبيرهم غانم ذلوله قصبها اقتباس:
اقتباس:
والسموحه على المداخلة الي من باب المحبه ودوام والدواسر كافة بعز وجمعا |
رد: يـابـحـرشـعـري لا تـزيـد حـمـولي
اخواني واخواتي ابومطرالغييثي خياليه طاري البعد الهاجري رداد برنسيسه اشكر مشاعركم الطيبه التي تنم عن المعدن الطيب وفقكم الله ولاحرمنا الله من كلامكم الذي يضي طريق الحياه |
رد: يـابـحـرشـعـري لا تـزيـد حـمـولي
اقتباس:
اخوي بدو. وفقك الله وماعليك زود وبعدين يارفيقي من قال اني اذم كسب البل !!.أو اقلل من شانها انا ياطويل العمر افخر بقبيلتي مثل الشعراء ماجبت شي جديد. العرب من يوم خلقو وكل يقول انا اطيب من الآخر.وارجع لشعر المحاوره والقبايل ! هذا قالوه الشعراء قبلي في القصايد القديمه لابتي تكسب المدن بسيوفها......يوم كسب البداوين حشو هميل هل كسب الناقه يجي بحب خشوم ؟مايجي الا بالدم فلعل الامر وضح الله يطول عمرك وقصايدي في بني عمي الدواسر ومدح البل حتى في الاشرطه ماتبي علم.الله يجمعهم ولايفرقهم والله يبيض وجيهم من صغير وكبير ونفخر بهم جميعا ونحضر عندهم لادعونا ونمدحهم ونطول بطالتهم يامال الغنيمة الفهم الفهم . اشكر لك مداخلتك والنقاش مايفسد الموده الله يبيض وجهك وتقبل تقديري واحترامي |
رد: يـابـحـرشـعـري لا تـزيـد حـمـولي
|
رد: يـابـحـرشـعـري لا تـزيـد حـمـولي
كفــــــــــــــــو والله
وصح السانك وتحياتي لك |
رد: يـابـحـرشـعـري لا تـزيـد حـمـولي
السلام عليكم ورحمة الله وبركاته
في البدايه صح الله السانك هنا وهناك / يانادر وكفووو والله يالوداعين فايزين بالعلوم الطيبه ,,, انا بينتلك وجهة نظري وانا اخوك ,., في قصيدتك في الموقع اللي انت خابر ,, ولازلت معارض بشده على هذا البيت سواءآ قلت ان المحاوره يحصل فيها اشد من كذا وانا اتكلم في نص امامي وفي شطر (( مانكسب الناقه وشبه الناقه )) فهذا احتقار للناقه ولمن يكسبونها ,, وقللت منها بقولك (( وشبه الناقه )) اكيد انك تعلم ان كثير من قبائل الدواسر ,, حازوا على سمعه وادخلوا الرهبه في قلوب الاعداء (( في وقت الجهل )) وذلك بمغازيهم وكسبهم للناقه وشبه الناقه !!!!! وبيت قصيدتك المذكور ليس ببعيد عن البيت الذي استشهد به ابو زيد !!!! (( يوم كسب البداوين حشوآ هميل )) البدوايين وانا اخوك ,, هم اجدادنا الذين سجل لهم التاريخ الصولات والجولات ورفعوا من اسم قبيلة الدواسر عاليآ , ولم يكسبوا الابل كما قال الشاعر (( حشوآ هميل )) بل كسبوها وعيون الرجال تشوف جهارآ نهار ,, وسلالة هذه الابل مازلت ملك عندنا الى يومنا هذا واسمحلي ان اقول ان بيت الشاعر (القديم )جانب الحقيقه ,,ويبينه كلامي اعلاه هذي مداخلتي واتمنى ان لا يفسد الاختلاف للود قضيه ,,, اخوك / دغش بن حمد بن منصور الصخابره ,, دمت بكل ود ؟ |
رد: يـابـحـرشـعـري لا تـزيـد حـمـولي
اقتباس:
صح لسانك يابن العم وكتبت الجزلة وانت تستاهلها وبيض الله وجه القائمين على هذا المنتدى وعلى المتداخلين والمعلقين على موضوعك على طرحهم الراقي وتطبيقهم " الاختلاف لايفسد للود قضية " لكن وانا اخوك انا اشارك اخوي ابن منصور ماقاله وكلامه ماعليه غبار والاستشهاد ببيت شاعر قديم عليه رحمه الله ليس استشهاد بنص قرآني فهو أخطأ رحمه الله وأنت سرت على نفس النهج " إقتباس كامل لفكرته " اللي كان يلزمك وضع علامة تنصيص حولها كما هو متعارف عليه في الشعر أما القول " الناقه وشبه الناقه " و " حشو هميل " ففيه إجحاف كبير لقبائل الجزيرة العربية بأكملها ولفرسان القبائل وعقداها وشيوخها على مر التاريخ وفق الله الجميع واقبلوا مداخلتي برحابة صدر |
رد: يـابـحـرشـعـري لا تـزيـد حـمـولي
صح لسانك على القصيده الطيبه بس عندي بيت عليه ملاحظه الي هو :
مانكسب الناقه وشبـه الناقـه نفني المدايـن بالقنـا والخيـل اعتقد ان أصعب شي عندالرجال الشجعان والفرسان هوالغزو كسب الأبل لنهم يقتلون فرسان ويأخذونها بالقوه . وإعتقد ان ماغير كسب الأبل كسب ثاني وأمل منك انك تغير البيت لنه قوي شوي وأعتقد انك من قبيله ماهي سهله ومن الي يكسبون الأبل . امل ان تتقبل مروري |
رد: يـابـحـرشـعـري لا تـزيـد حـمـولي
اخواني الاعزاء جميعا اشكر مداخلاتكم ونحن في عصر العلم والنقاش المفيد الذي يدل على معادن الرجال ووالله انكم غالين كلكم وجماعتكم من صغير وكبير ولكن هذه الاشياء التي ذكرت لاتعني ذم بل ماكسبت الابل الابالدم .والفخر كل يفخر مثل ماقلت ..لكن سنرجع للقرآن والصحابة .فكلكم من أهل الدين والتوحيد الصحابة كان يفخر بعضهم على بعض .. ولايعني ذلك تقليل من شأن الطرف الثاني بل تفضيل فنأخذ جانب ( التفضيل وليس التقليل ) قال سبحانه وتعالى( لايستوي منكم من انفق من قبل الفتح وقاتل أولئك اعظم درجة من الذين انفقو من بعد وقاتلو ) فكلمة لايستوي (يعني ماهم سواء ) فهل الصحابه افهمو انها تحقير ؟وإلا تفضيل ..علما انني بينت لكم وقلت كسب الابل بالدم ماهو بحب خشوم ومثل ماقلت الدواسر بني عمي وقصايدي في مدحهم يعرفها الصغير قبل الكبير. وافخر بهم جميع والله شاهد والابل ماهيب للبدو فقط بل لسكان الجزيرة كلهم .البادية يتبعون بها الحياء الله يغيث المسلمين.وأهل الديرة ترعى حولهم وتهدف .وتأكل من خير ربي .وإذا خذيت ابلهم ردوها بالدم .فهل اذم نفسي وارجعو للتاريخ والقصايد في المنتدى واللقاءات كم رديناها من قبايل . مثل آل مرة وغيرهم فهل أذم نفسي؟ فكما قلت تفضيل لاتقليل الله يطول عماركم جميع وكلامكم طيب وذرب والله يعز الدواسر جميعهم ووالله اني يوم اسمع خبر طيب عن واحد منهم اني اتنامس واطول بطالتهم |
رد: يـابـحـرشـعـري لا تـزيـد حـمـولي
اخوي الغالي
نادر بيض الله وجهك على كلامك وعلى قبول النقاش وهذا يدل على سمو اخلاقك لكن نرجع لمحور حديثنا الناقه وشبه الناقه واقولك : ان استشهادك باالايات لا يفيد النقاش ولا يمت له بصله ,مثل الايه (( من انفق قبل الفتح وبعده !!!!!)) وانت استشهدت في احد ردودك السابقه ببيت الشاعر الذي خربها هو الاخر بقوله ( يوم كسب البداويين حشوآ هميل ) وهذا تقليل من كسب البدو اللي هم اجدادنا وهي ليست حشوآ هميل كما ذكر ,,اظربلك مثال : معركة سبيع والدواسر والتي انتصر فيها الدواسر بقيادة ابن بدران كانت بسبب غزوه لسبيع على الدواسر وكسبهم ابل للدواسر وكذلك غزوة الفرجان على راس ابن عواد على ال مره والمعروفه وكسبه تسعين مراح من ابل ال مره وكذلك الغييثات مع ال مره وسالفة الثمانالركايب التي لا تخفاء على الجميع وكذلك المصارير وهم اهل العشر يوم الغزوه على سبيع ,, وكذلك قصةزيد الخوير يوم رد ابل قصيرته القحطانيه من سبيع وذبح فيها 25 لحيه من سبيع وردة الابل وكذلك الشكره اهل الست وقصتها معروفه وكذلك الهوامله وسالفة الحرشا المعروفه والمشهوره لخضير بن شامانوكذلك وضح ابن حجنه امير النفعه وكسبها شجاع ال تميم وحاول يستردها اكثر من مره وبات بالفشل وكذلك الصخابره مع الشيابين ,, وغيرها وغيرها وغيرها وغيرها وغيرها الكثير ,, من كسب ربعنا بس انا حبيت اجيب لك بعضها والمختصر ,, فهل هذه البطولات تستحق ان تسميها ( شبه الناقه )!!!!!!!!!!!!!!!!!!!!!! وهل هذه البطولات كسبت كحشوا هميل كما قال الشاعر الله يرحمه ويعفا عنه ,, اخوي نادر الاعتراف بالحق فضيله ومن شيم الرجال ,,واحسبك كذلك والله حسيبك ,, وانا منذوا قرئت هذا الشطر من الوهله الاولى صدمت !!!! مع اني لست شاعر ,, فهل مازلت عند رئيك بأن (( الناقه وشبه الناقه )) و ((وحشوآ هميل )) تعبيرات صحيحه ,, اتمنى منك الاجابه الحقيقيه دون الدوبلوماسيه ,,,كما ذكرت في ردودك الولى ,,, واتمنى من القراء ابداء وجهة نظرهم في الموضوع ,, ولك يانادر وللقائمين على الموقع المحبه والتقدير ,, اخوك / دغش بن حمد |
رد: يـابـحـرشـعـري لا تـزيـد حـمـولي
اخواني بناء على رد اخي ابومحمد دغش السابق وليعلم اخي ان القلب سليم ولو في القلب شي مازدتها ابدا .ولكن بما ان الفهم يختلف .وبني عمي كما قلت غالين اولا واخيرا فأطلب من الاداره زيادة البيوت الآتيه بعد البيت مانكسب الناقه وشبه الناقه......نفني المداين بالقنا والخيل ومااستصغر الناقة ولاكاسبها.....ياما حموها والرجال تعيل اهل الشجاعة لاحتمى داعيها....تضرب بحد السيف والفتيل اهل المعالي والمقام العالي....الرأس عالي والسنام طويل مير الله المعطي ولابه منه.....الله عطانا قمة التفظيل |
رد: يـابـحـرشـعـري لا تـزيـد حـمـولي
صح السانك يالنادر وبيض الله وجهك
يالشاعر احترامي لك ولشعرك الجزل تقبل مروري |
رد: يـابـحـرشـعـري لا تـزيـد حـمـولي
اشكر القايمين على المنتدى على النقاش وارجاع ردي ولي رد اخير واتمنى قبوله من الشاعر نادر وهو أن الابيات اللي اضفتها في القصيدة لم تغير من المفهوم الاول اللي ناقشتك من اجله والاولى انك بدل هذه الابيات انك حذفت الشطر المقصود
ولكنك اضفت اربع ابيات تحسبها مرضيه وهي ماغيرت شي وزودتها بمساله التفضيل اللي ذكرت وانا اعتقد بان مافيه مقارنه بين كسب الابل وغيرها لان البل اكبر من اي شيء وعظم من امرها القران 0افلا ينظرون الى الابل كيف خلقت0 وبالنسبة لكسبها فهي مازالت موجودة عند اهلها للان والمداين اللي ذكرت يانادر وينهي وهل هي عند اهلها الان ولا السالفة تهويل مثل ماذكرت في بداية ابياتك البارحه جتنـي افكـار واجـد من عالـم التعديـل والتهويـل اتمنى ان لا تفتح هذه القصيدة باب غير طيب لانها لو انشرت اكثر من كذا الله اعلم ويش يصير 0 واستغرب تصرف الاداره من اول مانزلت فالعلاج في البداية سهل واذا استفحل الله يعين فمان الله واعذروني وإلا اللقاء |
رد: يـابـحـرشـعـري لا تـزيـد حـمـولي
اقتباس:
اخوي بدو كلامي مفهوم واعرفوه الرجال والمطاليق وإذا المشكلة عندك هي التفضيل !!! فالله يستر من اللي يصير منك |
رد: يـابـحـرشـعـري لا تـزيـد حـمـولي
أما كلمة ( التفضيل ) هذي فهي أمحق من اللي قبلها !!!!!!!!!!!
ياخوي وش تفضيله الله يهداك ؟ أنت رجل عاقل فهل تدرك معنى كلامك هذا؟ وبعدين بصراحة إبل حضر ترعى حول البلاد وتهدف وإذا أخذت ردوها بالدم؟؟ هذي جديدة! الله يوفق الجميع ويريهم الحق ويرزقهم اتباعه |
رد: يـابـحـرشـعـري لا تـزيـد حـمـولي
اذا المسأله طالت انا من وجهت نظري ان الشاعر يفهم مايقول وهو شاعر جزل وكفو اما بالنسبه لكسب البل وكسب المدن فالشاعر لم يستحقر اللذين يكسبون البل اللي يفهم الشعر يرجع للابيات التي بعد البيت الذي حصل فيه النقاش والذي لا يفهم الشعر المفروض ماينتقد |
الساعة الآن 10:41 AM
 |
Powered by vBulletin® Copyright ©2000 - 2026, Jelsoft Enterprises Ltd.
---