يــــالله يامنشي لنا غر الامزان = اعوذبك من شر جنه ونوسه
شاعروامثل لي قبــيله وفرســــان= فارس شعر ولكل وقت لبوسه
يرهي على المعنى وقافه ولاوزان = ويلقيه في حفل تساطع اكبوسه
الغيث يذكر لوورى الصين وعمان = لاحل في دار لفو به اعسوسه
الصيت يظهر لو ورى الغرب وايران =عد الروي مهوب يشبه رسوسه
ومن لاطلع صيته مثل صيت مران = خساره الرتبه ومنصب يروسه
مران ابن زابن على الجد مران = أمير ساسٍ ما أمرنه أفلوسه
سلام ياابن قويد من قلب ولسان = ياامير ياللي كل علم تنوسه
تاصل امور ماوصل قايد اركان= درع ينومس فالملاقا لبــــــوسه
لويحصل مثلك وفيحان جروان= كان العذارى مالحقهن عنوسه
من لابة يوم الملاقات شجعان = لامتس حبل الوقت واحكم مسوسه
انتم هل الوقفات لاردو الشان = منصى الى جات الامور محسوسه
من فعلكم سمي بكم عان شيبان = وانتم خيار القوم من راس روسه
مقدم عرب من مقدم الوقت للان = ينعم بكم غرس نعم في غروسه
اهل اصخاف الشول منتم بشوان = يقوله اللي مارسب في دروسه
نفخر بطيبك فخر يام براكان= الفارس اللي ماضيات رموسه
والفعل من بين الرياجيل ميدان = وولد الردي يخطيه والا يحوسه
قد قالها ابن حميد في ماض لازمان= من لايدوس الرأي غيره يدوسه
ترك صبي فالمناصب ولابان =همه يطول فالمناصب جلوسه
الحكم لابن سعود والامه اخوان = وكل يفصله على قد قوسه
ذا قول من يلعب جزيلات للحان = وشعر الحداثه مايناسب هجوسه
مع ارق التحايا =اخوكم ابن غيث

الأخ ساقان الدواسر اسعدني مرورك يالغالي
ولك ارق التحايا

الأخ عشق القصيد اسعدني مرورك يالغالي
ولك ارق التحايا

الأخ دغش الصخابره اسعدني مرورك يالغالي
ولك ارق التحايا

اررررررحب يابوجمال اسعدني مرورك العطر يالغالي
ولك ارق التحايا يالقرم