جتني معاني الشعر ياسعود تنقاد =تشدي هماليل المطر في سحابه
طير السعد رفرف بزينات لنشاد=والروض زان ولبس زاهي ثيابه
ياموطني ياللي رقى روس لمجاد =تحمي حمى التوحيد كل درابه
يامنبع الاسلام والخلق شهاد= موطن رسول الله دار الصحابة
ياقبلة الاسلام يادارلجواد = بيت الله اللي كل خلقه تهابه
وطيبة بها قبرالنبي خير من جاد=ارواحنا دونه ونفدي ترابه
لامن تنكر كل جاحد وحساد=غره عدوالله وجمعة كلابه
ناطاه بدروع ونرميه بزناد=الين يرجع من عماه لصوابه
هذا جزاء الخاين جزاء كل لوغاد=هذا جزاء من خان وكر ربابه
من شذ منا بس ويش عاد ويش عاد= الحق يرسخ والزبد في شعابه
ماراعنا الكافر بعد وتعداد =واعلامه الماجن وحكي حكابه
حنا اسود الحرب شياب واحفاد =نارد حياض الموت من كل لابه
حنا ذرى لسلام للناس قواد=معنا كتاب الله فصل خطابه
معنا جنود الارض للحرب تنقاد=حتى السماء من فوق تفتح ابوابه
حكامنا سادت على كل من ساد=في خدمة المولى وتحكم كتابه
ياموطني علك من الوسم رعاد= اقبل دعاء يارب عبد دعى به
عيشي بأمان الله على رغم من كاد= من قدنا؟ومين حضرت جنابه

المشاركة الأصلية كتبت بواسطة راشد المسعري (المشاركة 503644) صح لسانك ياشاعرنا المتألق وفي كل اتجاه ومناسبة لك تواجد ماشاء الله عليك ، ودمت ودامت مملكتنا الحبيبة بخير وعطاء وازدهار تقبل ودي وتقديري ،،،،

المشاركة الأصلية كتبت بواسطة حفيد عون بن مرزوق (المشاركة 503651) صح لسانك يانادر أبداااااااااع كعادتك ليس غريب عليك يابومحمد أطلالك المميز بالجديد مع كل حدث فأنت شاعر بحر لك مني كل التحايا

المشاركة الأصلية كتبت بواسطة شيهانه بكف صقار (المشاركة 503952) فوق عالي السحب يااغلى بلد صح الله لسانك ع الابيات الطيبه وماهيب قليلة في حق مملكتنا الحبيبه وماهيب غريبه منك هالابيات.... مسلم عربي سعودي رافع البيرق عسى عزه يدوم ربي يحفظ بلادنا من كل معادي...وتدوم بعز ال سعود وكفاة الشعب وخطـــــــــــــلان الايـــــــــــــــادي تحياتي لك

المشاركة الأصلية كتبت بواسطة يحيى الودعاني (المشاركة 503984) صح لسانك على هذه الرائعة لاهنت

المشاركة الأصلية كتبت بواسطة محمد بن حمد الشكرة (المشاركة 504797) صح لسانك يابوسعود وبيض الله وجهك على القصيده الجزله وانت شاعر جزل والله يحفظ المملكه من كل شر