اخواني واخواتي الاعزاء


بدايه يشرفني ان انظم اليكم وان اكون منكم في كل مايرقى بالمنتدى لماهو في مصلحته ومصلحتنا و اتشرف ان اكون اخ لكم



ومصافحتي الاولى بقصيده متواضعه


ارجو قبولها بمافيها

يامل قلب في دجا الليل تايه = سبة صغير السن زين الحلايا
قام يتسمع فالحكي والوشايه = وصدق كلام اللي يقول الوشايا
ليته سمعني ما سمع في قفايه = والا نشدني وش سمع من ورايا
وانا من الفرقا تزايد بلايه = أونس على كبدي لهيب اللضايا
على الذي حبه مكن في حشايه = نقش على قلبي سواة الكوايا
اسمه ورسمه ثابتٍ في خفايه = وامبينٍ حبه ولا به خفايا
وجدي عليهم وجد راع الروايه = شيخٍ يبا العليا وطرد السبايا
عقيد قوم وفاللقا له درايه = غازٍ معه ربعه يقود السرايا
كفه بها الرايه وحوله حمايه = لين اختلط عج الرمك والمطايا
تناوشه قرمٍ يجيد الرمايه = شلفاه مضربها يفج الحنايا
قلبه مغل وضاريٍ بالسطايه = بيومٍ به الشجعان ترد المنايا
صابه وربعه ما دروا ويش جايه = تشتتوا عقبه وراحوا نحايا
ذكر وليدٍ ما عليه الوصايه = طفلٍ على موته يزيد البكايا
بكية يتيمٍ ما لقا له رعايه = صم الصفا لو يسمعه جا شظايا
ومن كبر ما صابه قرا له كم آيه = ويستغفر المولى يغفر الخطايا
سعادته راحت وجات النهايه = يالله حسن الخاتمه يا رجايا
هذاك وجدي والعنا والشكايه = من صاحبٍ بعده يزود عنايا
هو فرحتي هو سلوتي هو هوايه = أهذي واسولف به وانا في خلايا
بانن لخلي في خفوقي بنايه = في مستكن القلب بين الريايا
مالي بغيره فالمزايين غايه = هو منوتي من لابسات العبايا
ليا بعد دايه وشوفه دوايه = يجرح برمشه والشفا فالشفايا
راعي جبين لأوضح النور آيه = عليه من بدر التمامي تهايا
جيت المطوع ما لقا لي قرايه = وحتى الدكاتر ما دروا وش باليا
معادلي حل يداوي شقايه = الا برايِ من هل العرف جايا
انخى وانا لي مع هل العرف رايه = نخوة غريق ما لقاله وقايا
ابي نصيحة من تكرم برايه = رايٍ يحلل محكمات القضايا
تكرموا فيه ونالوا ثنايه = اظني ادله واستلذ بكرايا
وختامها يالله تقبل رجايه = وانك تجيبه ياجزيل العطايا
ارتاح من همي وابرد ظمايه = واقطف ورود خدود ( عذب الثنايا)

المشاركة الأصلية كتبت بواسطة نايف بن مسرع الشاعر الرائع ( عبدالله العصيمي) صح لسانك وبيض الله وجهك ، على هذه الرائعة والقصيدة المتميزة ، التي مازجت بين مفرداتها حتى ظهرت لنا بهذه القوة والرصانة.. نرحب بك شاعر نتمنى منه أن يفيد ويستفيد بين أخوانه شعراء منتديات قبيلة الدواسر.

المشاركة الأصلية كتبت بواسطة العرابي ليته سمعني ما سمـع فـي قفايـه والا نشدني وش سمع من ورايـا لقد زادنا شرف و زاد نور المنتدى نور بانضمام شاعر مثلك يحمل هذا الأحساس المرهف ويصنع هذه الكلمات الجميله فاهلا ومرحبا بك بين أخوانك الشعراء الذين يزخر بهم منتدى قبيلة الدواسر أخوك في الله العرابي

المشاركة الأصلية كتبت بواسطة مسفر الكبيري صح لسانك يا الشاعر عبد الله العصيمي على هذه القصيدة الجزلة والمصافحة الأولى التي تجعلنا في شوق للقادم وأكـــــــيـــــــد القـــــــــادم أحــــــــلـــــــــى

المشاركة الأصلية كتبت بواسطة ابو مبارك المسعري الشاعر والراوي الكبير : عبد الله العصيمي مرحباً بك بين جنبات منتدانا المبارك الذ نتمنى من الله ثم منك إتحافنا بدررك الشعرية وبروايتك الأثرية لبعض القصص التاريخية كما عهدناك وعرفناك أكرربك الترحيب متمنياً لك دوام التوفيق والنجاح

المشاركة الأصلية كتبت بواسطة خيال العبية شرفت المنتدى اخوي عبدالله العصيمي و زادت شرف القصيدة الطيبة و لا تبخل بذا القصيد ،،،،،،،،، خيال العبية

المشاركة الأصلية كتبت بواسطة دغش البطي الشاعر والراوي الكبير : عبد الله العصيمي لقد زادنا شرف و زاد نور المنتدى نور بانضمام شاعر مثلك يحمل هذا الأحساس المرهف ويصنع هذه الكلمات الجميله فاهلا ومرحبا بك بين أخوانك الشعراء الذين يزخر بهم منتدى قبيلة الدواسر وصح الله لسانك على هذه المصافحه العذبه تقبل الود والتقدير أخوك دغش البطي

المشاركة الأصلية كتبت بواسطة ابن هديهد الشاعر والراوي الكبير : عبد الله العصيمي لقد زادنا شرف و زاد نور المنتدى نور يالغالي بانضمام شاعر مثلك يحمل هذا الأحساس المرهف ويصنع هذه الكلمات الرائعه لاعدمناك وصح الله لسانك على هذه المصافحه العذبه واننتظر منك الجديد جعلك سالم والك تحياتي