أبوك ما خليت يا موت فيحان = اللي ورى وادي الدواسر يحامي
وادي الدواسر من على عصر بدران= يوم الجهل قدام عصر الكمامي
يحسن عزاء الوادي موارث كحيلان = تبكيه هدب الغرس هو والجهامي
يابو خلف مرحوم يا طير حوران= عليك يا فيحان مني سلامي
يوم راح فيحان وراء الشيخ شيبان = حلوبة الأجناب مثل التهامي
لونه حي كان للدار حدان = كان البلاد الراسية ما تضامي
غدوبة القيمان رعاية الضان = مهوب روس إلي عليهم كلامي
الدار تبغي عقب شيبان شبان = أقولها ما هيب روياء حلامي
في جنة الفردوس نوراً وريحان = يالي بلاده للعدا ما تسامي
من صلب شارع طيب الساس فيحان = يقفي على القيمان كنهم لدامي
يشهد (( دويش مطير)) مهوب غلطان =بفعل الشيوخ الطيبين الكرامي
إلي لهم في موقف المجد برهان= حريبهم لا من شكى ما يلامي

المشاركة الأصلية كتبت بواسطة ثامر البدراني صح لسان قايلها وناقلها ومشكور على نقلك المواضيع الجميله مثل هذي الله يرحم فيحان .. لك مني اطيب تحيه ثامر

المشاركة الأصلية كتبت بواسطة تركي المسعري الله لايهينك اخوي على القصيده الرائعه ياخيال العبيه ويرحم ابن قويــــد

المشاركة الأصلية كتبت بواسطة بن مشخص المسعري الله يرحم الامير والفارس فيحان بن خلف ابن قويد له مواقف مشرفه ومعروفه لدى جميع الدواسر....وبيض الله وجهك يالقرم وعزالله ماقصرت بهالمواضيع الطيبه