أكتشفنا صيغة الدنيا وهي مرتاعه=لارهجها ثورة البركان وا لزلزالي
والبخت لوفيه خير بدبرته وأسناعه=ماحذفني من ورى شط البحر بلحالي
الله أكبر يالزمان اللي تفر الساعه=القريب أصبح عدوي والبعيد موالي
أصبح القلب المهاجر مايواطن قاعه=يصطفق مثل الغريب اللي ماحوله والي
ونتي ونة مريضن ماتطيب أوجاعه=كل من زاره وشافه دمع عينه سالي
علموا راع الاشاعه لايحط أشاعه =لويسوي فحص طبي مادرى عن حالي
وكل ماناظر عيوني قال حالك راعه=لاتقول أني بخير وطيبن متشالي
الوكاد أن الكدر بعيونك الملتاعه=ولادرينا وش سبايب علتك ياغالي
قلت حالي مستحيل تميزون أوضاعه=بس عطني لوتكرم غترتي وعقالي
مالي إلا رأس مرقابن تلج إسباعه=شيب عيني يوم أشرف به وجوه خالي
أفتح أزراري وأنطح منحري ذعذاعه=وأرفع بصوتي وأغني للهوا موالي
أتشطر عن عيون العالم الخداعه=وأترك الدنيا وأهلها تبتسم للسالي
بين صطوات الزمن وأنيابه المزاعه=ماتوقعت الظروف يحطمن آمالي

صح لسانك و صح لسان الشاعر

الصلف على هذه الرائعة


لاهنت

المشاركة الأصلية كتبت بواسطة أبـ ريماس ـو (المشاركة 504080) الصلف هو سالم بن صمهود الغياثات على ما اعتقد صح لسان ابن فهيد ولاهنت ع طرحك

المشاركة الأصلية كتبت بواسطة ابو زيد الغييثي (المشاركة 504191) صح اللسان ابن فهيد مليووون ولا يوفون بو ريماس صحيح ما ذكرت واظن الاخ بو مطر عنده خطئ مطبع واذا كان لا فالدعوة سهالات اثنينهم غييثات

أكتشفنا صيغة الدنيا وهـي مرتاعـه=لارهجها ثورة البركـان وا لزلزالـي
والبخت لوفيه خير بدبرتـه وأسناعـه=ماحذفني من ورى شط البحر بلحالـي
الله أكبر يالزمان اللي تفـر الساعـه=القريب أصبح عدوي والبعيـد موالـي
أصبح القلب المهاجر مايواطن قاعـه=يصطفق مثل الغريب اللي ماحوله والي
ونتي ونة مريضن ماتطيب أوجاعـه=كل من زاره وشافه دمع عينه سالـي
علموا راع الاشاعه لايحـط أشاعـه=لويسوي فحص طبي مادرى عن حالي
وكل ماناظر عيوني قال حالك راعـه=لاتقول أني بخيـر وطيبـن متشالـي
الوكاد أن الكـدر بعيونـك الملتاعـه=ولادرينا وش سبايب علتـك ياغالـي
قلت حالي مستحيل تميزون أوضاعـه=بس عطني لوتكرم غترتـي وعقالـي
مالي إلا رأس مرقابن تلـج إسباعـه=شيب عيني يوم أشرف به وجوه خالي
أفتح أزراري وأنطح منحري ذعذاعه=وأرفع بصوتي وأغنـي للهوا موالـي
أتشطر عن عيـون العالـم الخداعـه=وأترك الدنيا وأهلهـا تبتسـم للسالـي
بين صطوات الزمن وأنيابه المزاعـه=ماتوقعت الظـروف يحطمـن آمالـي