|
قصة راكان بن حثلين مع ابن قرمله شيخ قحطان.......
هذه القصيدة لابن شافي امير بني هاجر مسندها لمحمد بن هادي بن قرملة أمير
قحطان يستنصر بها على العجمان حيث تجمع بين بني هاجر وقحطان أواصر قربى حيث يقول فيها:
يا راكبن حمـرا بلونـه سحامـه=ترعى الزهر وين الشحم فوقها زام فوقه صبـي مـا تغيـر كلامـه=يِدي الخبـر يـم الرفاقـه بَلَـوْلام يا جـن تـرك الرثـا والحمامـه=إحمولنا مـن قبـل حِـلْ التِنـدام صبيان قحطـان غشاهـم ملامـه=ويلها على صبيان جلـبٍ تلـم لام حنا كمـا مايِـحْ ثمانيـن قامـه=هَيْما وفي جيلانهـا تسعـة هِيـام ما يظهر الماء يِحْمي أقصى غمامه=خطـرٍ علـى جيلانهـا بتـهـدام حنـا شـوي وحاميتنـا القرامـه=قطاعةٍ ننطـح ولـو كملـوا يـام أرماحنا وسـط المدينـة علامـة=مع الصحابة حاربوا ذيـك الايـام ثم رد عليه ابن هادي بقصيدة وهي رسالة تهديد ووعيد واعلان حرب على العجمان ومنها هذه الابيات :
لي لابـةٍ حَدَّرتهـا مـن تهامـة=وسلاحها صنع الافرنجـي والاروام ولا بد من يـوم يثـور عسامـه=إما على مطير ولا علـى يـــــــام ويا ذا البهم والله إن تباري الجهامة=إلين تنزل بين صفـوى والاوجـام حنـا كمـا سيـلٍ يطـم العدامـة=حول على طاش البحر لـه تِلِطـام هذا على عـودٍ وصلنـا سلامـه=اللـي غَثانـا بِالبكـا والتِّظـيـــــــام فلما سمع الشيخ راكان قصيدة ابن هادي ردَّ عليه بهذه الابيات ويقول فيها:
يـا راكـبٍ حـرٍ تـذرب سنامـه=نَيَّه جديدٍ فوق نَّيـه مـن العــــام ما صك لِحْيَه في ليالـي فِطامـه=ومدلهن يشرب لبن كـل مـرزام إليـا ورد عـدٍ يِطَيِّـرْ حمـامـه=جاله صريمٍ مـن إلحِيَّـه تقصــــام ملفاك ابن هادي كبيـر العمامـه=شيخٍ ورمحه مع أهل الخيل مرسام مـرٍ يواعدنـا بحـرب وقوامـه=ومرٍ يجينا مـن هـرج وتســــلام حي الكلام وحـي منهـو كلامـه=اللي لفانـا مـن هـرج التوهـام وش الجزا يا شوق زاهي الوشامه=لِسَّابق إللي ما عرفنا لهـا أوقـام أهديت لك نور السلف والجهامـه=باغيه ذخرٍ فـي مقابيـل الايـام وغديت أنا ويـاك مثـل النعامـة=جاها بَلاها مـن ثقيـلات الاقـدام إن كان تبغي سابقـك والسلامـه=خلوا ضعاينكم مع العتـش خـرام حِرِّم عليك النـوط فكـت إبلامـه=ما دام فيهاواحدٍ مـن ضنـا يـــام معنا الطويل اللي تجيكـم علامـه=مثل العِديم اللي على الجول صرام الترك قبلك زارِنـا بـه زعامـه=قد عافنا وِعْتاض عنا اهل الشـــام وان كان تطري حِدْرتك بالجهامـه=لما توصل بك إلى ذيـك الارجـام ذي ديرة حاكـم كبيـر العمامـه=إللي نحى عنهـا طوابيـر الاروام قدامـك شيـخٍ رفيـعٍ مقـامـه=الخيل قِرَّح وأبيـض الخـد قـــــدام وإن رادها غيره ضربنـا لثامـه=عـودٍ يبـدل هفــــــوتـه بتـنـــــدام يالله عسى الفردوس ملقى إعظامه=اللي بعث دين النبي دين الاسـلام مثل الدويش اللي يِقَدي الجهامـه=عِقرت جواده فوق رجله والاقـدام وإن كان حَدَّر لابـةٍ مـن تهامـه=حنا لهم في مقطع الصلـب قـدام اقبل وحنـا لـك نسـوي كرامـه=شِلفٍ على قبٍ سريعـات ألـولام تسعين رمحٍ كسرت فـي عدامـه=خمسين مِنْهِا بين راكان وحـزام كم ثار عند إركابنـا مـن كِتامـه=ياما هلك من ضدنا من سبب يــــام كم من حريـبٍ دارج الـدم دامـه=يشبع بها السرحان والطير لا حام حنا كمـا سيـلٍ تَناحـا غمامـه=حامل بَردهــا بالفرنجــــي والاروام سيله يقزي ما نحى مـن عدامـه=ورعودها منهـا المِدَلَـه تقصــــام وان كانكم سيـلٍ يِطْـم العدامـه=حنا زبارٍ يشرب السيـل لا عـــام وان كانكم ضلـع كبيـر حَجامـه=حنا كما نجمٍ على الضلـع هــــدام وان كانكم مثل الرعـد بِنْقِصامـه=فإن الرعد ينبت زبيـدي برضــــام كم سيف هنـديٍ فِظَخْنـا لِجامـه=بأيمانِنا كِنـه مقابيـس الاظــــلام نروي من إرقاب السِّكارا حَيامـه=في هيةٍ يشبـع بهـا كـل حـــوام قطعا لعينٍ اللي عريـضٍ سَنامـه=شقحٍ مفاليهـا مباكيـر الاوســــام وان كان وِدك عندنا لـك كرامـه=تدري بضيفتنا أهل الشرق والشام أقبل علينا حي سـوق المسامـه=وعاداتنا نغلي جلـب كـل سـوام حريبنـا تصبـح بكبـده نـدامـه=وبراية الله نجعلـه حـــــذو الاقــــــدام نرجـي مهاشيـل تعـدى تهامـه=لا ساق كالله والقـدر ناحــــرٍ يــــام وصلاة ربي عد منشـى غمامـه=على نبـيٍ خـص هالله بالاكــــرام فاراد الشيخ راكان ان يبعث برسالة فعلية الى ابن هادي قبل المعركة ليعرف بها قوته فنادى بالعجمان فقال من اللي يشوف لي ابن هادي وربعه ورد لي خبرهم فبرز من بين الصفوف واحد من شباب ال حبيش وعمره 15 سنة فجاء الى قحطان ورأى بيوتهم مبنيه بين الدهناء والصلب متوجهين الى العجمان فسأل الجنود وهم لا يدرون انه عجمي أين بيت ابن قرمله ( وهو محمد بن هادي ) فقالوا له بيت الشعر الذي يتوسط البيوت هناك فجاء الشاب فوقف على بيت ابن هادي وركز الشلفه فوقعت بينه وبين نار الدلال رسالة تهديد الى ابن هادي مفادها اني بمقدوري ان اقتلك وهرب الحبيشي فاسرع فرسان قحطان بطلبه ولكن لم يدركوه فايقن ابن هادي بقوة العجمان فتراجع عن محاربت العجمان وطلب الصلح ودارت محاوره شعريه بين راكان ابن حثلين وابن قرمله واشترط ابن قرمله بعدم وجود السلاح في المحاوره.................. ولكم تحياتي واعتذر عن الإطاله في الموضوع |
تسلم ياراكان
على هذا الموضوع الجيد ومادام أنك اسمك راكان إن شاء الله تفيدنا عن سميك من هم خواله ( راكان بن حثلين ) هل لراكان أولاد ( بنين ) هل راكان خال أحد من آل سعود وتقبل تحياتي |
تسلم يالغالي............
خوال راكان بن حثلين صار فيها جدال كثير اكثر الناس قالوا ان خواله دواسر لكن الصحيح ان خواله عجمان من فخذ ال سليمان لكن خوال ام راكان بن حثلين دواسر............ بالنسبه لعياله ولده فلاح بن راكان الذي تزعم قبيلته بعد وفاة ابيه راكان.................. اما بالنسبه ان راكان خال احد من ال سعود هذا غير صحيح لأن على ما اظن ان على وقت راكان لم يظهر ال سعود بعد(اقصد الملك عبدالعزيز)لكن في وقتنا الحاضر زوجة سلمان بن عبدالعزيز عجميه وزوجة سلطان بن عبدالعزيز عجميه وزوجة الملك فهد(الله يرحمه) عجميه............ وارجو المعذره على الإطالــــــــــــــــــــــــــه................. ......وشكــــــــــــــــــراً |
لاهنت اخوي راكان على ذي هذه القصة الشهيرة و
وبالنسبة لأخوي الواضح الشيخ راكان خواله آل سليمان وامه دليله بنت فهيد السليماني العجمي اما الدواسر فهم خوال أبوه فلاح بن مانع بن حثلين. تقبلوا تحياتي،، |
بيض الله وجهك ياراكان
راكان خواله ال سليمان من العجمان والدواسر خوال ابوه او امه فيها اختلاف وهم وداعين ويقلون ان اسم راكان لاحد اخواله الوداعين وسموه عليه والعجمان ادرى مني والله اعلم |
بسم الله الرحمن الرحيم الغالي ابو محمد " راكــان " يمرحبا ومسهلا بالرجال المناعير ابومحمد جعل عمر طويل على طاعة على هذى السالفه والقصيد لعلم من اعلام هذي الجزيزه واسأل الله ان يرحمه ويبارك في ذريته ابومحمد طرحك قيم واسلبك راقي جعلك تحيى فلا تبخل علينا بهذي العلوم يابن مرزوق جعلكم المعزه ((والولد ان طاب طيبه من خواله)) تقبل تحاتي وتقديري واحترامي اخـــــوك / فــهـــد الـــغـــريــري,, |
السلام علي الجميع طبعا أحب اشارك في الموضوع اللي أثاروه الأخوان وهو من خوال راكان بن حثلين الموضوع أثير بالفعل في مجلس العرجاني المقاول المعروف بالأحساء وكان الجدال بينه وبين ال طليميس الحراجين ويقول المثل اذا حكيت عنز ووصل الأمر الي مرحله الجدال وتطور الي أكبر ووصل الي الرهن والتحدي من( خمسين ألف ريال زايد عشاء)طبعا عيال الحريجي جابو العلم من مصدره وركبوا ووصلوا ترثه راكان بن حثلين طبعا أستقبلوهم الأجاويد وماهي غريبه منهم وأنشدوهم عن هذا الموضوع وكان الجواب نعم راكان خواله دواسر ووداعين بالتحديد طبعا أل طليميس طلبوا ورقه منهم للأثبات فقط طبعا الرهن كسبوه الحراجين لكنهم تنازلو عن الفلوس وأحلفو من العشاء طبعا اللي من المنتدي يعرف اللطليميس يقدريجيب لنا صوره من الورقه أو يعطينا أسم خواله بالتحديد.
|
السلام عليكم ورحمة الله وبركاته
لاهنت اخوي راكان واحب اشكر اخوي ناصر235 علي معلوماته الجزله والوافيه بيض الله وجهك |
هايف العماني وابو زيد الغييثي والخال فهد الغريري وتركي الودعاني................
لا هنتوا ويا مال العافيه اخوكم /راكان العجمي |
العجمان و القحاطين و الهواجر
الأخ راكان
مشكورعلى ايراد هذه القصائد المشهورة لفرسان معروفين بفروسيتهم ورياستهم لقبائلهم. لدي بعض الملاحظات و أرجو أن تتقبلها، ذكرت أن صفوى و الأوجام في منطقة الأحساء و هذا خطأ فالمدينتن من ضمن منطقة القطيف تاريخيا وهما يقعان شمال الدمام و جنوب الجبيل وكانتا من المناطق التي يتواجد بها الهواجر ثم ذكرت ان الصلب يقع في وادي العجمان والحقيقة أن وادي العجمان يقع في الصلب والدليل قول راكان بن حثلين انه سينتظر ابن قرمله في اول الصلب ولن ينتظر قدومه الى وادي المياه. وأخيرا و أرجو أن لا أكون قد ثقلت عليك و أنا خالك بالأسئلة، ذكرت في أحد الأبيات التي قالها الشيخ راكان بن حثلين كلمة (مر) وكانت بكسر الراء مع التنوين فهل هذه من لهجات العجمان. أخوك في الله العرابي الأخ ناصر حياك الله، كل هالمدة مشترك ولا لك الا مشاركتين غريبة يأخي فالواضح أن لديك معلومات مهمة و نرجو التفاعل مع أخوانك. أخوك في الله العرابي |
راكان
السلام عليكم ورحمة الله وبركاته الله لايهينك ويبيض وجهك يالغالي والله يرحم الشيوخ ابن هادي . وراكان حقيقه امتعتناء الله يطول عمرك ويكثر من أمثالك واننتظر منك المزيد بذن الله والك تحياتي |
اررررررررررررررررررررحب يا بو ناصر مرحبا ومسهلا ويعطيك العافيه على المرور وجعل عمرك طويل
تقبل تحياتي وتقديري اخوك / راكان العجمي,, |
( راكان ) الله لايهينك يابو محمد على القصائد الجزله مشاركه قويه يالسنافي وجعلك على القوه يالقرم . تحياتي لك . |
الله لا يهينك يا بو حمد على المرور............
تقبل تحياتي واحترامي.... أخوك / راكان العجمي,, |
والله كفو بالشيخ راكان و بالشيخ ابن قرملة
و نعم بشيوخ نجد كلها و لا فيهم قصور و مشكور على إيراد القصة المشهوره و تسلم يمينك على النقل ........... أخوك خيال العبية,,,,, |
لاهنت يالسنافي على المرور ويعطيك العافيه.......
تقبل تحياتي واحترامي... اخوك / راكان العجمي,, |
ونعم والله وألف نعم بالشيخ راكان!!!!
وأحسنت على إيراد هذه القصه الطيبه وأما عن خوال راكان والجدال في لك فالقول الفصل عند إبنه وهو الأمير سلطان بن فلاح بن راكان بن حثلين أمير قبيلة العجمان بالكويت وقد أجرى معه منتدى العجمان مقابله وسألوه عن خوال راكان فأجاب بالتالي : س- يتردد الى مسامعنا ان خوال الشيخ راكان بن حثلين هم الدواسر وبالتحديد آل خليّف من الوداعين فما مدى صحة هذا القول ،وهل هم اخوال والده الشيخ فلاح بن مانع الحثلين.؟ ج- خوال راكان بن فلاح بن مانع ال حثلين هم ال ابا الخلا من ال حمرا فخذ ال سليمان العجمان,ام راكان بن فلاح دليل بنت فهيد ابا الخلا من ل حمرا من ال سليمان والدواسر خوال ابيه فلاح من الوداعين وخال ابيه راكان بن خليف امير آل خليف وفارس وفلاح مسمي ولده راكان علي خاله راكان بن خليف واسم راكان جاينا من الدواسر وفيه لا زال آل راكان من الوداعين موجودين حتى الآن .)) نقلته بالنص من المنتدى. |
ما عليك زود يالودعاني ولاهنت على المرور ويعطيك العافيه.........
تقبل تحياتي واحترامي وتقديري......... اخوك / راكان العجمي,, |
و نعم بالشيخ راكان والشيخ ابن هادي
و ما قصرت اخوي راكان على جهودك في نقل المواضيع وما قصرت ...... |
ما عليك زود يا بوطلال ولاهنت على المرور........
|
اخي العزيز nasser235
اقتباس:
لاهنت على الرد ويعطيك العافيه بالنسبه لخوال الشيخ راكان بن حثلين هم آل ابا الخلا من آل حمرا من فخذ آل سليمان من العجمان وهذا كلام الشيخ/ سلطان بن سلمان بن فلاح بن راكان آل حثلين ابو جده هو الشيخ راكان بن حثلين فهو ادرى من آل طليميس http://www.alajman.ws/vb/showthread....CD%CB%E1%ED%E4 وارجو ان يفيدك الرابط تقبل تحياتي / راكان العجمي,,, |
الله لا يهينك اخوي راكان ونعم فيكم يالعجمان وفي القحاطين لدي استسفار بسيط الا وهو معركه ال محفوظ من العجمان و ابنا ابو عجينه من قحطان ولا ادري من انتصر فيها ياليت تفيدنا يا اخ راكان
|
صراحة انا اول مره اسمع المعركة هذي بس فيه سالفة بين ال محفوظ وقحطان يوم حدر صوب
وادي العجمان بعد القصايد اللي صارت بين الشيخ راكان وابن قرمله اقبل وحنا لـك نسـوي كرامـه ،،، شلفٍ على شهبٍ سريعات الاولام وهي عندما قال راكان لبعض العجمان:من يذهب ويرى أين قحطان فقام مجموعه من فرسان آل محفوظ وطلبوا أن يذهبوا هم وكان آل محفوظ معروفين بالخيل الشهب,وكان من عادة البدو لايذهبون للقتال أو الغزو الا وهم مجموعه متخالطه الأنساب لكي لاينقطع صيبهم (سلالتهم)... ولكن في هذه الحاله كان الوضع أستطلاع... وعندها أقبل جمع آل محفوظ من قحطان الذي كانوا قد نزلو بالفعل من الجنوب وأقتربوا من جنوب نجد....وكان عدد آل محفوظ 10 فرسان...وقد هالهم كثرة قحطان ، وكان لابد منهم أن يرهبون قحطان .... وكان فريس آل محفوظ فوق الجبال التي تطل على القحاطين ...وقال أحد الفريس عندما يجتمعون لصلاة المغرب يبدأ كل واحد منا يأخذ زاويه من زوايا الجبل والضلعان لكي نمطرهم بالرمي وهم مجتمعين بكل جيشهم من عدة جهات لكي نرهبهم... وفعلا طبقوا خطتهم ونجحت بتراجع قحطان تحياتي |
الله لا يهينك يا راكان على هذي المعلومه الجيده ونستنى جديدك في المواضيع الجيده
|
السلام عليكم ورحمة الله وبركاته مشكووووووووووور جزيل الشكر اخوي راكان ونريد منك قصة حرب مريخ اذا تكرمت وهي بين العجمان وقبيلة بني خالد ومتشوقين لسماعها اخوك فيصل المسعري
|
اقتباس:
مرحبا بالاخ العزيز/فيصل المسعري مريخ هي معركة من معارك مناخ الاحساء الكبير الذي استمر تقريبا 6 اشهر وهو حصار الملك عبد العزيز للعجمان في الاحساء وحدث هذا المناخ عام 1333هـ وهو بعد معركة جراب عام 1333هـ وكلاهما في نفس العام. ولم تكن قبيلة بني خالد لوحدها في جيش ابن سعود ولكن جميع قبائل العارض وفيصل الدويش ومعه مطير وابن بجاد ومعه عتيبة فتخلل مناخ الاحساء المعروف بكنزان معارك متفرقة ومنها معركة كنزان وهي ضمن معارك مناخ الاحساء ومن عدة الأسباب في حدوث مناخ الاحساء ولعل اهمها لجوء احفاد سعود الفيصل الملقب بـ ابو هلا الى قبيلة العجمان ومنهم سعود العرافه اللي خواله العجمان لانهم كانوا في نزاع على السلطة بينهم وبين الملك عبد العزيز مما زاد الطين بلة وكانت الامور تصير الى الصلح لولاء لجوء العرافه الى العجمان التي سميت بـ ( مشكلة العرافه ) في التاريخ السعودي الثالث وكما قلت تمخض عن مناخ الاحساء عدة معارك ولعل اهمها كنزان الذي قتل فيها سعد بن عبد الرحمن اخو الملك عبد العزيز . . . . . . وبعد هذه المعارك اشمل العجمان صوب النعيريه وإذا قبيلة بني خالد وقبيلة العوازم مخيمين في مريخ فقررت قبيلة العجمان بغزو الخوالد والعوازم ودارت بينهم معركه من أهمها مقتل سعود العرافه من قبل احد العوازم فنسحب الجميع بعد مقتل العرافه..... تقبل تحياتي واحترامي اخيك/راكان العجمي,,, |
والنعم والله بالعجمان
ولاهنت اخوي راكان على هذا الموضع .. وتقبل تحياتي.. |
الاخ العزيز / عبدالرحمن الشرافي,,,
اقتباس:
الاخ العزيز / عبدالرحمن الشرافي,,, ما عليك زود يالقرم ,,, ومن يقول ما يهان يا كحيلان ,,, تقبل تحياتي اخيك / راكان العجمي,,, |
لاحول ولا قوه الى بالله
تعيدون وتزيدون في سالفه لم تحصل تقولون صبيان يام جو حول مجلس ابن قرمله ورموه بشلفااااااااااا لحول الله انا اتحدى اي عجمي يذكر هذه السالفه قدام شيبانه والله ان تجييييييه لطمه على وجه لانهم يدرون ان هذا كله كلام فاضي وكتبوه العجمان وقاموا يرددونه من بعد ظهور الشبكه العنكبوتيه وصاروا فرسان المنتديات السالفه مذكوره في كل مكان ويعرفونها المنتديات كلها ولا هو كلام اخوانا العجمان وهياطهم الزاائف السالفه معروفه راح الامير راكان بن حثلين عند الامام وطلب منه رد قحطان لانه يعرف لو ان قحطان تجمع عليهم لكانت نهايه يام وقال الامام اصلح مع بني هاجر واذا قبلو صلحك سوف ترجع قحطان الى اراضيهاا وفعلن اصلح بن حثلين مع بن شافي وانتهم ولم تكن هناك حرب تذكر |
<<<<<<<<<<<<
اقتباس:
الاخ / ولد الهواجر ,,,, السلام عليكم ورحمة الله وبركاته الظاهر يا صبي محلف انك متأثر بكتاب (( ابن النعيريه )) والله يجزاك خير تقول ان العجمان مهايطيه ! ! ! ! فأنا ارفع من اني انزل نفسي لمستواك او اتفوه بكلام سوقي , , , , انت تقول ان الامير راكان ابن حثلين ذهب إلى الإمام وطلب الصلح ! ! ! ! سبحان الله كيف يطلب الامير راكان الصلح وهو يتوعد ابن قرمله في القصيده : ان كان تبغي سابقك والسلامه , , , , خلوا ظعاينكم مع العتش خرام يحرم عليك النوط فكة بلامه , , , , دام فيها واحد من ضنى يام الترك قبلك زارنا به زعامه , , , , قد عافنا واختار عنا هل الشام اقبل وحنا نسوي لك كرامه , , , , شلف على شهب سريعات الاولام كم من حريب دارج الدم دامه , , , , يشبع بها السرحان والطير لا حام كل هذه الابيات وتقول ان الامير راكان طلب الصلح يا للعجـــــب ! ! ! ! وثاني شي ابن شافي يعترف بالضعف وليس بمقدوره مجابهة العجمان والدليل قصيدته: يا جـن تـرك الرثـا والحمامـه , , , , إحمولنا مـن قبـل حِـلْ ( التِنـدام ) حنـا شـوي وحاميتنـا القرامـه , , , , قطاعةٍ ننطـح ولـو كملـوا يـام واحب اسألك سؤال : لماذا بني هاجر موجودن في قطر بكثره وخاصه ال شافي ؟؟؟ والمعارك كثيره يا صبي محلف والوقت لا يسعني لذكرها , , , , فأنا متأكد انك لا تنسى مناخ قدام , ومعركة جوده , ومعركة الرياحيه , وكون الحفيه ومعركة العيينه , و مناخ كنزان , ووووووووووووو الخ فالمعارك الذي ذقتوا فيها المراره كثيره ,, فإذا اردت ان اتحفك بها فأنا حاضر , , , ولكن اخشى ان لا تنام الليل او يصيبك الظغط او السكر ,,, وفي الختام سلام |
ونعم والله ملايين بالعجمان عيال مرزوق
ربعنا واخويانا لاهنت اخوي راكان على القصة الرائعه |
الله لايهينك اخي راكان
وماقصرت وبيض الله وجهك بالنسبه اللى ان قحطان جاو لين قطنو بين الدهنا والصلب فانا لا اويدك اخي راكان لا اني لم اجد ها في روايات رواة العجمان الموثوقه والذي وجدته هو ان قحطان لم نجد وانهم يوم شافو خضار جبال العرمه قالت وحدة من عجايزهم (يازحطان صرنا في البحر طربز) وتعرضت لهم عتيبه وانتشبو معها لما بينهم عداء جاهلي قديم الله يهدي الجميع انشاء الله ويوم القحطاني يقول للعجمان اسجدو لعتيبه الي فكونا منكم (مازحا العجمان) وقحطان ميحتاجون شهادتي ولا شهادة غيري قبيله كبيره طيبة المنسب وتاريخها المشرق وكرمها الحاتمي ونعم بالطيب اما بالنسبه حول النقاش حول راكان بن حثلين امه دليل بنت فهيد ال سليمان من العجمان وابنائه فلاح توفي سنة 1318هـ وسلطان وسلطان ابنائه سلمان وفلاح وسلمان نجله الامير سطان امير قبيلة العجمان في الكويت وسلمان مازال على قيد الحياة وهو طاعن في السن وهجرته النعيريه الجديده اما فلاح بن سلطان كذالك طاعن في السن وهو جد صاحب السمو الملكي الامير/ راكان بن سلمان بن عبدالعزيز تقبلو تحياتي |
الاخ / خاطر الخاطر ,,,
ما عليك زود يالقرم ,,, ومن يقول ما يهان ,,, ويعطيك العافيه على المرور العطر ,,, تقبل تحياتي وتقديري ,,, |
الاخ / صبي المخاسير ,,,
ارحـــــــــب ,,, وجهك ابيض يالقرم ,,, ولاهنت على المرور العطر ,,, لكن اختلف معك في كلامك واسمحلي يا كحيلان قبيلة قحطان اتجهة نحو الصلب مثل ما ذكر الامير راكان في قصيدته لكن الامام تدخل واصلح بينهم ودارت محاوره بين الاميرين ولو تسأل كبار السن عن السالفه لذكروا لك ما كتبت لاني نقلت السالفه من عدة مؤرخين ومن كبار السن ( الشيبان ) وفي الختام سلام ,,, |
رد: قصة راكان بن حثلين مع ابن قرمله شيخ قحطان.......
لا هنت يا راكان على الموضوع الجميل
و عندي إضافة بسيطة و هو بيت شعر في قصيدة راكان و قد ذكره العبيد في مخطوطته .... الشايب اللي من حديد عظامة &&& عيت تبيده الليالي والأيام ... هذا ولك جزيل الشكر ...... |
رد: قصة راكان بن حثلين مع ابن قرمله شيخ قحطان.......
اقتباس:
|
رد: قصة راكان بن حثلين مع ابن قرمله شيخ قحطان.......
الاخ راجع لاهنت على المرور الكريم ويعطيك العافيه تقبل تحياتي
|
رد: قصة راكان بن حثلين مع ابن قرمله شيخ قحطان.......
لاهنت اخوي على القصه الشهيره
تحياتي لكم |
رد: قصة راكان بن حثلين مع ابن قرمله شيخ قحطان.......
لاهنت ياراكان على القصيده ونعم بالعجمان ونعم بشيخهم راكان ..
بيض الله وجهك .. |
رد: قصة راكان بن حثلين مع ابن قرمله شيخ قحطان.......
بيض الله وجهك ولاهنت على هالموضوع الممتاز
|
الساعة الآن 05:18 AM
 |
Powered by vBulletin® Copyright ©2000 - 2025, Jelsoft Enterprises Ltd.
---