سلام يالجوب من شخصً بكت عينه=ارخص ثمين الدموع وغرق منديلـه
يبكي على واقـعً ماهـوب يازينـه=لوالبكاحيلـة اللـي مامعـه حيلـه
يالجوب ماضيك زين وحاضرك شينه=مايفرح اللـي يمرالجـوب ويجيلـه
يالجوب قل وش دهاك وساكنك وينه=ماكن هـذى وطنـه وذي مداهيلـه
كم بيـت عزًهـل النامـوس بانينـه=فـي ربعتـه يوجدالبـن ومعاميلـه
بيـتً يرحـب بخطـاره وناصينـه=منزلـه راس النفـاه وذي منازيلـه
في ذرو بوشً وضاحً وشقحهاعينـه=كنهاغثيرالسحاب اللي جـرى سيلـه
بـوشً هلـه كـل طمـاعً معدينـه=بمصقلاتً تقـص الـراس وتزيلـه
وسم القلاده لهـا حـرزً وتحصينـه=وسمً يخوف معادينـه علـى الزيلـه
سلفان بـدوً جميـع وديـرتً زينـه=من عاش معهم ولحق اليوم عزيلـه
اليـوم شـيً يقدالجـوف سكيـنـه=حتى المعالـم عليهـازادت الميلـه
والناس احدمات واحدً زاح من حينه=قانون الايام ما اعطى القوم تمهيلـه
والارض جاها دبورً شهـبً سنينـه=وغيرالدهرداسها البتـرول برجيلـه
رقً حفرهاودمرهـابـتـدخـيـنـه=وبيبً على بيب وكرينـات وتريلـه
وبلدوزرًًشقـق الخـدان صخيـنـه=وقلابي جـاب شـي وشـاً يشيلـه
وعمالتًا كـل منهـم يختلـف دينـه=كنهم خليـة نحـل فاليـوم والليلـه
وداع يالجوب من شخصً بكت عينه=ارخص ثمين الدموع وغرق منديلـه
الصلف=

صح لسانك ياسالم على ذا القصيده الجزله وجعل الجوب و الدير اللى صوبه للحيا والربيع وجميع ديار المسلمين , صح لسانك واعتلى شأنك

صح الله لسانك واعتلى شانك على هذه ألقصيده الجزله يا سالم وجعلك سالم إن شاء لله وغانم لأهنت وبيض الله وجهك تحياااااااااااتي

صح لسانك اخ سالم على رائعتك الجزله بيض الله وجهك ولاهنت..

صح لسانك يالصلف وبيض الله وجهك علي القصيده الطيبه

صح السانك وأعتلا شأنك أخي سالم بن صمهود... وفقك الله..

صح لسانك ياسالم .. دوم مبدع يالذيب لاهنت على كل حال

تسلم على الجزله يا ابو فيصل قصيده اكثر من رائعه تحياااااااااااااااتي

الشاعر القدير بوفيصل صح الله لسانك يابوفيصل على القصيدة الجزله والمحزنه والمعبره عن حال الجوب في هذا اليوم ، وصح الله لسانك مره اخرى يابوفيصل وان شاء الله نقوم قريبا ً بزيارة لكم عند ابلكم . تقبلوا تحياتي،،

صح السانك ياسالم جزل ولا يجي منك الا جزل

صح لسانك ولا هنت على الطرح الجميل

صح لسانك يابن صمهود وقصيدة وافيه وجزلة من جزل الله لايهينك على ذا الطرح تقبل مروري اخوك عبدالله

أخوي الكبير ( سالم بن صمهود ) طول عمرك مبدع يا أبوفيصل.. ما أقول غير صح الله لسانك وبيض الله وجهك.. ولا تحرمنا من جديدك يالقرم.. تقبل تحياتي

يالبى والله قلبتس ياخريص رغم اني مقصرن بحقها وبحق من فيها من الربع .. ** صح لسانك يابن صمهود على ذا الخصوبه الشعريه اشهد ان يمناك ماكتبت إلا الجزل في ذا القصيده الوافيه .. ** لاهنت .. ** تقديري ..

الشاعر : سالم بن صمهود صح لسانك ودمت ودام همس قوافيك يرن بمسامعنا جُل إحترامي وتقديري ؛؛

المشاركة الأصلية كتبت بواسطة تركي فرحان المنديل (المشاركة 407667) صح لسانك يابن صمهود وقصيدة وافيه وجزلة من جزل الله لايهينك على ذا الطرح تقبل مروري

المشاركة الأصلية كتبت بواسطة عبدالرحمن النتيفات (المشاركة 410353) صح لسانك وفي الحقيقة سمعت عن قصائدك قبل المنتدى عن طريق الاخ ماجد مفرج وياليت تتحفنا بمساجلاتك معه خاصة اللي في Area-3 صح لسانك على ذا القصيده الجزله وجعل الجوب و الدير اللى صوبه للحيا والربيع وجميع ديار المسلمين , صح لسانك واعتلى شأنك