لعيون ملحا نابيٍ نيها وظهير=تقو الدبش لا سمعت اللعب دجاره
قطعنا بها من حد برقا لحد مطير=انطرد سحابٍ ينبت العشب بآثاره
ليا زاف نبت الوسم جاته على التيسير=تسوق الحباري من خزاريف مخضاره
مرباعها وادي الرمه ما رعت في النير=قرارٍ وعشبه تو ما زاف نواره
ولاحت بروق الصيف يم الجنوب تشير=لعله يجينا طرقيٍ ناخذ اخباره
لفونا الطروش وبشّروا بالشبب والخير=يعدون سيلٍ ما استحى منه ذكاره
من الهضب للعطفين سيلٍ وديمٍ غير=وزافت عشوبه من توادين سباره
ونوو بالشديد البدو ما عاد فيه مشير=مشو من توينٍ والفحل فكّوا هجاره
شعاها المهدد يوم سند مع الجرجير=تسابق بدربه دقة الشمل وكباره
فكّوا لها المقهور ما قرع كود عصير=على ساقت العسا في طيب اذكاره
نبي ديرة باطرافه يهمل القصير=نبي الهضب ديرتنا وكلٍ يبي داره
كم شيخ قومٍ في حدوده كلاه الطير=ليا جا يبيه بقوةٍ اطفيت ناره