|
محمد بن حشفل
بسم الله الرحمن الرحيم
http://alghurairi.jeeran.com/photos/1953558_lm.jpg ديوان الشاعر محمد بن محسن بن حشفل الخضراني |
رد: محمد بن حشفل
انا لغير السفاري ماأبدي أسراري=من كل حاسد عسى الله يسلمه شرّه لاعفت شوف البلاد ودك بي طاري=ينساح بالي لزين الصـــــــــــوت لاجرّه مرواح وإلا تحت نور القمر ساري=خاطي مراحٍ يعيش القلب ويســــــــرّه لو كان مانيب بياعٍ ولا شـــــاري=ولالي من الفائده مايازن الــــــــــذره إلا غلا غاليٍ يفرح لمسياري=واهواية القلب تجبرنـــــي على المرّه |
رد: محمد بن حشفل
الجيب شاريه لي ماهوب للبيع= ماصخيه باغلى ثمن للي يسومه انا معه بالغلا ماسمع ولا اطيع= الله على موقفه ما اطيب علومه ابغي الى جات سجات المرابيع= يوسع الصدر ويبعد همومه اذخر لزومه لحزات المطاليع= لا ودعّ القيظ وانكفت نجومه ثم قام يصفق من الغربي ذعاذيع= في كل ليل ٍ مراويح غيومه ناخذ من افراح دنيانا تناويع= والوقت لو شح يوم ٍ مانلومه اللوم ينصى قليلين المنافيع= واللي على الطيب ما تقوى عزومه جربت انا الناس في بعض المواظيع= واخترت لي منهج ٍنفسي ترومه ردعت ما ارخيت للنفس المصاريع= النفس من بعض الاشخاص محشومه واخترت عنهم بعيدين المراميع= كل ابلج ٍ بالوفاء تعرف سلومه بالذات من رفقة عز ٍ وتشجيع= اعتز لو كان ما قومي بقومه والفظل لله رزاق المجاويع= مغني نفوس ٍ من الخير محرومه ثم فظل شيخ مواقيفه مفازيع= على الخوي دايم ٍ يظفي كمومه شيخ يسوقه على الفزعه دوافيع= مزبان من يعتزي به في لزومه وانا اعتبر خوته راس المطاميع= واقول يا جعلني ما ذوق يومه |
رد: محمد بن حشفل
مايوسع خاطري لازعلت من الرياض= والهجوس اللي الى جيت اركدها تهيض كود شوف البدو لامن رعوا نبت الفياض= لاتقافوا للمرابيع من عقب المقيض والسحاب الى ارتكز فيه براقه وناض= لا ادلهم وهل وامطر وهو نوه عريض ما حلا لا شفت سيله على الريظان فاض= لا ارتدم به داجي الغيم من عقب النفيض يا هل العرف السوالف طويلات ٍ اعراض= مير انا بابيّن العلم عن طب المريض ما لقيت لظايق الصدر شي ٍ يستعاض= كود شوف اهواية النفس وافراق البغيض ورفقة اللي طيب فعله كسا وجهه بياض= لا دريت انه رفيقي دريت اني حضيض |
رد: محمد بن حشفل
ياوجودي على لاما حسين الوصايف= وعنا الحال كانه داله ما درابي واحد من غلا غيره نويت النكايف= عن كثير العرب لرظاه صكيت بابي والله اني عقب طول البطاء منه خايف= لاتعود مناويه سوات السرابي ان ذكر رفقتي ما الحقت روحي حسايف= هو مسامح وانا اللي باتحمل صوابي راح ماهوب عايفني ولانيب عايف= ماتناسيت نزه العرض سهل الجنابي يابعد رفقة اصحاب العقول الخفايف= بعض ناس عثوا بالحب بين وغابي بالجهل يتبعون الغي كنهم ولايف= يدعون الغلا وعيونهم فالمخابي |
رد: محمد بن حشفل
غامرت في بدع المعاني والامثال= وكسبت منها في حياتي تجاره تجارة ٍ ماهيب كنز ولا مال= المال يمكن عقب ربحه خساره لا والله الا عرف ذربين الافعال= اشتاق له واعطي عليه البشاره من طاب صوبه رحت ما احتاج مرسال= ومن شان خليته وجنبت داره هذا هواي وكلمة الحق تنقال= كل ٍ يميل لرغبته واختياره |
رد: محمد بن حشفل
قبل ما ابدع خيار المعاني واجيبها= علي كلمةٍ ياجب علي ابتديبها ابدى بذكر الله ونطلب اهدايته= باياته اللي دايم ٍ نهتديبها والحمد للمعبود والشكر والثناء= فضايله للناس ما ينحصيبها سبحان خلاق الخلايق من العدم= واجالها وارزاقها يعتنيبها خلاق ما بالكون علام ما خفى= مدبر تصاريف اليالي وغيبها مخلوقات ربي جل شانه وقدرته= من الصعب نحصي عدها وتحسيبها ومن بعد ذكر الله بديت بمثايلي= انقى معانيها وادوّر غريبها مثايل ٍ تهدى لمنهو يبيها= عساها مع اهل العرف تاخذ نصيبها ولانيب مادحها يلوموني العرب= فلكن بانزها عن اللي يعيبها واليا جازها عرف الرجال وظمنتها= حكيتها والمستمع بيحكيبها هيت لي الفرصه وقوت عزايمي= اشهر بصوتي والمحافل ماهيبها من منبر التمجيد والمدح والفخر= بالابل وباللي مالعرب يحتفيبها باذكر عطايا الله مع فعل اهلها= اللي بحزات الشقا تشتقيبها الابل رصيد اهل الوفاء متعة النظر= هي زينة الدنيا ولا ينصخيبها الابل تجارتنا وغاية مرامنا= شفٍ لنا واهواية نهتنيبها الابل الى كلٍ تذكر مكاسبه= كسبٍ لنا بين العرب يندريبها الابل ذخيرتنا الى شحشح الدهر= من خير مدات الولي نغتنيبها الابل الى كلٍ مع الوقت باعها= من دونها الاشغال مانلتهيبها نمشي بصالحها ونتبع شفوفها= وكل العلوم الطيبه نحتسيبها دواسر ٍ تنسب لهم كل طايله= دليلها البرهان ما ندعيبها منهم بني عمي هل المجد والثناء= اللي تنزح عن حماها حريبها فرجان في دار العداء تاصل الخطر= وان صاح صياح النذر تعتزيبها مناب منها نقتني كون سودها= طوال الثمن ما كل حظٍ يجيبها لا قبل دخول الوسم وارخى قلايده= حنا الذي صوب الحيا ننتويبها بدو ٍ بداوتنا لنا مصدر الفخر= وبيض المراجل دايم نكتسيبها جدانا قدامنا ذي سلومهم= وسلومهم طول المدى نقتديبها والابل مع كل القبايل سواتنا= جميع الرجال اللي تفاخر بطيبها تمت وصلى الله على سيد البشر= عللى النبي ختمتها وانتهيبها |
رد: محمد بن حشفل
يالله ياللي ماحدٍ غيرك يدوم= ياواحدٍ سر العباد تعلمها تكتب لنا من رحمتك حظ وقسوم= ويسر لنا نفحات فظلك وادمها انت الذي تنعم على كل محروم= وان مارحمت الحال ماحدٍ رحمها ايامنا تعطي تجاريب وعلوم= وبعض البشر يبطي وهو ما فهمها اقبالها واقفايها كنه حلوم= ودوراتها حلوٍ ومرٍ طعمها الرابح اللي ما يفرط بها يوم= ما مرّ من لذاتها يغتنمها مع طاعة الله صان عرظه عن الوم= والعز ودروب المراجل لزمها نصيحتي مادمت للنصح ملزوم= ياللي جهلت اسمع لها واستلمها لاترافق الا فالعرب كل شغموم= شهمٍ علوم الطيب يوفي سهمها اللي يصير لرفقته عهد وسلوم= لامن بناها بالوفاء ماهدمها وان شفت من عرظه مع الناس مذموم= النفس عنه عزها واحترمها ترى له لسانٍ من الخبث مسموم= عقرب ثرىٍ يلدغ ذنبها وثمها قلته وسلم العرف للناس مقيوم= وعن طولها ياجب علي اختتمها |
رد: محمد بن حشفل
ياللي بزعمك للمعرفه تسمويت= اعرف ترى مالي عليك احتجاجي لا تقول وشبك ساكت ٍما تحاكيت= انا ماسولف دام مالي خراجي ماهوب كبر ٍيومني عنك صديت= سوالفك عيت توافق مزاجي باعرض بعض الناس شفتك تجريت= معك ام خمس وتحتمي بالمحاجي تذكر علوم ٍما عليها تثابيت= كنك مظيع صيدته فالعجاجي وانا بعرف الطيبين استدليت= اشرب قراح الماء واعيف الهماجي ماشفت ماحصلت ماقلت ماوحيت= والمشتبه مالي بخده مداجي وانا هواي مرافقة طيب الصيت= وراعي علوم الهون بعده علاجي اشفق لخاطي طيب ٍكل ماجيت= القى بشوفه للهجوس انفراجي اللي اليامن شافني له تعنيت= قام يتبلج حي ذاك الحجاجي |
رد: محمد بن حشفل
اللاش لا من شان ممشاه نشه= شف ماتشوف اشلا ولا شوفة اللاش شم للشلي لاعاش من شفت غشه= لا تشتقي بمشاهد الشين لا عاش غش الغشيش ينوشبه ما يخشه= شر البشر يشفا وشره من الجاش شبرٍ تشهل به وماشان مشه= ممشا الشرف تشرى مشاريه بالكاش |
رد: محمد بن حشفل
مانيب امل مشاهد الطيبيني= اهل المعزه والقلوب النظافي ولقيت في سج القدم لذتيني= سوجة نفس ولا معرفة سنافي انا رفيقي لا حصل منه زله= اخذتها منه على المحمل الزين اما دمحت لزلته حشمة له= ولا قصرت الهرج واغضيت بالعين ملزوم من بينّ لك الود ملزوم= حق ٍعليك وياجب انك تزوره خلك سوات الشمس في دورة اليوم= ولا تجي مثل الهلال بظهوره وداعتك في عز نفسك عن الناس= والعرض لا ترضى بشي ٍيمسه حتاك تبقى دايم ٍرافع الراس= والبال ماحد ٍفي حياتك يحسه من بان لك في رفقة ظن وشكوك= لا ترتجي ود ٍيجي فيه شكه نزه جنابك عنه والبعد مبروك= وخلك عليه اثقل من جبال مكه لاتنصح الخبل عند الناس تنشبّه= تراك لامن نصحته نفص عيونه اما ادخلك فالملام وحطك السبه= ولا تهايل وجاك يعد طبلونه الواجب اني مالحقه ذم وهروج= باقفي وهو مني بعد ذاك دربه بذرت بذر ٍماحصل منه منتوج= المشكل انه ما لقى طيب تربه سلم الهوى بين العرب شان تاليه= ينعاف عقب علومه اللي تجينا اسباب ناس ٍبالجهاله مشوا فيه= الله يعـافيهـم ولا يبــتليـنا عد كلمتك لي لو تكرمت عدها= عدها تراني ما عرفت مغزاها اقول يمكن قالها ما قصدها= ولا ان نفسي بس يبحث خفاها الانعزال امن الخلايق فيه لذه= كود من خاطي رفيق ٍلك سنافي كل شهم ٍينلقى بالطيب فذه= منصح ٍوان قال قول ٍفيه يافي امدح شيوخ وناش مدحي مطاليق= في كل مدغوش ٍبراسه نعاره فيهم صدقت وحالف المدح توفيق= الا وحيد ٍمدحتي له خساره وعذري لقيته مثل عذر التفافيق= ما كل رمي ٍصاب مظرب الاشاره |
رد: محمد بن حشفل
لعل السحاب اللي تسوقه هبوب النود= من عصير ولا باخر اليل مهجاده يسوقه من الغربي هوىٍ يدفعه بركود= اليا قام يكشف بارقه حن رعاده مباكير نو الوسم لانشاء وقام يزود= ثلاثة نجوم ٍمنه والرابع زياده وخمسين ليل ٍكل مانشاء السحاب يعود= اليا نش ودان المطر منه يعتاده على انحاء البلاد يعم دار الفخر والجود= بلاد ٍتزيّن بيض الايام بامجاده ويسقي البياض من الجبل لاسفل النفود= قنوفٍ تزبر من مناشيه منقاده من عقب المحل ياجعل وبله عليه يجود= اليا عد رجعه قيل ما عنه نشاده يلج بخضار ٍعقب ما ابطى يباس العود= وثرى القاع يقبل كل يوم ٍتجداده نباته وماه وسجة ٍ فيه طب كبود= لا ربع به المسني غدا ثالث اعياده وشوفه يعيش اللي بعد فيه ماله ذود= لاشاف الخضار يسج في غاية مراده يقولون راع الصنف والقول ذى ماكود= ثلاث ٍتعيد صباه وتسلي فواده شوف الخضار اليا حصل غاية المقصود= وشربه مشاهد من يوده وهو زاده وشوف السحاب اللي تسوقه هبوب النود= من عصير ولا باخر اليل مهجاده |
رد: محمد بن حشفل
مرحباً باللي سلامه يجيني كل يوم= لا لقاء من يصل العلم ودعه السلام غالي لاجيت باجيه ما جالي سلوم= حامي روحي وحاميه من بعض الكلام اتعايد من مجي العرب مالي لزوم= ويش عذري لا تعنيت واخفيت المرام لي لزوم ماقدر ابديه قدام القروم= اتشيم يوم لي عندهم قدر ومقام ماينزل قيمتة للوطاء كون الرخوم= كل رجل قيمة لا تباع ولا تسام حي ذكره من بعيد ومردود العلوم= يكفي اني ظامن حشمتي عند الحشام |
رد: محمد بن حشفل
فز قلبي حي ذالعين من شوف النفود= شوفها ذكر على القلب شيٍ يهتويه سجةٍ فالبر عقب التنحي والصدود= صدبي وقتي وانا خاطري شفقٍ عليه كل ما روّح سحابٍ معه نسناس نود= قمت اخيله من مناشيه كني باقتفيه الحيا يرجع بقلبي وفي حالي يزود= وداجتي بهواية النفس مالقى له شبيه القدم لهواية النفس ما يبغي شهود= ماهتواه القلب سار القدم حتى يجيه غايتي واجمل ماشوفه بعيني فالوجود= الخضار وشوف منهو يبي قربي وابيه وصدةٍ عن شوف ناسٍ يبذون الكبود= عالمٍ تلقى بعظهم يحير الفكر فيه عزلتي عن بعض الاشخاص ربح لي وفود= عندي انه اخير لي قطع عرفه في يديه قالوا اتبع سلمنا قلت مانيب محدود= قالوا انك مخطيٍ في كلامك قلت ليه الخطاء لاصرت اجامل ترى صبري يكود= كل نفسٍ يامخاليق مع من تشتهيه السنتهم بيض وقلوبهم بالحيل سود= الله اكبر ويش تخفي مصافية الوجيه حدث العاقل بالانصاح في ود الحسود= علمه وان صدقك فاعرف ان قلبه سفيه |
رد: محمد بن حشفل
المعلم ما يكفي بتعليم الدروس= كود دورات اليالي وبعض دروسها والمثايل للعوارف كما وصف العسوس= ما يقود لنية العرف كود عسوسها والرجال اهل الوفاء تنعرف ولها نفوس= مثل ما قالوا نفوس الحرار نفوسها والرصيد الدين والعز ما غيره لبوس= هو غذى النفس العزيزه وهو ملبوسها والخظوع يحط في سمعة الرجال سوس= لا ومرها بالمذلة كلاها سوسها علم اللي يصغر النفس من شان الفلوس= يحسب ان الناس بتكبره بفلوسها والبشر تفنى ومن طاب يبقى له رموس= وطيب طاريها يجدد قديم رموسها ما تساوى بينها بالطبايع والجنوس= تختلف بطبوعها واختلاف جنوسها فرقها بالفعل فرق العدود امن الرسوس= تنعرف من غزر ماها وضعف رسوسها |
رد: محمد بن حشفل
قال منهو للمثل ينتقي من كل نوع= لا بغاها ما تخير يكون اجزالها ما ادعينا العرف لكن كلٍ له رموع= والعوارف قبلنا نقتدي باقوالها جل منهو كون الكون في حسبة سبوع= السموات العلا وارظها وجبالها وخلق فيها عمر الانسان لايوم الرجوع= يحسب الدنيا بتبقى وهو يبقالها وعادتة الدنيا تفرق نجوعٍ من نجوع= امةٍ تنزل والاخرى تشد ارحالها ياجب العاقل حياته يجي فيها قنوع= لا يغره غي نفسه وطرد امالها ماله الا ما فعل من سجوده والركوع= طاعة المعبود ما خلق كون الالها كم وكم من غافلٍ صاعته الايام صوع= حطته دنياه في حالتةٍ يرثالها ودايمٍ بين العرب موتة الطيب تروع= واليالي بالمقادير هذى حالها ما صفت الايام للي يقودون الجموع= والاغنياء حتى بعد ما نفعها مالها كل شبعه مقتفيها بطول العمر جوع= وكل ضحكه لازمٍ البكاء يبرالها ومن يعز الفس ماهوب يرضى بالخظوع= قيمته في كل حالٍ رفع منزالها ومن يهين النفس يمشي بدرب الذل طوع= طافته لذة حياته وهو ما نالها قاله اللي للمثل ينتقي من كل نوع= لا بغاها ما تخير يكون جزالها |
رد: محمد بن حشفل
راكب اللي لا مشا يجلا الحسوفه= لا تنهض مقدمه مالخد زاعي جيب نيسانٍ عديمٍ في وصوفه= مايبي له غير راع الصنف راعي منوة اللي لا تظايق من ظروفه= ما قعد يركب مع النقل الجماعي عقب ما قضا من المطرش شفوفه= قال انا مشوف للمقعاد داعي كل ما شافوا بجده ما يشوفه= كون دارٍ شوفها مثل المتاعي دار اهلنا جعل ساعات النكوفه= بعد ساعات المفارق والوداعي |
رد: محمد بن حشفل
المدح في من يستحقه يجي زين= يصوغ في ذكره وينقاد صوبه في كل شهمٍ فالقساء فعله يبين= مواقفه عند الرجال محسوبه ما نافس اللي يكنزون الملايين= يسوق ماله دون حاله جلوبه ياطالبٍ سلم الوفاء خلك يمين= المرجله ماهيب عنك محجوبه راع الوفاء يرجح بكل الموازين= والناس يلقونه على ما هقوبه لا احتجت ولا احترت من بين الامرين= ترى السنع لك بيناتٍ دروبه الشهم لا جا واجبه يعجب العين= والحر لولا موقفه ما قنصوبه والطيب كايد والرجاجيل شرهين= والناس ما خلوا حدٍ ما حكوبه من طاب قالوا فيه والله ونعمين= ومن هان قالوا عند ذكره وكوبه والعز كنزٍ ما يقدر بتثمين= للغانمين اللي شقوا واتعبوبه والوقت يمضي والخلايق مغيرين= ولا به احدٍ فيه يصفي شروبه من عاش قرنٍ قال انا عشت يومين= يفطن بها العاقل وياخذ جروبه ان الحياة احلام والعمر تقنين= والادمي مثل القمر وصفوبه واتعس حياةٍ جارنا الله من الشين= من طال به عمرٍ وكثرت ذنوبه يالله عسانا سالمينٍ معافين= في رحمتك نطمع ونخشى العقوبه ياللي عبادك لك صيامٍ مصلين= واسمك بمبدا دينهم وحدوبه المومنين الخاشعين الملبين= من زود جودك يرتجون المثوبه |
رد: محمد بن حشفل
الا يا محمد شفت نور الهوى طفا= وبابيع قسمي سامح ٍباول السومي الى عاد لاممشاً لذيذٍ ولا وفا= ولا ما يشوق النفس مانيب ملزومي والى صار من عقب الوفا يظهر الجفا= فنا بانصح اللي من غرابيله سلومي انا اخذيت منه يا فتى الجود ما كفا= مع الطيبين اللي لهم وجه وسلومي وخرب النظام وكدروا كل ما صفا= وبار العميل اللي لعيني كما النومي الى رحت صوبه كني امشي على حفا= اداري بروحي خايفٍ يلحقه لومي عقب فرحتيبه فالشفا بيح الخفا= اكفيت البلا يابو هلا هاذي علومي
هلاً مرحباً باللي كتابه لنا لفا= تراحيب ود ٍ عقبها الرد ملزومي قريت الكتاب وبان لي منه ما خفا= وباقول رايي حسب عرفي ومفهومي هوى اهل الهوى التقليد لقاهم القفا= تباسوا بسلمه واصبح الذوق معدومي غدى اطيبهم اللي فيه لا شق ما رفا= وصاروا هله من بين ظالم ومظلومي واليا صرت تشكي من جفا راعي الشفا= على اول خطاه وزلةٍ منه لاتشومي تراه الحليم اللي لاشاف الخطا عفا= ولا يلحقه في سلم الاحباب مثلومي فليامن وظعت علاج عيبه ولا شفا= رعى الصنف مثلك له مناهيج وعزومي |
رد: محمد بن حشفل
يا ماحلا شيخة ابن ادم على روحه= يمشي عزيزٍ ورزقه عند خلاقه ما يمشي الا على شفه ومصلوحه= والله كريمٍ لخلقه كثر ارزاقه ابواب رزقه لكل الناس مفتوحه= ما ينحرم كود منهو قلت اوفاقه من كان نفسه برزق الناس مشفوحه= ترخص حياته بطعم الهون لا ذاقه يا نفس عفي ترى منتيب مسموحه= عفي من اللي يهينك واحمي الساقه عندي ترى زلتك ماهيب مدموحه= لو يعترض لك بعض الاشياء على فاقه ان ما صلح لك مكانٍ الارض مفسوحه= وان ما صلح لك رفيقٍ طبك فراقه واليا تبعتي دروب العز مبيوحه= باجزاك باللي على لاماه مشتاقه رفقة هل الخير واللي غيره سموحه= حلفت ماجني عليك برفقة العاقه يا نفس هذا هدف قلبي وذا نوحه= هو شفي اللي عشقته لا جلك عشاقه |
رد: محمد بن حشفل
بسم الله اول خير ما قيل ويقال=في كل حال وكل ما قال قايل به نستعين بكل خصات الاحوال=ونرجي عطاه ولا لغيره نسايل قلته على ما قيل قبلي بالامثال=للعرف باب وللمثايل دلايل من واجبٍ حصلت لي فيه مدخال=بدعت قولي من حسين المثايل قول ٍ مفاده كل تقدير واجلال=وشكر ٍ وترحيب ٍ بواف الخصايل نختص به مشعل عسى ايامه اطوال=رجل المواقف والفعول الجزايل نرفع له البيضاء على راس ما طال=ينظر بها من كان عينه تخايل كلٍ يقول الله يمهل له امهال=شجع هواة الابل بكل الوسايل دعمه ومجهوده لهم ماله امثال=بالجاه والوقفه وطيب النوايل واليوم تشريفه لنا يسعد البال=ماللفرح في شوف مثله عدايل هذا ولا انسى ذكر حمال الاثقال=اميرنا اللي يرتكي للثقايل عن بذل فعل الخير ماهوب ملال=لاجاه من يشكي حياة الملايل حقق لنا فعله طموحات وامال=والخرج عزه في سنين قلايل ورد الثناء من بيننا له بعد حال=منصاه من شبره بالامجاد طايل اللي محله للمسايير مدهال=خالد ولد سلمان راعى الصمايل حكيم راي ٍ للصعيبات حلال=وعند الشدايد ما لجنسه مثايل في محفل ٍ من سمع به جاه حفال=بجهودهم نظم على اكمل كمايل من طيب مبدا فكرته زاده اقبال=باسم البلد ويعم كل القبايل منافس ٍ ينعد من خير الاعمال=كل ٍ يحصل منه فود وحصايل من جود منهو للثقيلات شيال=تـنعد لابن غنيم فخر وجمايل حط الجوايز بينهم وارخص المال=جزايل ٍ ما جات منه هزايل اختص منها السود زينات الاشكال=ما بين كل صغارها والجلايل يعجبك عرض الجل منها والاجهال=سند الغوارب والرقاب النحايل لا شوشت فيها تحداب وجفال=تجيب زين ٍ يخلف العقل هايل والابل تراها المال في كل منوال=هي ذخر اهلها فالسنين الاوايل معروفها السابق على مر الاجيال=ما يجحدونه كاسبين النفايل يردون ساحات الوغى باشهب اللال=من دونها ما يسمعون العذايل ومن عقب ذاك الحال جت طيبةالفال=صارت حياة الناس خير وفضايل ومقدارها عند المناعير ما زال=ماضيعوه اهل الوفاء والفعايل ياعل يسقيها الحيا عقب الامحال=نواً تزبر من حقوق المخايل لا نش همال ٍ تقفاه همال=ايلين تمشي منه كل المسايل بانحا الوطن يستر به كل نزال=كل ٍ بداره قام ما شد حايل ويبقى الوطن سالم من اشرارالانذال=حرابة الملة خباث الدغايل خوارج ٍ عن ديننا فكرهم ضال=يسعون للفتنه بشب الفتايل عن وظعنا عميان الابصار جهال=ان دارنا ما ناله اليوم نايل بحماية الله ثم بحماية رجال=شيوخ نجد مطوعة كل عايل ومن قبل ذا ما وحدّ الدار بجدال=ولا حصل بمفاوضات ورسايل الا بعد ما جا من الشرق خيال=بستين قرم ٍ فوق قبٍ اصايل عبدالعزيز اللي وطا هام من عال=بضرب القنا ومرهفات السلايل لين اصبحت بالعز والمجد تختال=عنها المواطن ما يدور بدايل ما زل من دولٍ بدا عقبه ادوال=وحنا نعيش اليوم بامن وسهايل في عهد من حكمه لنا ريف وظلال=اللي بعدله عادل ٍ كل مايل شيخ ٍ غمر شعبه بجزلات الافعال=بينه وبين الناس ما حال حايل ماهوب ابومتعب نسميه بلحال=ابو الوطن وابوعموم الحمايل وسلطان عضده عون من حده الجال=مواقفه طب الكبود الغلايل داموا لنا دايم مواريث الابطال=مادامت الدنيا وما زال زايل وصلاة ربي عد مابيّن هلال=على شفيع الخلق يوم الهوايل |
رد: محمد بن حشفل
هاذي حياة الفناء ما حدٍ بها باقي= فيها القضاء والقدر والموت ما عنه فيها اجتماعٍ وعقبه يصبح افراقي= والعمر لابد مالايام يطونه اللي مريحٍ به واللي بها شاقي= الله هو اللي جعل موت البشر سنه الرابح اللي لفعل الخير سباقي= وبالطيب يعرف الى رد الخبر منه مرحوم يا طيّب السيره والاخلاقي= دغش البطي يا عسى مثواك فالجنه يالنادر اللي لمبدا المجد عشاقي= من ظن فيك الوفاء شافك ورى ظنه تفرح لطالة بني عمك وتشتاقي= ومواقف الطيب تفعلها بلا منّه وهاذي حياة الفناء ما حد بها باقي= فيها القضاء والقدر والموت ما عنه |
رد: محمد بن حشفل
جيت عاني وحفل اهل المروه دعاني=في محل ٍ عزيز وقبلته من رجاله ما دفعني عليه وجيت ناصيه عاني=كون يومه لزوم ٍ حفلهم ينعنا له صوب منهم لهم بالمجد قدر ٍ وشاني=في سلوم المراجل كسبهم كل طاله من بني عم واقرابٍ وربعٍ وعواني=كل شهم ٍ طريق الطيب يتبع مجاله محفل ٍ فيه طاب الكيف والجو زاني=قام بارياء رجال ٍ يهتوون الجماله كرروا عامه الثاني طوال اليماني=يحمل اسم الدواسر كاسبين الشكاله لابةٍ فعلهم يعرف بكل المعاني=بالكرم والشجاعه والسخا والجزاله من زبنهم نزل في ظفهم ما يهاني=ينجلي عنه همه عند وسم العصا له وسعوا ملكهم في كل صوب ومكاني=في حماهم تحاموا واحتموا كل جاله في مصالىالحرايب من قديم الزماني=كسروا شوك عماد الخطاء والجهاله ونحمد اللي علينا جاد واظفى الاماني=زاد فظله لنا بالخير والشر زاله في وطنا جميع الناس كنهم خواني=الولا لله المعبود ثم الولا له غير دين الشريعه مالنا دين ثاني=تحت حكم العداله ما ندوّر بداله في ذرى شيخنا شيخ الوفا والحساني=ابو متعب سندنا طيب الله فاله ريفنا فخرنا من بين قاصي وداني=ذخرنا درعنا المخزون واناّ عياله لا دعانا فحنا له عيان ٍ بياني=سعد عينه وجندٍ له على كل حاله |
رد: محمد بن حشفل
جعل السحاب اللي تكاشف بروقه=لا انشت مخاييله قنوفه مزابير ترزم رعوده والهبايب تسوقه=حل الوسامي يوم جاله مباكير كن الهوى الغربي يخايط فتوقه=روّح من القبله مزونه محادير يضفي على العارض وينساق فوقه=يمطر وسيله ينتحي للمحايير امن الجبل للعرق ينثر حقوقه=لا نش هل وزاد خير ٍعلى خير هني قلبٍ داله ما يشوقه=شوف السحاب الى نشا تالي عصير لا من نشا جو البلد عفت سوقه=شفق ٍعلى لذات بعض المشاوير وقلبي كما طير ٍ يناتل سبوقه=على المطير يتوق ويتله السير متولع ٍ قلبي وعيني شفوقه=شفي بممشاً في نبات المخاضير لاجاه ولي ٍ واستجلت عروقه=من كل نوع ٍ كاسي ٍ العثامير مع كل صبح ٍلا تبسم شروقه=قام يتـشكل فالفياض النواوير لا هبه النسناس مايل عنوقه=بنة شذاه تفوق طيب العطاطير راع الولع غاية مرامه وذوقه=لا داج به ينسى جميع التفاكير قفر ٍ من النزال يبخص طروقه=يحن له قلبه حلول المضاهير مشاغله عن رغبته ما تعوقه=هواه في دنياع ماله هوىً غير يكون دين الله يكمل حقوقه=ثم والديه ورفقته للمناعير |
رد: محمد بن حشفل
يا باغي مني وصيه باوصيه=مختارها من كل معنى ٍ جزيلي وصيةٍ فيها نصيحه وتنبيه=ميزانها عند العوارف ثقيلي يحتاجها اللي بيّن العلم خافيه=صغير سن وتو عرفه قليلي ولا كبير السن رايه ممشيه=تلقاه لا اصحاب المعرفه عميلي اما مجرب والتجارب تكفيه=ولا فهم درس الحياة الطويلي وان كان لا هاذي ولا ذي توعيه=لو تنصحه ما للنصيحه ذبيلي هذا ويامن منهج القول ناصيه=صبرك على الايام صبر ٍ جميلي الدين الاول لازم انك اتبديه=تراقب الله في نهار ٍ وليلي تطيع كل امره وتترك نواهيه=وسنة نبيه دونها لا تميلي وفي ما يخصك في حياتك وتبغيه=مقيم مير احسب حساب الرحيلي يا كم قوي ٍ مامهلت له لياليه=ويا كم سقيم ٍ عاش لو هو عليلي ما احدٍ بياخذ رغبة النفس بيـديه=الله هو اللي للعطايا كفيلي اخذ الحذر من دور وقتك وما فيه=واخذ الحذر مالناس واحذر تعيلي حنا بوقتٍ كاثراتٍ دعاويه=حطت به العالم دقيق وجليلي لا ترافق الا طيبٍ ينوثق فيه=والنذل حذرى لا تحطه خليلي واللي يجي به شبهةٍ لا تباريه=وان حل دار ٍ لا تجي له نزيلي واللي وسيع ٍ مذهبه في مساعيه=تجنبه لا تمسكه بالشليلي وان شفت عيبٍ فالعرب لا تراعيه=اعرض ولا لك في سنعهم سبيلي راع المثل قد قال لك في معانيه=منتب على ذرية ادم وكيلي ولسانك احذر وانتبه لا تخليه=باعراض خلق الله يحط ويشيلي وسرك بعد حذرى تظايق وتفضيه=ويظايق اهل الهرج واهل النقيلي لا تلحق اللي ذاع سرك مشاريه=انت السبب مالك خصيم ٍ قبيلي وان شفت خبل ٍ ظايع ٍ لا تقاصيه=قل له تراك اللي كلامك دليلي لا صار عقله للسنع ما يقديه=مالك ورى كثر المجادل حصيلي ورفيقك اللي ذاخر ٍ لك حسانيه=تراه كنز ٍ مالجنسه مثيلي اصبر على مره على شان حاليه=درع ٍ تماري به وحدٍ صقيلي وان كان سوه كل ما مات يحييه=فلا تقول اليوم يا عزتيلي حبل الصله لا بان لك مع مثـانيه=جذه وقل ياحبل لا تلتويلي عف ديرة وانزح ولا تجيب طاريه=القرب يبعد والعلاقه تزيلي كلٍ بخير وربنا اليوم مغنـيه=في نعمةٍ فيها يجود البخيلي تم الكلام وكل غالي باوصيه=مختارها من كل معنى ٍ جزيلي |
رد: محمد بن حشفل
أخير ما أذكر في كلامي ومبداه=في مبتداء ما قول سميت بالله الله يوفقنا على أمره وتقواه=ويعين من قـــــــــاموا بديــنــــــــه رضــى له والشعر لا جا واجبه زان معناه=يعرض وعراف العرب تستجلّه الله عليه اليا بدا النب ما حلاه=من كان يبخص قيمته ما يمله يرسم ويبني راعي العرف مبناه=يبنيه من قول ٍ صحيـح ٍ وأدلّـه وأنا يجي لي فيه شفٍ ومشهاه=بالفعل أحصل هاجسي مشرع ٍ لة خص ٍ اليا صاروا هل الصنف منصاه=يصير عندي زين ويزين حلّه ما دام طربات النشاما بطرياه=عسى كلامي ما يجي فيه خله حلفت لولاهم فلا صوغ معناه=وإني ما جي حتى بعد ها وي ٍ له انزهة من منهج الهون واحماه=ان كان قــــــولي بة حـــــــد ٍ مصغــي ٍ لـه ما مدح ليمٍ به على شان دنياه=لا من ضعيف النفـس جاء خاضــع لـه ولا اعترض به عرض غافل ولا اقفاه =لا بان شذاب القفاء واستحلة وعلى الهوى ماحدٍ بياخذ بيمناه=ولا براية دايم ٍ قد وة له من وفقة رب الخلايق وقداه=دلة عل الخيرة وجت خـيرة ٍ لـه ومن غرة الشيطان فالعمر واغواه=أخطا الطريق وظاع من كل مله ياللعبد لا تجهل بوقتك و مجراه=سبحان مـن لـه عظمة الكون كله لا احتجت غيرة مالملا لا ترجاه=لا ترتجي غيرة تبي فزعتله وإلى شكيت اصبر ولا تطلب أسواه=أرفع كفوفك واطلبــه خاشـع ٍ لـه شكواك لله ما على الناس مشكاه=شكواِ لغير الله تعـود مذلـه من عز نفسه حصل القدر والجاه=ومن هانها صار الردى عادة له والرجل مثل الحر يرجع لمجناه=فعله على طول المدى شاهد ٍله شف ما كر الحر القطا مي ومرباه=مرباه في روس الجبال المطلة لا خير با للي مسلك الهون مسعاه=نفسه عل مسعى الردى مسفهلة راع الجهل يجهل و يمشي بعمياه=فاللـوقت غافل والزمن صـاحي لـه أضرب مثل واللي جهل و يش مغزاه=لاباس لا من قلت خلـه يزلـه خل الكلام يجنبه ويتعداه =ما نيب لا تاه السـنع مرشـد ٍ لـه أنا اتحاشا ظايع الراي واخشاه=أخشاه لني مامعي عملـةٍ لـه عميلي اللي وافايات مزاياه=أشوف طيبه لي وأنا طيـب لـه أما قريبٍ عارفة وابخص أقصاه=هو محزمي ويعدني محـزم ٍ لـه ولا صديق ٍ كل ما احتجته ألقاه=لا شاف حملي ثقل عني يشله وأن عودت لهواية القلب ومناه=سج القدم لقيتها ونستله لقيت شفه طول الأيام ودواه=البعد شفت أنه شفاء كل علة عن شوفة اللي صار مالي ولا اياه=انساه واطوي من خيالي سجله منا كب البيدا إلى عفت جمعاه =تكفي وهو مثلي تصير عوظلة هنيت من وقته مع البدو خلاه=يمشي مع من كان هو جايز ٍ لة عن ما يشوق النفس ما يقصر اخطاه=ما حط في وسط البلد منزل ٍ لة وان ذكـر لـه عشب المخاضير ينصاه=ينجع على ذكره يبي نية ٍ له خدٍ سقاها وبل نوٍ نثر ماه=همال وبل ٍ مزنتة مستهلة من رايح ٍ روح من الغرب منشاه=في كل ليل ٍ والسحايب تعله هذا هوى قلبي وشفه ومنحاه=ولا كل من جاله مرام ٍ حصـل لـه نمّل بدنياً غيبها ما عرفناه=والجاهل اللي حطها طمعةٍ له أخير منها رحمة الله وحسناه=في يوم لا ظل ٍ حشا كود ظله هذا الكلام اللي ضميري تنقاه=وارجو ا لسموحة وإن حصل فيه زلة وبدع المثل ما كل من قاله أو فاه= يكون من راية وعرفـة يدلـه |
رد: محمد بن حشفل
يقول من يدرى كلامه عن اللوم=ما يشتـقيـبه لين يلقى مجاله لا من بداله لازم ٍ فيه ملزوم=ياخذ من سمانه ويترك هزاله للعرف باب وكل علم ٍ له سلوم=والطيب وقفه والحميه شكاله واللي يسد النوب فالواجب يقوم=لا نصي امر ٍ يلزمه قال انا له وطبع الزمن باحداث الايام مزحوم=في كل حين يدور دور المحاله على كثير الناس غاراته سهوم=ما بين ميلاته وبين اعتداله ولا بكلٍ من خطاء النفس معصوم=ولا كل مخلوق ٍ زمانه صفا له وعزيل من لا له بوسط العرب قوم=يكبر مطيحه لا جذت به احباله واللي ربوعه ندر ٍ دايم الدوم=يبشر بسعد العين في مابداله يوم ان ابن عواد ماستر بالنوم=حارب لذيذ النوم مما جراله امر ٍ من المولى مقدر ومقسوم=حكمه صدر في واحدٍ من عياله ما لذ له شربٍ ولا لذ مطعوم=يرجي جليل الملك يلطف بحاله ويوم الله انقذ نفس من عد معدوم=وخلاه عقب الظيق ينساح باله نادى بني عم ٍ مشاكيل وقروم=كل ابلج ٍ يحري بكسب الجماله حميةٍ نادى بها خص وعموم=من ثقل ٍ حمل ماقدر باحتماله وجاوه ربوع ٍ للوفاء تفرق السوم=ومن الدواسر كل شهم ٍ عناله وقفّ بجنبه وانتخى كل شغموم=واصخا بدفع المال من حر ماله خطلان الايدي هم حجا كل مظيوم=ومن المفاخر كسبهم كل طاله وقفاتهم ما توها تعرف اليوم=في ما مضى وقفات جود وصماله بسلومهم كم فرجوا هم مهموم=وبافعالهم كم صدروا كل قاله امدح هل الفزعات ذباحة الكوم=اهل الشيم واهل القيم والجزاله وانا اعرف ما قلت للناس معلوم=قلته وقبلي ناطق الصدق قاله ويبقى الولا لله والدار محكوم=دار ٍ سعوا بحماية ارضه رجاله فيه الامن محفوظ والشرع مقيوم=سنة نبي الله وحكم العداله لا فيه لا ظالم ولا فيه مظلوم=لا تفرقه من بينا لا جهاله من يتبع درب الهدى فيه محشوم=ومن زل درب الحق ياخذ نكاله من يوم كنابه الى عهدنا اليوم=ننعم بفظل الله بخير وسهاله ذا قول من يدرى كلامه عن اللوم=ما يشتـقيـبه لين يلقى مجاله |
رد: محمد بن حشفل
يا زين سجات الربيع وشينها=واللي لهم ثار ٍمضى عارفينها تزين لا زان الزمان وتناشعوا=وتشين لامنه تفرق ضعينها شدوا عقب جمعا الربيع وتفرقوا=بدو ٍ بعيدٍ ديرةٍ منتوينها الله يعين االلي غدوا له بذاهبه=بعد ما مسك حبل العهد من يمينها يتعبك طرد الذاهبه ما لقيتها=ولا تعطي اسرارك حدٍ يستعينها مثل ما جرالي عام الاول وجدده=هنوفٍ هواها الصلف يذبح خدينها على مستوى ٍشيخان اهلها عمامها=تقاليد اهلها بالمكارم تدينها اليا جيتها فزت وهلت وسلمت=تعرف السلوم وهي قليل ٍ سنينها واليا قابلت يشفيك لذة حديثها=تلطف كما الام الحنون لجنينها وزين تماري به فتايات حيها=حوريه المنشا شقي ٍ قرينها فيها من الريمي عيونه وعاتقه=وفيها من المهرة هوسها وزينها عمهوجةٍ تغني عن المال والملا=ينساق فيها من غوالي ثمينها الا وهني من ظافها في هويته=مواري علامات السعد في جبينها مير البلا من دونها وقف الرجا=بني عمها الادنين متحاسدينها ولا لي جدى الا ونة لا ذكرتها=كما ونة المصغر بتالي حنينها على الكبد منها جاير ٍ ما تحمله=الا انه تمكن حبها في متينها وانا عارفٍ اللي بها مثل مابنا=جاب الخبر عند الموادع ونينها وراحت وخلتني تطارد روابعي=ما بين هزلات الامور وسمينها قولوا لها تكفون ياللي تجونها=ترد البرى ولا تزاور سجينها لولا محنتها من الراس جيتها=واخاف من كلمة عدو ٍ تهينها وهي بعد تستاهل اللي يحنها=تحما كرامتها مع اركان دينها سلامي عليها كل ما جاء مجالها=تزفها لها ارياح الصبا من خدينها
يا بو فهد نفسك عسى الله يعينها=على اللي سقاها الوجد واظهر زكينها تبيّن علوم ٍ ذكرها يبحث الخفا=ومن كان جربها فلا يستهينها بطرد الذهيب اللي صدف لك ظياعها=واهلها عن عيون العرب حافظينها مدامك تقول انه بها وقف الرجا=بني عمها الادنين متحاسدينها فنا اقول ياعيدان يا راعي الوفا=هذي والله اللي لاتدوّر عوينها عوينك بها ربٍ مجيبٍ لسائله=اليا من طلبته طلبةٍ هو ظمينها ومن ذي مزاياها وهذي وصوفها=مع جيلنا التالي قليلٍ وزينها لا هيب لا تشرى ولا هيب تنعطى=ولا همب مع مع جاه العرب مرخصينها تلوى بقوم ٍ كل منهم يبيها=واسود الحمى ماحدٍ بيقرب عرينها ولا ينطمع يكون فيها ومثلها=مناةٍ على عسر اليالي ولينها مع ان الهوى ذا الوقت كثرت مشاكله=كبود العوارف به تبيّح كنينها كثير العرب خرب مجاله وسمعته=سمعوا عن علومه وجو مطلبينها ناس ٍ تلجلج به كما لجة العجم=يصعب على العارف يميّز رطينها ينعاف واللي ما يعيفه ويتركه=تبع له سلوم ٍ مثلهم جاهلينها سلوم ٍ عزيز ٍ النفس يترك مجالها=ما ينكشف لاهل المعزه دفينها تشوم النفوس اللي تبي منزل الشرف=هل السمعة اللي دايم ٍ محتمينها وانا ابنصحك كانك بتسمع نصيحتي=نصيحة وفاً ماغتر فيها فطينها اليا شفت لك خاطي هنوف منعته=اهلها بزين دلولها ناتبينها ولانتب تشوف انك بتقدر وصولها=لو تزين في حال ٍ ترى البعد شينها غض النظر عنها وجنب طريقها=ولا تحط عهدٍ بين نفسك وبينها تراها فواتٍ لاتعلق بها الرجا=لابد ما تقفي لونك ضنينها واليوم ذا راييي وهذي نصيحتي=ونفسك على ماصابها الله يعينها |
رد: محمد بن حشفل
ياذاك ماللمدح عندك ملافي=خله لمنهو كل طيبٍ يتمه المدح ما يقصد به الا سنافي=كل ابلج ٍ كسب المراجل يهمه ولا الردي مالناس بين وخافي=لامن مدحته يحسبنك تذمه هذا وانا جيتك حمولي خفافي=ياكيف لاونها علوم ٍ مهمه لا تشتحن منها تراها عوافي=اللي تهوجس فيه مانيب يمه |
رد: محمد بن حشفل
النفس احاسبها وادوّر سماتها=وعلمتها حتى رضت في حياتها علمتها تسمح وتاخذ حقوقها=وتدي حقوق اللي يدوّر غناتها نفس ٍ وصول العز غاية مرامها=وحب القناعة دايم ٍ من صفاتها والرزق عند اللي خلقنا برزقنا=ربٍ تناجيه العباد بصلاتها مكوّن الدنيا بحكمه وقدرته=دنياً تهول اللي بها بحركاتها الخير هو الشر فيها يتناوباً=ما تنظمن سياتها واحسناتها كم جاهل ٍ فيها تناسا غيوبها=من خالف اولها لقاء مقبلاتها ما يـقـّن الا واحدٍ في حياته=جرب مرارتها وجرب حلاتها قلته وانا نفسي بوقتي تعلمت=علمتها حتى رضت في حياتها اعزها واصونها من هل الردى=واهل الوفاء هم شفها وامنياتها امثال منهو منهجه منهج الكرم=يكسب فعول الطيب في موجباتها رجل ٍ على اسمه فالمواجيب ينلقى=مراجله فالناس عندي ثباتها مراجله ماهيب توها صنيعه=تشهد تواليها على ماضياتها ياللي نويت تجيه هاذي رسالتي=عطها صبي الجود واحفظ وصاتها بذرت فيها قول من يوفي الوعد=وارجي مع الايام يثمر نباتها خصيت راعى الصنف واسندتها له=ربه يحللها ويفهم لغاتها انشد وانا قلبي تخالف روابعه=روابع ٍ ما بين خذها وهاتها من عشقةٍ هاويتها قبل اشوفها=هاويتها واليوام انا في شفاتها وديت لاماها لحيث ان ابوها=عند النشاما ما يشح بخواتها لاجيت باوصف محاسن جمالها=على مزايا الحسن تضفي عباتها اطرب لجيتها على العز والنقاء=ولاحدٍ بطول الهجر سوى سواتها تقطعت الارماس من دون ذكرها=واحترت فيها ويش سبب شتاتها فان كان طول البعد ماخلف نويها=لو طولت ماقول زلت طراتها انا الى ذلحين ما يست منها=مافات فايتها وانا اخشى فواتها |
رد: محمد بن حشفل
ابكتب المعروض واشكي على من=القاضي اللي يعطي الحق منه ماظني القى منصف ٍ منه ماظن=الا التنازل من غلاهم ما اظنه با اون ونة من مشاء وان قعد ون=ما عاد يبرد حرته كود ونه باح العزى مني وبينت ما اكن=بينت انا ما اكنا وانا كان اكنه امنول ٍاخفي على الانس والجن=واليوم مكشوفٍ لدى انسه وجنه
اكتب وبين خافي العلم لا كن=عد الخطاء اللي صار منك ومنه وشلون ما حملت حملك بلا من=لو قمت به ما صار للناس منه طلب هن ورافض ٍ من طلب هن=ما تدري ان اللي طلب هن سنه ترى السوالف والمعرفه لها فن=لا كن خصمك ليه ما طعت فنه التاجر اللي يطلب الهيل والبن=لولا الطمع فالمال ما باع بنه |
رد: محمد بن حشفل
قال من قول المثل ما يكوده= يذخره حتى يجي وقت حلّه قال قولٍ حاظرين شهوده= كل منهو منصفٍ شاهد لّه لااد زايد سعد منهم عظوده= سعد منهم فالقاء فزعة لّه كم حريبٍ جاب جمعٍ يذوده= يحسب ان الحرب سله ودلّه مثل غالب يوم سيّر جنوده= حاكمٍ الاشراف تمشي بظلّه طاح في دارٍ تحامت ايسوده= ما دخل بقلوبهم منه ذلّه شتتوا جمعه وردوا اوروده= تايهٍ وروه دربه ودلّه |
رد: محمد بن حشفل
الا يا عاذلي يكفيك لومي=وانا دونك تكفيني همومي انا ما احتاج منك ما تقوله=كلامك وسط عقلي ما يدومي ولا مثلك عرف ما في ضميري=تكلم وانت تجهلك العلومي انكانك في كلامك منصح ٍ لي=انا ابغي منك في صفي تقومي وكانك بس نفاع ٍ بهرجك=فكثر الهرج ما يقظي لزومي وكانك مقصدك تدري بغيبي=فهذا ابعد عليك امن النجومي انا لي غايةٍ ماحدٍ عرفها=ماهيب لكل سوام ٍ يسومي مدام اصل الحياة انها تجارب=فنا مالعرف مانيب محرومي خذيت امن التجارب لي فوايد=عرفتبها على دربي يمومي يقول اللي سبقني بالمثايل=يقول ان الغنايم بالعزومي وانا اشكر نعمة اللي شفت فضله=الاهٍ فوق خلقه ما ينومي هو اللي جل شانه نلتجيبه=له يصلي وله عبده يصومي اليامنه نوى يرحم اعباده=تضلل رحمة مثل الغيومي |
رد: محمد بن حشفل
عقب ماجفانا اللي من الناس مغلينه=لك الحق ياطرفي من النوم تنصاعي حصل ماحصل واللي حصل منة ياشينه=حقايق مواثيقه معي غش واخداعي يبي يكسب الدعوى وضاعت براهينه=وجمع اعلوم ٍكلها مالها داعي ضهر وانكشف لي كل شينه مع زينه=وعقبة دريت انه بخيلٍ وطماعي لونة صديقٍ صادقٍ طاب من حينه=ولهل النمامه ماتسمع ولا طاعي بحكم الخطاء صوبي يصدر قوانينه=وانا ماقبلت الحكم في بعض الاوضاعي اليا صار حكمه ضلم ومخالفٍ دينه=ولاهوب ينصف قاسي القلب ويراعي فهذا خطاء والضلم مناب راضينه=ويبشر بخصم ٍياخذ الحق ويداعي والى من وفا المديون للي يبي دينه=يصفى الحساب اللي بة اشكال وانزاعي حسابٍ توثق بين يمناي ويمينه=ومن شد حقة بالمواثيق ماضاعي مدامة نسى اللي طاف من ماضي اسنينه=فنا مانسيت انة بعد يبغي اوجاعي ثلاث اسنوات ومهجتي عندة ارهينه=واراعية كني لة بوسط العرب راعي تحملت دونة قاسي الوقت مع لينه=ورجيتة مثل مايرجي البذر زراعي يعم الحيا قلبي وتزهر بساتينه=بقربه والى منة نوى البعد تنلاعي وكم ليلةٍ القاه واخذ مضامينه=تجيبة احلوم اليل والناس هجاعي وتستر عيني كل ماشاهدت عينه=لا مد اليمين وسلم بروس الاصباعي وجلسنا جميع وطاري البعد ناسينه=نقول الفراق اقفى وحل التجماعي فليا دكبي من لذه ارقادي اذهينه=توقضت ماشفته وفزيت مرتاعي ولا شفت كون اليل من بيني وبينه=سواده يريب القلب ماكن به ناعي وانادي بصوتي وين سمح القبل وينه=وتدبح انجوم اليل واصبح وانا واعي |
رد: محمد بن حشفل
بداية مابتدابه كل بادي=عليه ابدا بسم رب العبادي نعظم قدرته ونقول يالله=بلطفك نطلبك ياخير هادي توفقنا لمرظاتك وعفوفك=وتامرنا على درب الرشادي ونرجي من عطاك وفيض جودك=تغيث القاع من غر الغوادي سحابٍ لا نشاء ينهل وبله=يسيّـل مع مناحيه الحشادي يعم اوطانا كلٍ بداره=بفضل اللي بزود الخير جادي بعدها ابدي سلامي والتحيه=بريح المسك مع ريح الزبادي على من شوفهم ذليل كنه=لنا عيدٍ من ايام العيادي بجهد المنتدى اللي بان نفعه=نهج له منهج ٍ يحسب ريادي لجمع الشمل واللي قايم ٍ به=رجالٍ في مساعيهم سدادي وهي جمعا صلة رحم وتعارف=بعد ما صار كل ٍ في بلادي أسودٍ دارهم وادي الدواسر=عرين ٍ ما طمع به كل عادي بعضهم فيه واللي عنه راحوا=الى حلوا بدار صار وادي بكل انحاء الخليج لهم مواطن=بعد ماحدهم مالوقت حادي تنحوا يوم شحات المعوشه=وكل ٍ صاد خير ٍ واستفادي ومعهم سمعة المجد القديمه=وكسب الطيب لاغلي المزادي لاجت الاخبار لاحدٍ من طرفهم=الى انه راقي روس المبادي دواسر فعلهم بالمدح ياسر=اهل الامجاد خطلان الايادي رجال ٍ من على التاريخ الاول=تصون الحد وتضد المعادي على القالات ومصالا الحرايب=رسوا والشره ينصونه عمادي ياكم خصم ٍ شكا الضدات منهم=كسر ولا تعشته الحنادي ايلوا باعدها الامثال واجد=مواقف مروية حدب الهنادي هم الحصن الحصين اللي يزبن=الا يا سعد منهم له سنادي اهل شيمه واهل كرم وشجاعه=واهل رايه واهل راي ٍ قيادي واهل نخوه واهل خوه وجيره=مقاطع حق عراف ٍ عوادي واهل غرس ٍ واهل ملك وحضاره=واهل حردٍ واهل سرد وعتادي واهل حدٍ وسيع ما يوصف=مسايـيـل تنثر في حمادي من الوادي الى الخرج وشماله=على ما حدر العارض قصادي واهل علم واهل سلم وبداوه=واهل مارد واهل قفر ومنادي هل ابل فالمهامل هم جنبها=من الحد المطرف ما تحادي ينوسون الخطر في كل ديره=لا زاف العشب بحلول البرادي ومعهم جارهم عصاه توسم=على عيون الملا يمشي عنادي على مشهاة نفسه يهملونه=ولا حدٍ ينشده وين انت غادي غداء سلم ٍ لهم بين القبايل=يوم ان الوضع من قدح الزنادي نعد اللي سمعنا ونتفاخر=بعلم ٍ صدق ماهوب اعتقادي بدون قصور في باقي القبايل=من اهل الطيب من حضر وبوادي اقوله من مقامي خص هذا=بعد جينا ولبينا المنادي لكم ياهل الكويت ويوم جينا=شعرنا بالفرح والكيف زادي بدار اهل الوفاء دار الصباحي=لها بالفعل معروفٍ يشادي بلادٍ ضيفت صقر الجزيره=ومنها اعلن مسيرة للجهادي هذاك معزي اللي عز داره=بعد ما كان في حال النكادي قضى مقدار عشر سنين نازح=وهو ما طاب له حلو الرقادي جزع مما نظر ثم سل سيفه=وقال اليوم انا مالي قعادي يبي دار شكت من عقب فقده=يراودها وهي باسمه تنادي ورجع ما عاد طاوع للعذايل=مغل ٍ بايع ٍ روحه مفادي معه سته من رجال الدواسر=من الستين بحساب العدادي يحثون السرى من فوق ضمر=مضراةٍ على قطع الريادي على ساقة صليب الراي ساقوا=عماراً تاليتها للنفادي من المشرق ضوى باليل الاضلم=ودك الحصن بطيور الهدادي وظهر فجر السعد ليلة رجوعه=بعد ما رد ملكه واستعادي وأقام الدين في شبه الجزيرة=وصان حدودها والامن سادي وسلمها عياله وحفظوها=بحفظ الله بحرص ٍ واجتهادي خلفهم من سلفهم شيخنا اللي=على الله ثم عليه الاعتمادي ابو متعب عسى ربي يحفظه=مشيـّد دور الامجاد الجدادي سعى في صالح الشعب السعودي=وساق الخير في كل امتدادي وحنا دايم نعلن ولانا=ولا نخلف قديمات المبادي نحب شيوخنا والدار غالي=هذا والله هو العلم الوكادي يقوله شاعر مثل ربوعه=بقولٍ ما يجي فيه انتقادي من الفرجان عطبين الضرايب=هل الردات في يوم الطرادي وصلى الله على الهادي محمد=شفيع الخلق في يوم المعادي |
رد: محمد بن حشفل
خلوني اعبر عن اللي جرالي=واللي جرالي في حياتي تهاويل جربتنا جور الدهر واليالي=وجربتنا الغربه وعسر المحاصيل وجربتنا خوة كثير الرجالي=واخذيت منهم كاملات التفاصيل وشربت كدر ومن قراح ٍزلالي=واخذيت درسي من حياة البهاذيل وكم ذقت من مر ٍوكم ذقت حالي=ودنياك هاذي درسها صعب بالحيل وجلست احسب وش بقى وش غدالي=اسنين راحت مع سنين ٍمقابيل ولاشك عمرك يافتى للزوالي=اغنم زمانك عاد عندك بعد حيل واحرص على طاعة عزيز الجلالي=اللي خلق جيل ومفني بعد جيل وللوالدين حقوق كبر الجبالي=والضيف والعاني وبعض الرجاجيل والجار لا ترضى عليه الخمالي=والصبر محمود العواقب عن الميل وكل على كيفه وهذا مقالي=وقبلي رجاجيل ٍوقالوا تماثيل وعرفي يكفيني وهو راس مالي=ولااقول انا العاقل وغيري مهابيل وماني مسمعها حد ٍكون غالي=نقده حكيم ولايدور مداخيل مثل ابن محسن حيثه اللي طرالي=يدرك معانيها عسى تعجبه حيل تمت وصلوا عد منشي الخيالي=على نبي له على الخلق تفضيل نقيت هرجي حيثه الي بقالي=هرج عن الزلات منقي بتفصيل
ذرب الكلام الى حصل له مجالي=يصير زين ٍفي هروج التعاليل في مجلس ٍفيه الجلوس استوالي=خص ٍمع جمعة ربوع ٍمشاكيل لاسيق به من كيف صفر الدلالي=فنجال بن ٍخاثر وسطه الهيل ابدى بمردودي لمنهو بدالي=قول ٍيشوق اهل المعرفه الى قيل وناصر علومه بالوفاء ساقهالي=وانا لها متني صبور ٍعلى الشيل عزى الله اني طبت واستر بالي=من يوم حللت لمعانيه تحليل افرح بطولات الرفيق الموالي=جعله من اللي يكسبون التنافيل يابو محمد ياعديم العيالي=ما للردى صوبك طريق ومواصيل معنز ٍمجناك بابو ٍوخالي=متوسط ٍبين الرجال الحلاحيل جربت ثم جبت النصايح جزالي=سمان ماحصلت فيها مهازيل لاكن شد احبالها لاتمالي=وانا بعد عندي لها زود تكميل نسيت وحده والسوالف طوالي=باذكرك تجمل بها القول تجميل رفقة جليس السو شين القبالي=دور لها مع طيب الناس تبديل بعها لسايمها بنصف الريالي=بيجيك من يشري خدوش ودعابيل ومن الطمان اطلع على كل عالي=ترى مقر العز عسر المناويل على ضعيف الراي صعب محالي=وعلى صليب الراي دربه تساهيل من لا ورد مسقاه ورد النهالي=ماشرب من جم القراح الشهاليل |
رد: محمد بن حشفل
عسى الله يبيض وجه من يفعل المعروف=يحب الجميل ومنهج الطيب يشقابه مثل مسفر اللي بان فعله على المكشوف=وقف في لزومي موقف ماتـتـقابه أي والله وقف في لازمي والعيون تشوف=مقام ٍ بحينه ما توخر ولا ابطابة يوم اني نخيته عند منهوعليه ضروف=فزع له بجاهه يوم ربى فتح بابه حمية رفيق ٍ قال انا اللي بها مكلوف=تغروالها مزبان منهو تعزوابة هذه فزعة إهل الطيب ولا الضعوف ضعوف=ردي العرب لا منه نفع ولا ثابة ايلولا الوفاء ما صار للطيبين شفوف=بكسب الجميل وصار للطيب طلابة |
رد: محمد بن حشفل
ما يوجع الرجال ويحس باله=ويبحث خفا نفسه ويندم بما صار يكون لامنه فعل له جماله=في عاقب يمين ٍ من الناس بوار جا يشتكي لي من غرابيل حاله=متشتتٍ فكره بدعواه محتار ووقفت له ميقاف طيب وشكاله=عن لازمه ما قمت ادور للاعذار وردته الماء لين طالت حباله=وتيسرت دنياه من عقب الاعسار ويوم اغتنى رداه ساقه بداله=نسى الجميل وقابل الطيب بنكار فان قيل منهو قلت مالي وماله=خله عساها تنقطع منه الاذكار غلطه وطافت واعتبرها جهاله=من يصنع المعروف في طافي النار لكن انا حبيت اوجه رساله=لكل رجل طيبٍ عندي انذار من كان يشقى بالجميل ومجاله=لا يبذره يكون فالناس الاخيار |
رد: محمد بن حشفل
عمل مميز وتشكر عليه وبيض لله وجهك
على الجهد الكبير الذي قمت به |
رد: محمد بن حشفل
مشكور شافي بيض الله وجهك
تحيتي |
الساعة الآن 12:48 AM
 |
Powered by vBulletin® Copyright ©2000 - 2025, Jelsoft Enterprises Ltd.
---