::: مـنتدى قبيلـة الـدواسـر الـرسمي ::: - وقعه بين الهوامله والعجمان

::: مـنتدى قبيلـة الـدواسـر الـرسمي ::: (https://alduwaser.org/vb/index.php)

- :: قسم تاريـخ قــبـيـلة الــدواسـر :: (https://alduwaser.org/vb/forumdisplay.php?f=11)

- - وقعه بين الهوامله والعجمان (https://alduwaser.org/vb/showthread.php?t=2957)

تركي ال فنيس

07-07-2005 10:23 PM

وقعه بين الهوامله والعجمان

حدثت هذه الوقعة عندما غارت قبيلة العجمان بقيادة الدامر آل ضاعن علي الهوامله الدواسر واخذوا الا بل واقفوا بها صبيان يام ولحقوهم الهوامله وحدثت معركة كبيرة انتصر فيها الدواســــــر

وبهذه المناسبه قال الشاعر ابو سويحة الهويملي الدوسري يبشر الدواسر بالنصر :

ياراكـب مـن عندنـا منجوبـه =راع بمشعاب الرحـال يشومهـا
تنصي بني عمي هل المدح والثناء=علم بما هو قد جري من علومهـا
((قل له تري الدوامر غزانا بجـردة=حامي عقاب الخيل مقوي عزومها))
لحقنـا بعشريـن تمـام خيولنـا=يوم اغتشي عج السبايا حزومهـا
ساعة لحقناهـم فحالـوا دونهـا=بدهم الريافل نطحونا خشومها (1)
دمنا ودمهم حاير فـي مداسهـم=مازاله الا رايـح مـن غيومهـا
ردوا كثيرة جيشهم وسـط ابلنـا=والباقيه عيـوا عليهـا قرومهـا
تلافتـت حـم الـذرا لاصواتنـا=بخشومها اللي بينـات وسومهـا
تباشـري بالفـك ياحـم الـذرا=لـو المنايـا موميـات سهومهـا

والقصيده اطول من ذلك

أبوفهيد الودعاني

08-07-2005 01:00 AM

كفـــــــووو ببني عمنا الهوامله من غير قصور في صبيان يام

وبيض الله وجهك اخوي تركي علومك غانمه ياذيباااان

لاتبطي بجديدك ،،،

سعد المقابله

08-07-2005 09:58 AM

تلافتـت حـم الـذرا لاصواتـنـا = بخشومها اللـي بينـات وسومهـا
تباشـري بالفـك ياحـم الــذرا = لـو المنايـا موميـات سهومهـا

بيض الله وجهك وكفو والله بصبيان الهوامله

دغش البطي

08-07-2005 10:08 AM

تركي الودعاني

جعل يمناك مايجيها العطيب ياذيبان

قصه وقصيده رائعه جداً

وهاذي عوايد بني عمنا من زارهم خلَي طريح وإلأ منيع

والهوامله وافين وذا شويٍ من قليل علومهم ترفع الراس

تحياتي لك

محب الجميع : دغش البطي

العماني

08-07-2005 07:09 PM

ونعم والله بصبيان الهوامله من غير قصور في الدوامر

تقبل تحياتي،،

ريمان ابن خليفة

08-07-2005 07:53 PM

السلام عليكم ورحمة الله وبركاته
كفوووووووو بعيال عمنا

ابوعبدالرحمن الودعاني

09-07-2005 12:22 PM

كفوووو والله بالهومله بني عمنا

ولا قصور في المرازيق مير هذي عوايدنا وهذي علومنا هامات

ماتوطاها الهوام بالقدام...يا الوداعااااااني كثر من ذي العلوم نفداااااك

يحيى الودعاني

09-07-2005 03:16 PM

تسلم أخوي تركي ، وكفوا والله بالهوامله .

بدر بن صقر العجالين

12-07-2005 04:04 PM

بيض الله وجهك ياتركي......وهذي ماهي غريبه على الهوامله...

العقيد

13-07-2005 04:39 AM

كفو والله صبيان الهوامله

وجعلنا مانعدمك ياتركي وبيض الله وجهك

تركي ال فنيس

14-07-2005 03:21 PM

اقتباس:

المشاركة الأصلية كتبت بواسطة أبوفهيـــد

مرحبا مليون

ماعليكم زود وجهك ابيض ويسعدني والله مرورك طال عمرك

تركي ال فنيس

22-07-2005 04:06 AM

بوعبدالله المقابله وجهك ابيض يالقرم وماعليكم زود

تركي ال فنيس

12-08-2005 05:15 PM

اقتباس:

المشاركة الأصلية كتبت بواسطة دغش البطي

ارحب يانسل الرجال المناعير ويمناك يالغالي انشهد ان ذي عوايد بني عمنا جعلهم المعزه

ودغش البطي يسعدني مرورك يالسنافي

بـدر الودعاني

11-03-2006 06:30 PM

لاهنت يابوهادي وكفووووووووووووو بالهوامله الدواسر يفعلون اكثر

السعودي

21-03-2006 03:55 AM

لا هنت يالذيب على ذا القصيدة اللي تنومس من قراها
وكفو ببني عمنا خيالة الحرشا

عبدالله أبن مصلح

01-03-2007 06:55 PM