الطيب والفزعه لها الشيخ (مران)=نسل الشيوخ اللي عريب(ن)نسبها
شيوخ الدواسر من قديمات الازمان=امارة(ن)تصعب على من طلبها
مران ابوزابن الا عدو الشيخان=كبير الدواسر والمراجل كسبها
والريشه اللي في مجالس كحيلان=جت بعد حرب(ن)روس الاعداء حطبها
ماخوذة(ن)مابين عنوز(ن) ومطران=يوم ان (شارع) شلها واحتزبها
غصب(ن)على (الشعلان) وخذت بالايمان=بوجه (الدويش) اللي جيوشه جلبها
ويوم الرضيمه بانت فعول (سلطان)=حكم (ال عريعر)طاح وحنا سببها
في فزعة(ن)نادوا بها شيوخ (عجمان)=بين القبايل ماتعذر طلبها
فزعة دواسر كنها السيل عميان=تشهد بها خدان نجد وعربها
والنعم يا (ال قويد) خطلان الايمان=وقفاتكم كل العرب تحتسبها
سلام يابن قويد من قلب ولسان=من شاعر ابحور القوافي شربها
مدحك شرف للقاف ياطير حوران=قصيدة(ن)يفخر بها من كتبها