يامغرمه فيني وقلبـك هايـم بحبـي هيـام=انا اشهد اني بعشقك واموت واحيا في هـواك
والله يابنت اعشقتنـي وتنتظـر منـي غـرام=لاتوب من طرد الهوى ويحرم على قلبي سواك
مادام قلبك حبنـي ارحـب وعـداك المـلام=ارحب فديت الحب فيصل بالهوى يروي ضماك
ماكنك الا لبلبه وكنـي معـك عـادل امـام=اعيش اجواء الفلم لااجل ان ابين لـك غـلاك
انا الوفا طبعي واصون الحب واعيش بسـلام=واكره صفات الغدر والتزييف وادروب الهـلاك
طبعي كذا عشق ووفا افعال ماهـي بالكـلام=ولو الغدر انسان والله لااذبحه واكسب رضاك
واخذ قضا قلب من الطعنات غاشيـه الظـلام=وابدل الليل الحزين بشروق شمسي في سماك
واجيك كلي تضحيه واصير لك فـارس همـام=وانتي مثل بنت الشيوخ صعبه على منهو بغاك
ماتعشقين الا الـذي لامـن رميتـي باللثـام=ثم انتخيتي اعتزا بأخته عصب راسـه وجـاك
واليـوم يابنـت الأكابـر ياعزيزيـن المقـام=قلت ارحبي ثم ارحبي من دوسري قلبه معاك