وين (فرعون) المللك وينهم (عاد وثمود)؟!!=وين راح (أصحاب الأيكة ) و( إرم ذات العماد) ؟!!
عقب شامخْة القصور أسكنوا جوف اللحود=مابقى ألا أطلالهم تشهد بضعف العباد
كل كاين حيّ ماله على الدنيا خلود=الخلود لواحدٍ رافع السبع الشداد
والحظيظ اللي تغانم وجوده في الوجود=واكسب الذكر الحسن والهداية والرشاد
يا فهد ياآبوك هذي مقدّمة البنود=واستمع الآتي وأنا ابوك واكتب بالمداد
رافق أهل الدين أهل الركوع أهل السجود=أتقياءٍ دينهم ليس سلعة في مزاد
سجدةٍ لله في الليل والعالم رقود=عندهم تسوى الملايين في ( بنك البلاد )
وجنّب اللي في المعاصي مصادير وورود=قومٍ تشابه للأنعام يامال النفاد
القلوب الغافلة بين نكران وجحود=والوجيه الودره اللي توشّح بالسواد
واتجّه للعلم وابذل حثيثات الجهود=واخلص النيّة ويرزقْك ربّي بإزدياد
وإن عرض لك يافهد في مشاويرك حيود=ارقها وألا فشلها على ظهر الجواد
الظبا ياأبوك من دونها أنياب الأسود=والجواهر دونها القرش وأمواج العناد
والكفو مهما وقع تنهضه روح الصمود=والردي لاطاح طاح وغدى جمره رماد
والجبال الراسية راسية من عصر (هود)=لو تقوم تطير وتوقّع أسراب الجراد
ومن حفظ ربّه وهي توّها سهودٍ مهود=احفظه ربّي من الوقت لاناش الزناد
فاحفظ القرآن ياتي شفيعك في الحشود=لانفِخ في الصور للخلق في يوم المعاد
ومن رحيق السنة انهل وشمّ أزكى الورود=تنتشي روحك ولجروحها تلقى ضماد
ورافق اللي لو يشحّ الزمن كفّه يجود=مايبالي بالخساير ولاويش استفاد
في العطايا تحسبه من عيال ( ابن سعود)=لوهو أفقر في الحقيقة من أهل ( إسلام أباد )
رافقه تاخذ طبوعه ويرقى بك سنود=وإن بداله لازمٍ خلّك لجنبه سناد
والله الله يافهد في شجاعات الفهود=وأعظم أنواع الشجاعة تسطّر في الجهاد
لافتح لك باب : فاذهب .. وجعلك ماتعود=والوعد في جنة الخلد كان الله أراد
حقّق اللي دون تحقيقه أرسف في القيود..=بين لفحات السمايم ونفحات البراد
واحترس من كل غرٍّ ترك حرب ( اليهود)=وانشغل في حرب قومه بتفجير العتاد
يافهد موتة شرف بين ثكنات الجنود=خير من عيشة ترف تحت ظل الإضطهاد
البروق تلوح في نجد وتْدنّ الرعود=والمطر ماهلّ وبله ولارشّ الحماد
من ذنوبٍ نقترفها على مرأى الشهود=ومن تخاذلنا عن مْناصر شْعوبٍ اتباد
ومن سكوتٍ يعترينا ومن ذلّ وجمود=والرسول المصطفى تشتمه بقْرٍ اتقاد
يافهد هذي خلاصة تجارب من عقود=وقالها قبلي هل العرف وشيوخ الشداد
وإن سهجت الخط الأحمر وجاوزت الحدود=فالله ايعزّ الحكومة ويهدينا الرشاد

لافتح لـك بـاب : فاذهـب .. وجعلـك ماتعـود=والوعـد فـي جـنـة الخـلـد كــان الله أراد

والحظيـظ اللـي تغانـم وجـوده فـي الوجـود=واكسـب الذكـر الحسـن والهدايـة والـرشـاد

والكفـو مهمـا وقـع تنهضـه روح الصـمـود=والـردي لاطـاح طـاح وغـدى جمـره رمـاد
والجبال الراسيـة راسيـة مـن عصـر (هـود)=لـو تقـوم تطيـر وتوقّـع أســراب الـجـراد

المشاركة الأصلية كتبت بواسطة ابو زيد الغييثي (المشاركة 310322) لافتح لـك بـاب : فاذهـب .. وجعلـك ماتعـود=والوعـد فـي جـنـة الخـلـد كــان الله أراد لله درك نعم الاب انت لا تعليق هي أكبر مني واسمحلي اسميها (( شيخه الوصايا )) اخوك الصغير ابو زيد

المشاركة الأصلية كتبت بواسطة هادي الغريري (المشاركة 310325) الله الله الله صح كلك يابوفهد وأعتلا شانك عسى الله يخليه لك ويحفظه يارب قصيده أعجبتني رائعه قيمه فيها من النصائح والعبر الشيء الكثير لاهنت ياشاعرنا الكبير فراج بن فهد سجل أعجابي...

المشاركة الأصلية كتبت بواسطة خالد الخييلي (المشاركة 310404) الله ينصر دينك يا ابو فهد والكفـو مهمـا وقـع تنهضـه روح الصـمـود والـردي لاطـاح طـاح وغـدى جمـره رمـاد الله الله توقفت عند هذا البيت لاتامله بيت سيبقى في الذاكره الشاعر الرائع ابو فهد شهادتي فيك مجروحه مواضيع متعدده اجدتها بكل جداره وعسى ها الرساله تاصل الى كل انسان صح لسانك وصح فكرك ابدعت امتعت اعجابي يتجدد محبتي ومتابعتي

المشاركة الأصلية كتبت بواسطة رائــــــــــد (المشاركة 310406) فراج بن فهد بيض الله وجهك يالقرم والله يخليلك فهد واخوانة ويصلحهم ويهديهم قصيدة تؤجر عليها انشالله ودمت بالف خير

المشاركة الأصلية كتبت بواسطة عبدالرحمن بن دعس (المشاركة 310421) صح لسانك ولا هنت على القصيدة يا فراج بن فهد

المشاركة الأصلية كتبت بواسطة نايف الخييلي (المشاركة 310424) فراج بن فهد صح لسانك ,,,, مبدع مبدع قصيده في قمه الجزاله والابداع يافهـد موتـة شـرف بيـن ثكنـات الجـنـود=خير من عيشـة تـرف تحـت ظـل الإضطهـاد

المشاركة الأصلية كتبت بواسطة قديم الشوق (المشاركة 310436) ابو فهد أقسم بالله إنك مبدع قصيدة جزلة من شاعر قدير جدا ً امتلئت بالحكم والدروس من بين يديها ومن خلفها شكرا ً لك على هذا الامتاع وليست بغريبة على شاعر بحجمك وتقبل فائق تحياتي وتقديري أخوك / قديم الشوق

المشاركة الأصلية كتبت بواسطة نجــــــــــديه (المشاركة 310444) لله عليك تسلم يمناك وصح لسانك وسلم راسك وجعلك ذخر كفيت ووفيت وافي نسل قروم لاهنت

المشاركة الأصلية كتبت بواسطة عبدالعزيز عبدالرحمن الفوزان (المشاركة 311336) صح لسانك يا أبا فهد جعلها الله في موازين حسناتك وأقر الله بصلاح أبنائك عينك وعين صاحبتك وجميع أبناء المسلمين كلنا ذاك المقصر وهذه نصيحة للجميع لكن أخي وشاعرنا المميز عندي طلب يكمن في لو تضاف هذه كقصيدة صوتية لاسيما واتنشار القصائد في الجولات في هذا الزمن وحرص الجميع على السماع للاستمتاع فلعل أن يهدي الله بك رجلاً فقد ضمن المصطفى صلى الله عليه وسلم أنه خير لك من حمر النعم تقبل التحايا أسعدني مروري هنا

الظبـا ياأبـوك مـن دونهـا أنيـاب الأســود=والجواهـر دونهـا القـرش وأمـواج العـنـاد
والكفـو مهمـا وقـع تنهضـه روح الصـمـود=والـردي لاطـاح طـاح وغـدى جمـره رمـاد
والجبال الراسيـة راسيـة مـن عصـر (هـود)=لـو تقـوم تطيـر وتوقّـع أســراب الـجـراد
ومن حفـظ ربّـه وهـي توّهـا سهـودٍ مهـود=احفظـه ربّـي مـن الوقـت لانــاش الـزنـاد

المشاركة الأصلية كتبت بواسطة سالم بن صمهود (المشاركة 310453) الله الله فراج ابن فهد اسئل الله العلي القدير ان يجزلك الاجر والمثوبة في الدنيا والاخره وان يصلح لنا واياكم وجميع المسلمين النيه والذريه كما اني اسئل الله ان يقرعينك بصلاح فهد ويجعله من خير خلقه وان يرزقك بره امين امين وصح الله لسانك ملاييين

المشاركة الأصلية كتبت بواسطة الزين (المشاركة 310457) والحظيـظ اللـي تغانـم وجـوده فـي الوجـود=واكسـب الذكـر الحسـن والهدايـة والـرشـاد والكفـو مهمـا وقـع تنهضـه روح الصـمـود=والـردي لاطـاح طـاح وغـدى جمـره رمـاد والجبال الراسيـة راسيـة مـن عصـر (هـود)=لـو تقـوم تطيـر وتوقّـع أســراب الـجـراد صــــــــــــح لسانك وبيض الله وجهك علي القصيدهـ الطيبه لاهنت يابن فهـــــــــد