نخيت الشعر يعطيني جدايد=وهو مبطي مغرقني قصايد
معودني على بيوتٍن سمينه=معودني على نظم الفرايد
تجيني غيوم فكري في سمايه=تلوح بروقها قبل الرعايد
وتمطرني وذا من فضل ربي=تعالى رافع السبع الشدايد
واقول البيت الأول ثم أصوغه=واحطه للقصيدة خير قايد
وتجي خلفه جيوشه في دقايق=وأصغر ضابطٍ في الجيش رايد
نعم رايد لأنه مدح قومٍن=لهم في المجد تاريخ وعوايد
أبمدح كل بيضان النوايا=أبمدح منتهى جود الموايد
أبمدح ربعي مروين اليماني=واحط المدح في صدري قلايد
أنا من لابتن ترقى المعالي=ولاتخشى اللهايب والوقايد
ليا منّه نخانا من نخانا=يا نعم الملتجى نعم السنايد
مجانينٍن ليا منّا إنظلمنا=نبيع الروح ما فيها نزايد
رحومينٍن ليا منّا قدرنا=كريمينٍن وكف الطيب جايد
بنينا للشرف قصرٍن مشيد=أنا اشهد عزنا ما هوب بايد
بنينا العز حيدٍن فوق حيدٍن=عروق المجد وأصل المجد كايد
رح أنشد كل سكان الجزيرة=رح أنشد كل إنسانٍن محايد
بيقول إن الدواسر للمراجل=هم القدوة وذي علومٍ وكايد
لجل ذلك سلام الله علينا=سلامٍن نستحقه بالفوايد
سلام الله علينا يا الدواسر=سلام الله علينا يا آل زايد