يبيع ذوده صبياً يبغي الراحه=يحطهن بالرصيد ويطرد الراعي
يسلم من البر من عجه ومشواحه=ويسج من هم مصياف ومرباعي
لاشبع منوم قام يحسب ارباحه=همه مع البورصة ينزل وينزاعي
ماهمه البوش مسراحه ومرواحه=ولايشعفه شوف بوش(ن)له تمزاعي
كنهاغثير شديدالشعف مجتاحه=الشعف قافيه والماطاح فالقاعي
وضح(ن)شعفهاصليب الصوت بصياحه= وحطت طويل العدامة كنه مهياعي
بعض العشايريجي قدام طياحه=تدجر وتنسى ولدها لوحة الداعي
هاذى هوا القلب والتظميدلجراحه=يطرب لها القلب لوبه عدة اوجاعي
منهي حلاله ماحل الفقر بمراحه=لاحده الدين من طرافها باعي
والذخر يالعبد هلاله وسباحه=وقبل الفجرركعتاً والناس هجاعي
هاذي ذخيرة رعى التوحيد وسلاحه=لانام هلباجي لوندب ماياعي
اللي عن العلم الاقصى تقصراشباحه=خفاش ليل الى افخت موطنه ضاعي

صح السانك يابوصمهود. قصيده رائعه جعلك تسلم. تحياتي.

صح لسانك أخي العزيز سالم بن صمهود علي هذه القصيده وفقك الله وسدد خطاك تقبل تقديري وأحترامي

صح السانك ياسالم بيض الله و جهك على أيراد القصيده. تقبل مني أرق التحايا و أعذبها من أخوك...

صح لسانك أخي العزيز سالم بن صمهود علي هذه القصيده وفقك الله تقبل مروري

صح لسانك أخي العزيز سالم بن صمهود علي هذه القصيده وفقك الله وسدد خطاك تقبل تقديري وأحترامي

صح السانك يالقرم وبيض الله وجهك قصيدة اكثر من رائعة تقبل تحياتي

الشاعر /سالم بن صمهود لاهنت على ارادة هذه القصيدة الجزلة من رجال جزل وصح الله لسانك ولاتحرمنا من قصائدك الجميلة والرائعه وبيض الله وجهك ياكحيلان تقبل فائق احترامي ابوجمال الغييثي

صح لسانك

سالم بن صمهود صح السانك يالقرم ولاهنت على الابيات الجزله تحياتي ولدودعان

ابوصمهود صح السانك وسلم بنانك تقبل التحايا

والذخـر يالعبـد هلالـه وسبـاحـه**وقبل الفجرركعتـاً والنـاس هجاعـي الجزل سالم بن صمهود: صح لسانك على القصيدة الجزلة ، والبيت اللي فوق أشبه مكانه وموقعه في قصيدتك ببيت الشاعر والأمير الفارس تركي بن حميد حينما كان يصف القهوة وآخرها جاب البيت الشهير: واخير منها ركعتينٍ بالاسحار ** لاطاب نوم اللي حياته خسارة صح لسانك ولك مني اجمل الود والتقدير ،،،

صح السانكـ ياغالي كلمات في قاية الروعه والجمال وان شاء الله ماتحرمنا من اي جديد دمت بكل خير لكـ سلامي وتقديري دمت بود

صح لسانك يا وافي الذوق قصيده رائعه جدا

وضح(ن)شعفهاصليب الصوت بصياحه = وحطت طويل العدامة كنـه مهياعـي
بعـض العشايريجـي قـدام طياحـه = تدجر وتنسى ولدهـا لوحـة الداعـي

يا الله ياحلال عسر المواظيع=يامنزل الغيث معطي الجزايل
إنك تساعدنا لدرب التسانيع=يوم بعض الناس ظاع القوايل
قامت خبول الناس تطرح مواضيع=وصحيح قول الهرج مقدي وعايل
بعض الكلام يوجع النفس توجيع=من واحد ماله علينا دلايل
قالوا تبيع اللبل بهكر(ن)مراييع=وإنسى البداوه وبت راعي حوايل
وخلك قريب السوق لاجيت تبيع=ورخص لهم الاسعار تكسب عمايل
ياربعنا مهيب لحية مقاطيع =عفت الثمن في اللبل وعفت البدايل
وشلون أبيع اللبل وأدور مجاميع=وعقب العلى ياكيف ترضى السفايل
أبي لا من جال برقه تلاميع=وقامت مطاليع البدو به تخايل
أمشي مع ربع(ن)تسج المرابيع=أدنا مرابيع(ن)لهم يم حايل
ولهم على العشب المطرف مراييع =وتشهد لسمعتهم جميع القبايل
وإن قيل منهم قلت ربعي (مناديع)=ولا نيب هراج(ن)بليا فعايل
نرعى بوضح(ن)مدرجوها المطاميع=وتفرح بنا لازم عشب المسايل
وضح(ن)تنومسنا بممشى وتطبيع=وإن سمعت الهوبال قامت تشايل
تسمع جرسها غاديله لعاليع=تزهاه وضحا" بأول الذود حايل
يبوا خيران(ن)لعشبه مناويع =عشب الفطير معبسات الشمايل
هذي طراة الروح والوقت بيضيع=والعمر مره واخر العمر زايل
ياخيبت إللي باعها وإسمه يضيع=لو كان أمير ومنسبه من حمايل
مادمت حي فقطعوا كلمة البيع =ورزقي على منشي حقوق المخايل
وإن مت حطوني بعالي المرافيع = تكفون ياللي تكسبون الجمايل
(والقبر حطولي معه ريع=لاجات حلول الوسم والبرق أخايل)

منهي حلاله ماحـل الفقـر بمراحـه=لاحـده الديـن مـن طرافهـا باعـي
والذخـر يالعبـد هلالـه وسبـاحـه=وقبل الفجرركعتـاً والنـاس هجاعـي
هاذي ذخيرة رعى التوحيد وسلاحـه=لانـام هلباجـي لونـدب مايـاعـي
اللي عن العلم الاقصى تقصراشباحـه=خفاش ليل الى افخت موطنه ضاعـي

سالم بن صمهود صح لسانك لاهنت ويعطيك العافيه على الابيات الراائعه ونتريا الزود من صوبك ارق التحايا بنت الذيـب

صح الله لسانك يابو صمهود على هذا القصيده واسمحلي بالمشاركه بهذه القصيده

الله الله إبداع.. صح الله لسانك يا بن صمهود.. وتقبل تحياتي،،