|
ونعم بالدواسر وشيوخهم
السلام عليكم ورحمه الله وبركاته .....
رساله الى اشرف الانساب ابناء الدواسر ونعم مليون حتى ترضى يادوسري .... اخوى لدي استفسار ولكن اسال الله العظيم بعدم التسرع وتكون الاجابه واضحه تقدم الى احد الاخوه والله والمشهود لهم بالصلاح والمحافظه على الصلاه وحافظ كتاب الله كاملا ومشهود له في الحى الذى اسكن فيه بانه من اهل الصلاح والمحافظين على الدين بالزواج من ابنتي ... اخوك ارجو منك عدم التجريح في حال عدم ثبوت هذه الشخص بانه من قبيله الدواسر ولكن احتاج الاجابه الواضحه .... اسم الشخص فلان بن فلان بن فلان الحمر الدوسري . من سكان المنطقه الشرقيه سحب ماعرف هل الحمر من ال حمران او لا.... شاكر لكم والله لاهينكم ووفق الدواسر ولا تنسى ابن عمكم المسعري (( 10 مليون )) قليله في حقه ونسال الله له ان يفرج همه .. اللهم امين |
رد: ونعم بالدواسر وشيوخهم
الاخ حمد بن عبدالله
مرحبا بك في موقع الدواسر الرسمي ويشرفنا حضورك بس ياليت توضح لنا اكثر عن هذا الشخص يعني الم تستفسر منه من اي فخذ من الدواسر حتى تسهل المهمه وسؤال اخر قد يفيدني في اجابتك هل هو من اهل الافلاج في الاصل انتظر ردك ويأتيك ردي برساله خاصه خالص التقدير والاحترام |
رد: ونعم بالدواسر وشيوخهم
اخوى العزيز فيصل بيضاء الله وجهك على الرد الطيب..
ولكن لا اعرف عنه سوء اسمه وزى ماقالت ... بصرااحه الخطاء هو خطائى انا بحيث اصرت على الرجل بالزواج من ابنتي بحكم انه شيخ وامام مسجد وراعى وواجب مع جميع سكان الحى والان يصعب على سواله بس حسب ماعرفت من احد الاشخاص بانه اسمه الكامل حسب بطاقه الاحوال فلان بن فلان بن فلان الحمر الدوسري وانا كانت افكر الحمر من ال حمران الله لاهينك اخوى فيصل ممكن المساعده وبيضاء الله وجهك |
رد: ونعم بالدواسر وشيوخهم
الاخ حمد عبدالله
عندي بعض المعلومات عن الحمر اللي في بقيق ان كانه منهم وبعدين الله يهديك تصر على تزويجه وبعدين تسال عنه المفروض السؤال قبل والامور هذي يا عزيزي ما فيها استعجال هذا نسب وانت تعرف وش معنا كلمة نسب ولا ما دامك قدمت حتى لو انه ( ؟؟؟؟؟؟؟؟؟) هل انت بتتراجع اسمحلي بس هذا من ( الغيره والنصيحه ) تقبل مروري واعذرني اخوك ///////// انا الدواســـــــــــــــــــــــــــــــــــــر |
رد: ونعم بالدواسر وشيوخهم
انا دوسر (( قدر الله وماشاء فعل)) انا معترف بانى استعجله ولكن تبقى مساله الاصل فوق اي اعتبار هرج الرجل ماهو مثل هجر اهل الشرقيه وكلامه يدل على انه قبيلى بس الكلام ماهو المطلوب تكفون ياربع المساعده ماودى اظلم الرجل معى تكفون ...
انا دوسر تعرف شى عن الحمر الى في بقيق وشو هم الله لاهينك . |
رد: ونعم بالدواسر وشيوخهم
والله ياخواني انتظر الاجابه والوقت ماخدمنى الله لايهينكم
|
رد: ونعم بالدواسر وشيوخهم
اقتباس:
بأسرع مايمكن |
رد: ونعم بالدواسر وشيوخهم
راح تلقى الي بيفيدك باذنالله يابن العم
بس عليك بشوية صبر تقبل مروري |
رد: ونعم بالدواسر وشيوخهم
باذن الله والله لا هينكم ماغلطان يوم ننصا رجاجيل وشيوخه الدواسر
لاهنتو |
رد: ونعم بالدواسر وشيوخهم
محمد بن متعب بن درعان رحمه الله
اللهم باعد بينه وبين خطاياه كما باعدت بين المشرق والمغرب اللهم ارحمه واسكنه الجنه . اللهم وسع له في قبره اللهم اجعل قبره روضةً من رياض الجنه اللهم اجمعه بالنبيين والصديقيين . واللهم أنس وحشته وأمن روعته واموات المسلمين والمسلمات اللهم امين اللهم امين |
رد: ونعم بالدواسر وشيوخهم
آخر اسمه دوسري
زوجه مدام ان فخذه مذكور فهو اصيل |
رد: ونعم بالدواسر وشيوخهم
اقتباس:
يازين الركاده يا فـــارس ياخوي فيه عبيد اخر اساميهم الدوسري هل يصير دوسري !!! وبعضهم غيثاري وفيه عبيد يكتبون اسم الفخذ ؟ حمد عبدالله اسمعني وانا اخوك ! مثل هالمواضيع لاتصح ان تكتبها بالمنتديات لأمرين الاول فيها إساءه للقبيله بأن يُقال ان ابناها يزوجون اناس مايعرفون منهم ! والاخرى ان حتى الجاهل راح يجيب عليك دون اي تفكر بأن هالامر بيصير بذمته . أفضل شئ تسويه هو انك تذهب لــ إشخاص من القبيله اللى يقول انه منها وتنشدهم وتتحقق من الامر حتى يطمئن قلبك مهوب مجرد سؤال عابر بإحد المنتديات . وأتمنى انك تقبل كلامي بصدر رحب وتفهم المقصد من مضمون الكلام والله يوفقك ويسدد خطاك |
رد: ونعم بالدواسر وشيوخهم
اللهم امين ....
يعطيكم العافيه اخوى نايف انا ودى اعرف عن نسبه اول على شان اعرف اروح الى مين .... السوال هنــــــــــا هل الحمر من ال حمران ......... وبصرااحه شيوخ الدواسر بالمنطقه الشرقيه لى تحفظ عليهم ولا احد يفهمنى غلط وخاصه الى في حى طلال بالدمام .... بصرااحه مافهم هجرج الرجل شيخ الدواسر كلامه مثل اهل الشرقيه وانا بصرااحه مافهمه منه شى .... اذا في احد يقدر يخدم بالموضوع جزاءه الله خير انا ودى اعرف من اي قبيله اقد اسال وبعدين اكيد ماراح ازوج البنت الى بعد التاكد ماهو من المنتدى لا من شيخ من شيوخ الدواسر الله لاهينكم |
رد: ونعم بالدواسر وشيوخهم
أخوي حمد بن عبدالله دام أنك بتناسب الرجال تري ما هو عيب أنك تساله عن أصله وفصله بالكامل حتي لو أنك انت اللي عرضت عليه تأكد دام هذا الرجل بهالمواصفات الحميده ما راح يزعل عليك وراح يقولك بنفسه عن نسبه بالكامل وماراح يقولك الا الحقيقه سواء كان أصيل أو لا وفي نفس الوقت يسهل لك الأ مور في السؤال عنه بدال الله يهديك ما تشنع فيه في المنتديات أخوي أستفسار مثل أستفسارك محله عند الشيبان فقط هاذي الأمور يقيمها الشيبان هم هل العرف شف مرجع الرجال هو من اهل الوادي أو السليل او الأفلاج أوالخرج وبعد ما تعرف دق سلف ورح لشيبان المنطقه ورجالها المشهود لهم بالخير والعرف وراح يعطونك الجواب الشافي وترا النسب ما هو سهل يستاهل العنوه والسؤال .أعتقد لو أي واحد محلك راح يسوي هذا الكلام والله يدلك علي الصواب تحياتي
|
رد: ونعم بالدواسر وشيوخهم
اقتباس:
هذا هو عيــن الصواب |
رد: ونعم بالدواسر وشيوخهم
باذن الله بس ود اعرف منكم الحمر من ال حمران او لا على شان ادق سلف واعرف وين اروح الفلاج او الوادى...
يعطيك العافيه معقوله مافي احد بمنتدى الدواسر يعرف اذا هذا الرجل دوسر او لا فخذه الحمر .......؟ |
رد: ونعم بالدواسر وشيوخهم
أخوي ليش ما تسال نسيبك الجديد اللي يردك منه وشهو لا تقول مستحي منه كلامك مو معقول أخوي الله يهديك بعض الأمور تتعب صاحبها وتعب الناس أجمعين الرجاء الجماعه متعاطفين معك يبون لك الزين جود النسيب الجديد وهز الرجال قبل ما يهزك الزمان ويعلك تحياتي.
|
رد: ونعم بالدواسر وشيوخهم
باذن الله على العموم مِشكورين والله لاهينكم
السوال واضح بس الظاهر مافي حد يعلمنا عن الحمر من الحمران على شان انشد شيخهم عنه الرجل يعطيكم العافيه .......... لا احدد يزعل منى ودى اعرف ليه الدواسر يعطون اسمهم لكل من هب ودب المشكله هذه بس في الدواسر . |
رد: ونعم بالدواسر وشيوخهم
أنا أعرف أن علتك في جوفك واضح من سؤالك وترا الأسم نعطيه لعبيدنا الكرام وأتباعنا والدخيل والملوك هاذي أطباعهم هذا فرقنا عن غيرنا لأننا خلقنا ملوك والعدد قليل والثراء فاحش والأراضي والحدود لا حصر لها .
|
رد: ونعم بالدواسر وشيوخهم
اقتباس:
ياخوي مافيه فخذً في الدواسر يقاله الحمر ولا فيه فخذً في الدواسر يقاله ال حمران يمكن انهم اسره او حموله اما فخذ فقلت لك مافيه واخوي ناصر قالك انشد الشيبان من القبيله اللى يوثق فيهم . والكلام قصير |
رد: ونعم بالدواسر وشيوخهم
تسلم أخوي نايف والله يعطيك العافيه
|
رد: ونعم بالدواسر وشيوخهم
اسمع ياحمد بقولك كلمه مثل ماقال اخوي نايف الخييلي مافيه فخذ في الدواسر اسمه الحمر
واللي اعرفه في الافلاج عائله صغيره يقالهم الحمر وابوحمر وهؤلاء عبيد ولهم شخص اوشخصين بالشرقيه اما خويك والله مدري عنه واسأله هو عن نسبه قله انت من اي فخذ من الدواسر وعلى ضوء كلامه يمكنك السؤال عنه |
رد: ونعم بالدواسر وشيوخهم
السلام عليكم الاخوان ما قصروا وتقدر تستفسر منه عن فخذه وان كنت محرج بسؤاله فكلف من تثق فيه بسؤاله كلف جارك صاحبك بالعمل اي شخص ممكن يقوم بالمهمة ويغنيك عن الاحراج بسؤال الرجل بعد ان اعطيته كلمة بتزويج بنتك له او ممكن تسأله بنفسك و تتعذر ان جماعتك يبون يعرفون فخذه كل هالامور تساعدك والحمران عائلة كما اعرف وترجع لفخذ وكان لي معرفه بشخص منهم من سكان الوادي لكن لا اعرف الى اي فخذ يرجعون وان بغيت الفزعه مني فابشر بها ارسل لي رقم جواله وابشر بالرد الي يبرد قلبك |
رد: ونعم بالدواسر وشيوخهم
اخوي حمد بن عبدالله ياليت ترسل لي موقع الرجال اذا كان في الدمام في اي حي اذا كان في حي 91/71 ممكن اني اقدر افيدك هاذا شي والشي الثاني ياخي مانت مغصوب تزوجه قل حجرو عليها عيال عمها صرفه:27:
|
رد: ونعم بالدواسر وشيوخهم
يالحبيب من نشد ماضااااااااااااااااااااااااااااااااااااااع
والرجال ماجاك الا هو ناشد عنك معقوله وافقتله من اول زياره وتستحي تقوله وين شيبانك يعنـــــــــــــــــــــــــــــــــ.............. ..................................!!! ***وخل لكاعه على جنب ونا اخوك**** |
رد: ونعم بالدواسر وشيوخهم
ردى مختصر الله يبضاء وجيهكم ومشكورين على كل شى لاهنت انت وكل الدواسر وبعض الردود اقول الله يسامحه ، لم اقصد الاساء لى احد والله على ماقول شهسد....
انصدمت ببعض الردود ولكن الله يخذ حقى منها يوم الدين ... |
رد: ونعم بالدواسر وشيوخهم
الله يعين
|
رد: ونعم بالدواسر وشيوخهم
لاتنصدم وانا اخوك ..كل كلمه لها ردها ..وحسب مستواها !!
الله ييسر امورك |
رد: ونعم بالدواسر وشيوخهم
ماهكذا تورد الابل
اذا كان السؤال حقيقي يمكن مراسلة الادارة والاخوان سوف يعطونك الجواب الشافي , وذا كان هناك عائلة سوف تنسبها للدواسر فهذا مستحل في هذا الوقت لسهولة التواصل بين ابناء القبيلة , تقبل مني اخى وافر التقدير والاحترام |
رد: ونعم بالدواسر وشيوخهم
بما انك معتمد على اللي في حي طلال لا والله رحت وطي
اما الحمر خابرهم اذا هم اللي بالشرقيه ولكن اسمح لي علم الانساب لن ادخل فيه أخوك / ابو زيد |
الساعة الآن 02:16 PM
 |
Powered by vBulletin® Copyright ©2000 - 2026, Jelsoft Enterprises Ltd.
---