قال منهو بادين حلو المقال=بسم واحد كلنا له راجعون
الرحيم اللي عليه الاتكال= ما يخيّب من عنوا له تأبون
خالقن ذا الكون في ستت ليال=وجامعن هـ الناس يومن يوعدون
كل مـُـلكن لو يعمــّر في زوال=وكل حي(ن)ذايقن كاس المنون
الا وجهك يا العظيم وذو الجلال=يوم كل الخلق بأمرك هامدون
جــّل شانك في صفاتك والكمال=عالمن ما كان وما سوفا يكون
مسلمين ورافعينٍ بابتهال= اليدين وفيض عفوك يطلبون
لولا فضلك كنــّا في جهل وظلال=مرسل احمد لاجل خلقك يهتدون
والصلاه اعداد ذعذاع الشمال=وعــّد همــّال السحايب والمزون
عـ الذي كـ البدر نوره والجمال=خير خاتم خير كل المرسلون
هو شفيع الناس في يومن وبال=تشخص الابصار وتذهل به عيون
ويا قصيدي لا طلبتك بـ ارتجال=أزحم الشعــّار واللي يقصدون
عادتن لك لا كتبتك بـ أنفعال =ما يشابه حبكك اللي يكتبون
ما خبرت البيت منك (مش حال)=مثل هـ اللي في الجرايد ينشرون
يا تجيب من الفرايد والجــّزال =او تكب الشعر واللي يشعرون
طالبك بالله تكفى قـــّم تعال=اسرد القصه على اللي يسمعون
يوم حــّول لي رفيقي الاتصال =واثرها بنت(ن) عليــــّه ما تمون
لا سلام ولا عطتني من مجال =ولا عرفت السائله منهي تكون
قلت سمي وفاجئتني بالسؤال =انت مرسل لآجل ناسك يضحكون؟
افتضحنا منك جعلك للزوال =يا فشيلتنا ويا كبـــّر الطعون
ذي رساله للدواسر واحتفال =دشنوا جوال ومنه يرسلون
فيه تقرى اخبار مجدك والرجال =لابتن وقت الحرايب يقبلون
قلت لحظه فهميني باعتدال =يركدون ويركدون ويركدون
بختصرلك ما قصدته في مثال=وافهميه وخلي غيرك يفهمون
(ما على جال الرساله غير جال)=دوسرين لو طلب روحي تهون
دون ربعي ذايدن في كل حال=ومستعد وحاضرن للي يبون
بس نوماسي يسبب الانفصال =لين وصلني الى حــّد الجنون
النعاره ورثّ جدي والخوال =زايديــّه واللي مثلي يفخرون
خصّ لا صار الحكي عن مجد آل=زايد الملطوم حامين الحصون
راسيين مثل ما ترسي الجبال=في نهارن قـــّل فيه الصاملون
في نهارن تحذف العذراء جلال=وينتخي من دونها رجلن زبون
لا تعزوا شل حملن ما يشال=وارتكاله لين شالته المتون
ما يهاب الموت لو أنــّه مـــ آل=ولا حسب له مثل ناسن يحسبون
واحدن يسوى عدد حب الرمال=من رجالن فـ اللقاء ما يـُــقهرون
ترخص الدنيا في عينه والعيال=لا اعتزا به كل رجــّال امغبون
زايدي والزايدي مهما يقال=عنه ما يوفيه ياللي تمدحون
هيه يا بنت القبايل والحلال=لو بغيتي الصدق واللي يصدقون
اقسم بربي وعليــّه بالحـــّرام=ما درينا عنك ولا هم يحزنون
بس غاوي شعر واكتب بـ أنفعال=وانطرب واخلي غيري يطربون

كتبها الفقير الى عفو ربه
سعد بن فيصل آل ناصر الودعاني
27/05/2007 مــ

زايدي والزايـدي مهمـا يقـال = عنه ما يوفيـه ياللـي تمدحـون

المشاركة الأصلية كتبت بواسطة هايف العماني (المشاركة 168670) لقد كسبنا شاعر عملاق في المنتدى الشاعر وابن العم العزيز سعد بن ناصر الودعاني مرحبا بك ملايين في محلك وبين ربعك وبني عمك في موقع الدواسر الرسمي وصح الله لسانك لين ترضى على على القصيدة الروعه والابيات الجزله وسجلني من المتابعين لكل ماتكتبه ، ونحن في شوق وسغف لجديدك وابداعاتك تقبل تحياتي،،

المشاركة الأصلية كتبت بواسطة فيصل بن جزاء (المشاركة 167958) هلا وغلا بالشاعر سعد بن فيصل الله يحييك وقصيده رائعه بيض الله وجهك

المشاركة الأصلية كتبت بواسطة ابن وتيد السباعي (المشاركة 167969) الشاعر الجزل / سعد بن فيصل الودعاني صح لسانك يالقرم مليووووووووووووووووووون قصيده جزله من شاعر جزل ونتشرف بنضمامك لنا يالقرم.

المشاركة الأصلية كتبت بواسطة ابو زيد الغييثي (المشاركة 168067) الشاعر المبدع : سعد بن فيصل آل ناصر الودعاني صح اللسانك ملاين على هذه الرائعه والتي حقيقتاً اطربتني وانا أقراء هذا الابداع لله درك على هذه الابيات :- النعـاره ورثّ جـدي والخـوال=زايديّه واللـي مثلـي يفخـرون خصّ لا صار الحكي عن مجد آل=زايد الملطوم حاميـن الحصـون راسيين مثل ما ترسـي الجبـال=في نهارن قّـل فيـه الصاملـون في نهارن تحذف العذراء جـلال=وينتخي من دونها رجلن زبـون لا تعزوا شل حملـن مـا يشـال=وارتكاله ليـن شالتـه المتـون ما يهاب الموت لـو أنّـه مـآل=ولا حسب له مثل ناسن يحسبون واحدن يسوى عدد حب الرمـال=من رجالن فـاللقاء ما يُقهـرون ترخص الدنيا في عينه والعيـال=لا اعتزا به كل رجّـال امغبـون زايدي والزايـدي مهمـا يقـال=عنه ما يوفيـه ياللـي تمدحـون هيه يا بنـت القبايـل والحـلال=لو بغيتي الصدق واللي يصدقون اقسـم بربـي وعليّـه بالحّـرام=ما درينا عنك ولا هـم يحزنـون بس غاوي شعر واكتب بـأنفعال=وانطرب واخلي غيري يطربـون أخوك / ابـــو زيـــد الغيـــيــثي

المشاركة الأصلية كتبت بواسطة عبدالله الدوسري (المشاركة 168092) سعد ال ناصر صح لسانك و كفو بالدواسر و مرحبا بك في إبداعات شعراء المنتدى و في انتظار القادم،،،

المشاركة الأصلية كتبت بواسطة هايف العماني (المشاركة 168670) لقد كسبنا شاعر عملاق في المنتدى الشاعر وابن العم العزيز سعد بن ناصر الودعاني مرحبا بك ملايين في محلك وبين ربعك وبني عمك في موقع الدواسر الرسمي وصح الله لسانك لين ترضى على على القصيدة الروعه والابيات الجزله وسجلني من المتابعين لكل ماتكتبه ، ونحن في شوق وسغف لجديدك وابداعاتك تقبل تحياتي،،

المشاركة الأصلية كتبت بواسطة نايف بن مسرع (المشاركة 172662) صح لسانك وسلمت يمينك ياسعد وفعلا لقد كسبنا شاعر يشرفنا الانصات لبوحه الجميل بيننا تقبل ودي وتقديري ،،،،

زايـدي والزايـدي مهمـا يقـال =عنه ما يوفيه ياللـي تمدحـون

المشاركة الأصلية كتبت بواسطة مطلق الحصان آل عمار (المشاركة 173023) بيض الله وجهك يابو فيصل وصح لساااااااانك ابداع×ابداع ولي عوده مره اخرى في الاستمتاع بما تمنحنا من قريحتك فلقد كنت على عجاله ولكنني سوف اعود تحيااااااااتي وتقديري لك

المشاركة الأصلية كتبت بواسطة يحيى الودعاني (المشاركة 173082) صح لسانك و عتلا شانك و بيض الله وجهك لا فض فوك

المشاركة الأصلية كتبت بواسطة الهول الودعاني (المشاركة 173102) صــــــــــــــــــــــــــــح لساااانك يالقرم ولا هنت ننتظر جديدك على احر من الجمر اخوك الهول الودعاني

المشاركة الأصلية كتبت بواسطة ماجد بن رويه (المشاركة 263774) سعد صح السانك شاعر مبدع ومتمكن ومفردتك راقيه مزجت بين المفرده الاصيله واالمفرده الحديثه بروعه واتقان دمت بخير

المشاركة الأصلية كتبت بواسطة الزين (المشاركة 264032) زايـدي والزايـدي مهمـا يقـال =عنه ما يوفيه ياللـي تمدحـون صـــــــــــح لسانك وبيض الله وجهك قصيدهـ رائعـــــــه