ياراكـب اللـي ماتجيـه المسبـه=ودك تخشه عن وجيـه المقاريـد
لادق سلفـه ربـي الله وربــه=ضحكة رضيع مابعد فـارق الديـد
ابـوه مـن بـدة اخوانـه يحبـه=والعائله تكفيـك عائلـة اجاويـد
اليـا نطحـه يقـول ببـه ياببـه=وجاب السوالف والسوالف سراميد
واليا عطى للخـط والنـور شبـه=صاروخ جوي يضرب اللي مباعيد
يوم اطلقوه ابعد هـدف ينظربـه=من سرعتـه ماحققتـه العباريـد
وان جاء النفود وكل عرق يذبـه=حر يبي صيـدة طـوال العناقيـد
هـدوه للصيـد وقفتـه المهبـه=وانحى يبي اللي في الخميره ملابيد
وان أعترض من قدامه لاصطبـه=كنه فحل فنجـال بيـن المفاريـد
ماطب في سوق الحـراج وجلبـه=وقام يتزاود فالسعر زيـد وعبيـد
يحق لـه فنجـال لامـن نصبـه=ماهو حـلال مجمعيـن الهرابيـد
واليـا نطحتـه لبتـه كنـه لبـه=والله ماغير لبة نجاح المساعيـد
لارخت زرار الصدر عيت تضبـه=تقول شمس شارقه في ضحى العيد
واليا مشى بالهون مع وسط غبـه=مشيت هنوف ماتجيهـا المناقيـد
ممشى الغناجه بس حبـه وحبـه=تقـول رجليـن البنيـه مقـايـيد
في قيادة اللي شف بالـه وطبـه=قطع الفيافي والحـزوم الجراهيـد
منصـاه بيتـن مايرمـد مشبـه=من كثر ماجوه النشامـا تراديـد
سلطان كان الطيب بحـرٍ وغبـه=عـز الله انـه وارد للمـواريـد
عمانـه اللـي كـل عالـي نذبـه=لا ال كبيـر مورخيـن التجاميـد
وخوالـه الغيثـات نـارٍ امشبـه=لاصارت الدعوى عنـادٍ وتهديـد
وفي مقصدي قاف بنيته على ابـه=امدحك وانهيت القوافي على ايـد