يالله انا طالبك من ضعف وهزال = انك تروف بحال منهو كسيري
لا جار بي وقتي وعلي الدهر مال = بخلاف فكري كيف احكم ضميري !!
ابكي ودمعي من على الخد ينهال = ابلا وقوفٍ دمع عينٍ غزيري
ابكي وكن جاني قصاف الآجال = وكن عمري في حياتي قصيري
ما ينفع المخلوق من كنز الاموال = لا جا مماته وفيها وقفة مصيري
لا حِصيت أعماله من ادقاق واجلال = وأيقن بأنه فالحساب الأخيري
يا مبدل الأحوال من حال لا حال = ارفق على وجهٍ طليقٍ سفيري
ويا سالم المنعور يا طيب الفال = سندت قافي وانت رجلٍ خبيري
خذ يا نديبي من عذيات الامثال = مثايلٍ قدام جمعٍ غفيري
وألغاز شعرٍ في معانيه واجزال = ما يفهم المعنى عديم البصيري
دنياً دنية ما صفت لي على حال = ولا صادفت عسر الليالي بخيري
وبارك الله فيوم صكّات الاهوال = عرفت منهو قد حسبته ذخيري
وآحزني مما شفت بالعين مهتال = بعض العرب في عينه شرٍ خطيري
ما كل من يركب له الخيل خيّال = وما كل من ركّب جناحٍ يطيري
وما يرتكي للكايده كود رجال = وقت اللوازم فالزمان العسيري
وما يذبح الرجال يا كود الانذال = واللاش ما يعز جاره وايجيري
يا مشيّن الفرقا لذربين الافعال = ويا محقر الجمعه في عين الحقيري
فأنا عزيز النفس فارس وخيّال = ما ذلني قل الدراهم لغيري
أفزع لربعي دايمٍ كل الاحوال = ومن لامني يجهل بفعل الغريري
ولو المصايب تمتطر وبل همّال = على ابن عمي جيتنا له خشيري
ولو ما بقى فالبيت فلسٍ ولا ريال = رحت أستلف وافزع لحاجة قصيري
ما آرثت من جدي لا أرضٍ ولا مال = إلا وثت منه علمٍ كبيري
لنا مجالسٍ للشغاميم مدهال = ونجرن يدن طول ليله سهيري
وحيلٍ سمانٍ مع معاميل ودلال = وفنجال بنٍ زاهيٍ مستديري
يبعد عماس الراس ويكيّف البال = وسوالفٍ على المراجل تشيري
وكل النشاما لو شخلهم بمشخال = صفت على ربعي ابعدٍ كثيري
لأن القبيلة افعزها ما بها احثال = يجمد على شارب خصيمي شطيري
مثل السعاير ضوحها يشعل اشعال = وفعل المراجل شاربه من غديري
ويا لابتي يا عزوتي لاحتمى الجال = ولا اعتلى المرقاب وصاح النذيري
وكلٍ تعزوى بعزوته لآشهب اللال = وانا اتعزوى بربعي لآد الغريري
من فوق قب مهار فزعين واعجال = يا درعي الضافي نهار المغيري
وسم الغريري مطرقينٍ مع هلال = وعلى يمين العنق باسم بعيري
وذيداننا من دونها حراب وسلال = ومن دونها لابة بحد الشطيري
ما قلتها فخرٍ ولا قلتها اهبال = ولا جبتها صدفة ولا هي لغيري
منظومةٍ ومطرزة بكل الاشكال = فايح شذاها من خزام وعبيري

المشاركة الأصلية كتبت بواسطة جعلني_فدوة_للدواسر (المشاركة 154356) الغالي محمد الغريري صح لسانك صح لسانك ثم صح لسانك مدد أفزع لربعي دايـمٍ كـل الاحـوال ومن لامني يجهل بفعـل الغريـري ولو المصايب تمتطـر وبـل همّـال على ابن عمي جيتنا لـه خشيـري صدقت يابن غرير وانا اشهدنك فزعة لبني عمك جعل من ارثك للجنة ... اقولها وانا مجرب فزعتك نفداك ... اخوك / جعلني_فدوة_للدواسر

المشاركة الأصلية كتبت بواسطة سعد المقابله (المشاركة 154419) محمد الغريري صح الله لسانك ولاهنت على القصيده الجزله

المشاركة الأصلية كتبت بواسطة أبونواف الدوسري (المشاركة 154430) الأخ محمد الغريري....صح الله لسانك علي هذه القصيده. عسي الله يجمعكم ولا يفرقكم..آمين. أخوك أبو نواف الدوسري.

المشاركة الأصلية كتبت بواسطة يحيى الودعاني (المشاركة 154783) صـــــــــــــــــــــــــــــــح السانك وعتلا شانك وبيض الله وجهك على الجزله

المشاركة الأصلية كتبت بواسطة خلف الدوسري (المشاركة 154815) لحـــــــرفكـ بــــــريق الاحســــــــاس كلمـــــــاتـــــ نبــــــع فيهـــــا نهـــــــر المشـــــــاعر وقفــــــ النظـــــــر أعجــــــابــــ جميـــــلــــ رســـــــمـ بيــــــوتكـ على رحــــــى كفــــــ الابـــــــداع صـــــح الســـــــانكـ ... محمد الغريري يعطيـــــــــكـ العافيـــــــــه وحفظــــــــكـ الرحمــــــــن من كـــــــلـــ مكـــــــروهـ \\ \\ أخوك خلف الدوسري