ما حد خذا غيرك من النـاس عمريـن=عمرك وعمر اللي معـك فـات كلـه
وزود عليهـا صـرت مالـك لقلبيـن=قلبـك وقلـب فيـك هــام وتتـلـه
حبك نزل في القلـب بيـن البطينيـن=وفـوق المعاليـق الثـلاثـه محـلـه
يسري غرامك بالدمـا فـي الشراييـن=مسرى المرض في جسم من حسن عله
سيرتني برضاي ما قلـت لـك ويـن=معك على موج الهـوى قلـت يـا الله
وش غير هذا أعطيك يا كامـل الزيـن=روحي فـداك أطلـب وخذهـا تدلـه
مادام شوفـة طلعتـك تكحـل العيـن=وما همني غيرك وش اللـي حصلـه
نسيتنـي الماضـي ونـاس كثيـريـن=وما كن فـوق الارض غيـر إنـت لله