::: مـنتدى قبيلـة الـدواسـر الـرسمي :::


	هذه القصيدة قالها الشاعر /محمدبن برجس المصارير في مزاين المصارير قبل فتره وانا اسف على التاخير لنشرها اتمنى من احد الاخوة الاعزاء ان يجعلها في برواز جميل ومسموح والقصيدة تعبر بما فيها من مدح لربعه الدواسر والمصاريرخاصه بديت باسم مصور الكون تصوير= منزلن سورة تبارك وطاها الخالق الرزاق مدير التدابيـــــر=اللي ذنوب العبد لاشاء محاها من فضله الواسع نبي زود توفير= مدة كريما مايمن بعطاها نطلب من الخالق ولانشحذ الغير= مغني فقارا خاليات يداها ومن بعد ذكره صغت بعض التعابير= وعبرت قيفانبصدرن كناها لاجاء لها سلمن تجيني مناحير= لا دار دالوب الضمير ونخاها يحضرن عندي على الوقت تحضير= وتمشي معي لو طولت في مداها راعي المزاين له تحيه وتقدير=اللي طويلات المعالي رقاها حلال صعبات الامور المعاسير=مواقفه بالطيب يظهر نباها هذاك ابو فيصل صبي المخاسير=كل العلوم الطيبات احتواها خفران بن متعب له النعم تكرير=وتنشر له البيضاءبعالي نباها يعيش رجلن حط باسم المصارير=مزاينن يبغي رفع مستواها يبغي لهم جمعا على العز والخير =يالله عسى نفسه تحصل مناها وجاته مجاهيمن تذب العثامير=جرد الرقاب منومسة من قناها اوسومها الحنوه جلايل واباكير=على رقاب اللي طوال اخطاها وسمن لنا لامن لقوه المداوير=كل القبايل وسمنا ماخفاها الوسم واحد ماحصل فيه تغيير=من اول الدنيا الى منتهاها يوم القبايل بين حواف ومغير=انشد وقلي منهو اللي خذاها كم طامعا جانا براسه سعاطير=وامسى عشى للذيبفي ملتقاها من ضرب ربع يحتمون المعاشير=لاجانهارالكون تعرف اعزاها تغالبن من مارثة سالم الزير=وافعالنا تعرف وكلن قراها لاقام عج الخيل مثل المعاصير= لاد الحبيبي ويل من في نحاها من غير نقص في القبايل وتقصير= نمدح قروم ولا نسب اقبلاها قولن على برهان مافيه تزوير =ولاخير في اللي كلمته ماحماها ومن كان عنده شك بعطيه تفسير=حتى يعرف السالفه ومعناها الشرف ماجتنا بحمر الدنانير= كسبن لهلنا من حلايب اعداها كسب النشاما مبعدين المغاوير=كم هجمتن من دارها نزحاها من فوق هجنن كنهن السنانير= من طول طرقتها وبعد مغزاها وقطم الحوافر غاليات المساعير= هلها على دهم الجموع اتحداها ولحق الطلب والخيل جتهم قناطير= ونطحو جموعا صايله وكسراها بحدب السيوف الساطيات البواتير=مع كل منعورا يروي شباها كم راس شيخن من على متنه يطير= وكم سابقا تربقت في شواها وقفت بهم تاطا الوعر والشناظير=وكبودهوم ماعاد يبرا لضاها وانا كسبناكل شنقا حن اظهير=ازيان الوجيه اللي جلال عضاها جينا بها والخلج مثل المزامير=ومن دارها لديارنا ورداها يازينها ترعا نبات المخاضير=ويمشون اهلها دايمان في هواها لامن غدا عشب السهل له نواوير=كم عرفة من يم خوفا رعاها فلامن قزت ثم تبعوها المقاهير=طياحها من القفر ماردداها يمشي سلفها قدمها والمظاهير= ويبرالها قبا لبنها اغذاها وقت الوسامي مشملاتن محادير=وفي الصيف تجنب تبغي عدودماها تبغي لها عدن عليه المقاطير=سود البيوت مزبنة من نصاها ارباعها مبنية للمسايير=وفيها الدلال الصفر تبعد خواها ادلال رسلان تقلط مباهير=ونجورهاتسمع تلاحي ا عواها على سنا ضون حطبها جذامير=شبوبها من السمرولاغضاها وحيلن تقلط للوجيه المسافير= وضيوفنا مناب نذخر قراها دواسرن نعرف بطيب المذاكير= وامجادنا طول الدهر مامحاها قصيرنا يلقا معزه وتوقير= ولاخير في ناسن تخون اقصراها يمشي على مشهاه من غير تحيير= وفي سلومنا الجيران ناسم عصاها وندمح له الزلات لو انه ايجير= نصبر ولانبغي نبين جفاها مانطرد الزله لو اكبر من النير= وليا عطينا ماندور جزاها سعدبن بنا سطر المجد تسطير = اعتق قصيره غلطته ماقفاها وزامل وعبدالله اطوال الاشابير=اعفو جويعد والديات ادفعاها عدوهم يصلون كبده على الكير=وان جات زلات الرفيق اطمراها وخوينا جبناه من جمت البير= وسط القليب الى طويلا رشاها ذبح الذلول وقد من جلدها السير=وقال المعيبيل ابتجح ماتفاها كم واحدن من مثلها فكره يحيير=فكر بعقله لين حتى لقاها ومنا احدجان شوق بيض الغنادير=بذكر السوالف لابتي بأخوياها يوم استهلكوا قال مالي معاذير=ذبح بعارينه وشقق اكلاها قال اشربو واللي كتبه الله بيصير=وبدرك أسبابن على الله وفاها ومشى على الرجلين يومين يسير= خاطر بنفسه لكن الله وقاها وزهم ولجوا بالسعد والتباشير= وقال اخوياي وفزعته انقذاها وشلفا حزام كونها له مطايير= من قو زند اللي بكفه رماها وشلفا تفجر مشة الزور تفجير=من دم جوف الخصم يشرب قناها بين الكتوف وطيرت مع الازارير= ومن الفرس طير وثالث ايداها ومزعفرا بين القروم المناعير= ايدينهم عليه ما قلطاهـــــا شربه طليفيح وهوسنه صغير=درب المراجل من شبابه بداها وحول بخصمن حدرته المقادير=رمو بخيال الفرس وقلعاها ويناشدن عن فعل عشر المصارير= من المعجزات وغيرنا ما مشاها يومن ابن بدران قاد الطوابير= دهم الجموع وخيل صفرن نقاها واخصامهم مثل القنوف المزابير=اول نهار العيد حزة ضحاها لا بالطمع ناقه ولا قصده بعير =ذبحة بني عمه يدور اقضاها جمع الدواسر قدمهم خط الامير= وحلف بقطعة روسهم لاقطعاها ثم قال ياماجد عطونا المغاتير=مقروعة والخيل صكت علاها تنقا اهل عشر قرومن مشاهير=عشرن عددها لاتزود وراها غاروا وعج الخيل جاله شخاتير= مثل المخيله يوم يمطر سماها وردوا عليهم ماهقوا بالمصارير= والكل منهم رجعته مارجاها الكل منهم مانشد ويش بيصير=نسا حياته وعزوته مانساها ماحسبو للمقبله والمدابير= مثل السباع الضاريه بمعداها ومثل الاسود الجايعات الكواسير=والنار يونس حرها من وطاها ماواحدن يذخر بنفسه مذاخير =وحامت سيوف القوم يجهر سناها كم فارسن خلي عشى الذيب والطير = وكم خفرة من شوقها رملاها والنصر جاء من عند والي المقادير=حربن على العدوان دارت رحاها بنحورنا حذف الجنايز جنافير= تشبه هشيمن في محاني اغثاها والذودجبنا جلها والمصاغير=بنحور صفر الخيل اتنقزاها يوم اقبلت غادن زبدها كوافير= ناصر بعجها والجميع انطحاها وحمي الطراد وكدر الجو تكدير=وكل الديون الماضيه سدداها وسيم تثبت واقع الكون وتشير=اخوانهاتسعه وسبعه ضناها تبكي بدمعن فاض فوق المحاجير=وناش الدواسر علمهاورحماها قالوا عوضها طلع هدب الجبابير= ومشو لها المقراة لين ادفناها وكم واحدن ضاقت عليه المعابير=ضاقت عليه افجوج الارض وفضاها في ساقته خيلن وهجنن مضامير=وبعض القبايل عدته من حماها من الشفق والخوف شاف التعازير= جانا ونفسه زال عنها شقاها قمنا مقامن فيه للخصم تأثير=نسعد عيون وعين نسحن دواها والشرح يطول لو نعد التقارير= جف القلم من كتبها ماحصاها وصلوا على اللى نور الحق تنوير=ماهبت النكباء وذعذع هواها

اقتباس:

المشاركة الأصلية كتبت بواسطة ابوهديل (المشاركة 440690)


	هذه القصيدة قالها الشاعر /محمدبن برجس المصارير في مزاين المصارير قبل فتره وانا اسف على التاخير لنشرها اتمنى من احد الاخوة الاعزاء ان يجعلها في برواز جميل ومسموح والقصيدة تعبر بما فيها من مدح لربعه الدواسر والمصاريرخاصه بديت باسم مصور الكون تصوير= منزلن سورة تبارك وطاها الخالق الرزاق مدير التدابيـــــر=اللي ذنوب العبد لاشاء محاها من فضله الواسع نبي زود توفير= مدة كريما مايمن بعطاها نطلب من الخالق ولانشحذ الغير= مغني فقارا خاليات يداها ومن بعد ذكره صغت بعض التعابير= وعبرت قيفانبصدرن كناها لاجاء لها سلمن تجيني مناحير= لا دار دالوب الضمير ونخاها يحضرن عندي على الوقت تحضير= وتمشي معي لو طولت في مداها راعي المزاين له تحيه وتقدير=اللي طويلات المعالي رقاها حلال صعبات الامور المعاسير=مواقفه بالطيب يظهر نباها هذاك ابو فيصل صبي المخاسير=كل العلوم الطيبات احتواها خفران بن متعب له النعم تكرير=وتنشر له البيضاءبعالي نباها يعيش رجلن حط باسم المصارير=مزاينن يبغي رفع مستواها يبغي لهم جمعا على العز والخير =يالله عسى نفسه تحصل مناها وجاته مجاهيمن تذب العثامير=جرد الرقاب منومسة من قناها اوسومها الحنوه جلايل واباكير=على رقاب اللي طوال اخطاها وسمن لنا لامن لقوه المداوير=كل القبايل وسمنا ماخفاها الوسم واحد ماحصل فيه تغيير=من اول الدنيا الى منتهاها يوم القبايل بين حواف ومغير=انشد وقلي منهو اللي خذاها كم طامعا جانا براسه سعاطير=وامسى عشى للذيبفي ملتقاها من ضرب ربع يحتمون المعاشير=لاجانهارالكون تعرف اعزاها تغالبن من مارثة سالم الزير=وافعالنا تعرف وكلن قراها لاقام عج الخيل مثل المعاصير= لاد الحبيبي ويل من في نحاها من غير نقص في القبايل وتقصير= نمدح قروم ولا نسب اقبلاها قولن على برهان مافيه تزوير =ولاخير في اللي كلمته ماحماها ومن كان عنده شك بعطيه تفسير=حتى يعرف السالفه ومعناها الشرف ماجتنا بحمر الدنانير= كسبن لهلنا من حلايب اعداها كسب النشاما مبعدين المغاوير=كم هجمتن من دارها نزحاها من فوق هجنن كنهن السنانير= من طول طرقتها وبعد مغزاها وقطم الحوافر غاليات المساعير= هلها على دهم الجموع اتحداها ولحق الطلب والخيل جتهم قناطير= ونطحو جموعا صايله وكسراها بحدب السيوف الساطيات البواتير=مع كل منعورا يروي شباها كم راس شيخن من على متنه يطير= وكم سابقا تربقت في شواها وقفت بهم تاطا الوعر والشناظير=وكبودهوم ماعاد يبرا لضاها وانا كسبناكل شنقا حن اظهير=ازيان الوجيه اللي جلال عضاها جينا بها والخلج مثل المزامير=ومن دارها لديارنا ورداها يازينها ترعا نبات المخاضير=ويمشون اهلها دايمان في هواها لامن غدا عشب السهل له نواوير=كم عرفة من يم خوفا رعاها فلامن قزت ثم تبعوها المقاهير=طياحها من القفر ماردداها يمشي سلفها قدمها والمظاهير= ويبرالها قبا لبنها اغذاها وقت الوسامي مشملاتن محادير=وفي الصيف تجنب تبغي عدودماها تبغي لها عدن عليه المقاطير=سود البيوت مزبنة من نصاها ارباعها مبنية للمسايير=وفيها الدلال الصفر تبعد خواها ادلال رسلان تقلط مباهير=ونجورهاتسمع تلاحي ا عواها على سنا ضون حطبها جذامير=شبوبها من السمرولاغضاها وحيلن تقلط للوجيه المسافير= وضيوفنا مناب نذخر قراها دواسرن نعرف بطيب المذاكير= وامجادنا طول الدهر مامحاها قصيرنا يلقا معزه وتوقير= ولاخير في ناسن تخون اقصراها يمشي على مشهاه من غير تحيير= وفي سلومنا الجيران ناسم عصاها وندمح له الزلات لو انه ايجير= نصبر ولانبغي نبين جفاها مانطرد الزله لو اكبر من النير= وليا عطينا ماندور جزاها سعدبن بنا سطر المجد تسطير = اعتق قصيره غلطته ماقفاها وزامل وعبدالله اطوال الاشابير=اعفو جويعد والديات ادفعاها عدوهم يصلون كبده على الكير=وان جات زلات الرفيق اطمراها وخوينا جبناه من جمت البير= وسط القليب الى طويلا رشاها ذبح الذلول وقد من جلدها السير=وقال المعيبيل ابتجح ماتفاها كم واحدن من مثلها فكره يحيير=فكر بعقله لين حتى لقاها ومنا احدجان شوق بيض الغنادير=بذكر السوالف لابتي بأخوياها يوم استهلكوا قال مالي معاذير=ذبح بعارينه وشقق اكلاها قال اشربو واللي كتبه الله بيصير=وبدرك أسبابن على الله وفاها ومشى على الرجلين يومين يسير= خاطر بنفسه لكن الله وقاها وزهم ولجوا بالسعد والتباشير= وقال اخوياي وفزعته انقذاها وشلفا حزام كونها له مطايير= من قو زند اللي بكفه رماها وشلفا تفجر مشة الزور تفجير=من دم جوف الخصم يشرب قناها بين الكتوف وطيرت مع الازارير= ومن الفرس طير وثالث ايداها ومزعفرا بين القروم المناعير= ايدينهم عليه ما قلطاهـــــا شربه طليفيح وهوسنه صغير=درب المراجل من شبابه بداها وحول بخصمن حدرته المقادير=رمو بخيال الفرس وقلعاها ويناشدن عن فعل عشر المصارير= من المعجزات وغيرنا ما مشاها يومن ابن بدران قاد الطوابير= دهم الجموع وخيل صفرن نقاها واخصامهم مثل القنوف المزابير=اول نهار العيد حزة ضحاها لا بالطمع ناقه ولا قصده بعير =ذبحة بني عمه يدور اقضاها جمع الدواسر قدمهم خط الامير= وحلف بقطعة روسهم لاقطعاها ثم قال ياماجد عطونا المغاتير=مقروعة والخيل صكت علاها تنقا اهل عشر قرومن مشاهير=عشرن عددها لاتزود وراها غاروا وعج الخيل جاله شخاتير= مثل المخيله يوم يمطر سماها وردوا عليهم ماهقوا بالمصارير= والكل منهم رجعته مارجاها الكل منهم مانشد ويش بيصير=نسا حياته وعزوته مانساها ماحسبو للمقبله والمدابير= مثل السباع الضاريه بمعداها ومثل الاسود الجايعات الكواسير=والنار يونس حرها من وطاها ماواحدن يذخر بنفسه مذاخير =وحامت سيوف القوم يجهر سناها كم فارسن خلي عشى الذيب والطير = وكم خفرة من شوقها رملاها والنصر جاء من عند والي المقادير=حربن على العدوان دارت رحاها بنحورنا حذف الجنايز جنافير= تشبه هشيمن في محاني اغثاها والذودجبنا جلها والمصاغير=بنحور صفر الخيل اتنقزاها يوم اقبلت غادن زبدها كوافير= ناصر بعجها والجميع انطحاها وحمي الطراد وكدر الجو تكدير=وكل الديون الماضيه سدداها وسيم تثبت واقع الكون وتشير=اخوانهاتسعه وسبعه ضناها تبكي بدمعن فاض فوق المحاجير=وناش الدواسر علمهاورحماها قالوا عوضها طلع هدب الجبابير= ومشو لها المقراة لين ادفناها وكم واحدن ضاقت عليه المعابير=ضاقت عليه افجوج الارض وفضاها في ساقته خيلن وهجنن مضامير=وبعض القبايل عدته من حماها من الشفق والخوف شاف التعازير= جانا ونفسه زال عنها شقاها قمنا مقامن فيه للخصم تأثير=نسعد عيون وعين نسحن دواها والشرح يطول لو نعد التقارير= جف القلم من كتبها ماحصاها وصلوا على اللى نور الحق تنوير=ماهبت النكباء وذعذع هواها

ابو هديل

بيض الله وجهك على هذا الطرح الوافي

وصح السان الشاعر القدير محمد بن برجس المصروري على هذه القصيده الشامخه

الجزله وعز الله انها وافيه ,,, وكفواااا بربوعنا لاد الحبيبي يستاهلون والله المدح

ولهم في صفحه التاريخ مجد شامخ وعزيز ,واهل فعول تطلق الوجه اول وتالي

مشكور وجزيل تحياتي لك