لو كل غالي افقده صرت ناسيه = ماكان شفت اليوم بالناس غالي
ولوكل من شفته بأفرح وأحييه= صاروا جميع الناس عمي وخالي
وقت نعيشه ما عرفنا تواليه = يوم يفـــــــرقنا ويوم وصـــــــــالي
لكن قسم بالله قول ما اثنيه = شرواك يبقــــي الي الموت غالي

ضاقت الدنيا بعينٍ ماتشوفه = ودمعها لشواقها فاض وشهد
ماعلى جلساتكم عقبه حسوفه = وأعذروني بس مايسواه أحد
احرمتني منه في لحظه ظروفه = مدري الفرصه متى تسمح بعد
توني حطيت قلبي في كفوفه = قبل لدري وش نوى فيّ أبتعد
يسهل المدخال وتكود النكوفه = فالهوى ويطاول العين السهد
راح عني ماذكر لي كيف أشوفه = والمصيبه لا مكان ,,,ولا وعد

المشاركة الأصلية كتبت بواسطة فهد مبارك الودعاني (المشاركة 345123) هلا و غلا موجودين يالغالي بس شكل خوينا ثقل علينا علشانا قلنا أن مافيه أحد مثلكـ بالشعر ههههههههههههههههههههه لـكــم كـل الأحـتـرام و الـتـقـديـر.

جيتكم يالking مسرع .. علم ,,الودعاني =والله اني ثم والله.. ماسح الطبلون
لاتباطون الغياب .. ان غبت .. ياحباني=الظروف اكثار وانتم والله.. أتسلون
والهواى والحب ياصحابي ترااه اعماني=نعنبو جدا الغرام اثره كذى ملعون
والحبيبه هملتني بعدها واحداني =وابسببها ظاق في وجهي فسيح الكون
والمصيبه عاد لن كان ارتكبت اجناني =والله اني ثم والله لنهب المزيون
دورولي جمس شكمانين بهبهاني =اربع أميه وربع وخمسين لو بمليون
أبخطف حبيبي واعيش فالخلياني =وكل علم(ن) ياجماعة خير له مظمون
صاحبي ياصاحبي حبك تراه أظماني =جايعك,, والجوع كافر,, والظمى,, ملعون
وانت تعرف غيرك أكثير اللذي يهواني =بس انا للي ماهويت اسواك مهما يكون
وكان ونك ياحبيبي جد ماتبغاني=قولها أن .. هانت انا عيت علي أتهوم
انت حبك ياحبيبي ساكن(ن) فكياني =والغلى ياصاحبي ماهو فلم كررررتون
يوم تغدرني وتلدغني كما الثعباني =تحسب اني لو أبخونك معرف اخون
المحبه ياحبيبي تخضع الشجعاني =نكسة روس الشيوخ الشامخه بالعون
وانت تعرفني حبيبي فارس الفرساني=وتعرف اني فيك يالفتان انا مفتون
لاتحداني ..ترى اتحدى ..ماتتحداني =ابك انا من لابتاً ماهم بي نهزمون
ولاتحمل ياحبيبي طعنة(ن)لسناني =وانت تطعني وانا طعنك علي يهون
في يدي عصاة موسي وخاتم سليماني=وسحر شعري فاق وتعلى سحر فرعون
سحرة انا بشعري القاصي مع الداني = والناس من حلو شعري سارو يرددون

وإذا كانت النفوس عظاما = تعبت في مرادها الأجسام ُ