الله نشد ياحمود عن معرفة يوم=وهذي ثمان اسنين بالضلع جيران
ياحمود يظهرلك صديق من القوم=ويظهر من الربع الموالين عدوان

فيني شموخٍ غارسه(شايبي) غرس =ومهـمـا يجورالـوقـت مـــالان بـاســي
أنا حمست العز فـي داخلـي حمـس =وهـيَّّّّّّّّّّّّّّّّّّّّّّـلـت فنـجـانـه وقـنَّــدت راســـي

المعتبر ياخذ على الدنيا دروس مـن العبـر=والنـاس يكسبهـا معاملهـا بقـد عقولـهـا
أحيان تصدف لعبة الشاطر مع غلطـة عمـر=مـره لآكـن لعبـة الغلطـه ماعـاد ينولهـا

هذا زمان هايبات فهوده=والناس نادوا عنتره باسم مسعود
وأشوف لي رجل يعدد جدوده=لوأن أبوه وجده أضعف من الدود

الأمير الشاعر محمد بن أحمد السديري

ياما وردنا عدوده من اجهوده=على المار والنار كما الأسود
ياحمد لو انا من قزة نهوده=اصبح كفيف ماكان صرت ملهود

لاتحط ضعيف النفس بالطرقـه زميـل = دوّر اللـي لاتكبـر خطرهـا داسـهـا
والضعيف جنبه مامعـه حيلـه وحيـل = رافق اللي قد سبح في البحور وقاسهـا
واشهد ان ضعيف النفس مايصلح عميل = والضعافه عند ناسٍ ضعيـف احساسهـا
ما إبغي النفس الضعيفه ولا الرجل الذليل = كـل ماجينـا نسـوي جميلـه حاسهـا

سامر على الوزى يابوتركي سماري=اقامر نجومها وبالهوجاس تقريري
من الكرى مشموز والبوز عيّاري=بوز الذي..مكنها في الطرى تمريري

الفرق واضـح بيـن صـادق ونصـاب = والحـق يطلـع لـو يـطـول مغيـبـه
وان كان فالدنيا محـد حاسـب حسـاب = فـالآخـره رب ٍ خلـقـنـا حسـيـبـه
وأنـــا قسـم بالله . لايمـكـن أرتــاب = ولا حـب هـرج ٍ فيـه نمـه وغيـبـه
أحـب اقـول الصـدق حتـى لـكـذاب=وأحـب أجـازي مـن غمرنـي بطيبـه
وإلا الـردي لـه عندنـا حفنـة تـراب =وان غـاب ماقلنـا عسـى الله يجيبـه
بـس إنـت ياليتـك تفكـر بالأسبـاب =لان الظليمـه مـن قريـبـك مصيـبـه

انا اشهد ان الطيب صعب مرقاه=ما كل من ينوله بياديه
اشقر دفر من الولا..مشقاه=[عامر عمر]من العشر مباديه

الصراحه مزعجه وانا صريح = تزعلك ماتزعلك بقولها
ولاتدري مايصح الا الصحيح = خاطب الناس بقد عقولها

وعينه كما عين حر ٍ هدودي=مع الشوف هدوه والشمس حيّه
وخده كما بارق ٍ في رعودي=وزوله كما الريم في ارض ٍ خليّه
الا ياهوى البال خل الصدودي=حرام الجفى..تكسب اثم وخطيّه
حسيبي على الترف بيّح سدودي=مايرحم محب ٍ عيونه شقيّه
الا ياليت ان جد الغضي من جدودي=ياليت ان عمه حدى والديّه

تخير بالنسب قبل المناسب=ترى بنت الرجال لها رجال
الا جت عدله والحظ طايب=نما معروفهم ونموا اعيال

المشاركة الأصلية كتبت بواسطة خميس مطر الغييثي (المشاركة 240984) الله نشد ياحمود عن معرفة يوم=وهذي ثمان اسنين بالضلع جيران ياحمود يظهرلك صديق من القوم=ويظهر من الربع الموالين عدوان حجرف الذويبي

الله نشد ياحمود عن معرفة يوم=وحنا ثمان اسنين ياحمود جيران

واسمح لي بالمداخله

نافق تعيش وجامل الناس تنحـب=وبيع الضمير تشوف كلن يجيلـك
هذا هو المنظور في وقتنا الصعب=أما تزيـل الصـدق والا يزيلـك
الصدق ماله لازم بعالـم الكـذب=حتى الطفل كـذاب يالله دخيلـك