من حق قلبي عليك إنك تطمني = لا غبت عني كذا والوقت ماجابك
رجيتك دقيقه على الجوال كلمني = مادمت محسوب أنا واحد من أحبابك

كتمت همي والسنين تحديني = وانحا بها جوٍ خلا ماحدن فيه
اعيش بالهوجاس مما يجيني = صار الرفيق وصرتنا له مخاويه

هلا بصاحب طيبة النفس والجود = إللي تبشر النفس ساعة وصاله
لو يبتعد عنا على البال موجود = جعل السعاده عبر الايام فاله

هني من لاشاف هم يضيمه=وعن الهموم القاسيات غريب
بعيد عن الكودات ماذاق كودها=مصايب وسط الفؤاد تصيب
مصايب الدنيا كفى الله شرها=الرأس منها يالفهيم يشيب

الباء

بالله قولولي وش الحل ياناس = لا صرت أنا والحظ آمر ومأمور
أقبل على الأمل مبعد عن الياس = والقى مسافات الأمل بر وبحور
لا جيت بنسى الهم وضيق الأنفاس = عادت بي الذكرى على حال معسور

تجيك على غير اختيارك حوادث=مقدرة منها فؤادك زال
وكل على ما قدر الله والفتى=مدى العمر له رزق عليه ايهال

اللام

لا انت الذي اقبلت صوبي ولاجيت=ولاانت الذي اقفيت وارتاح بالي
ان جيت ابي قربك من اعذارك ازريت=وان جيت ابي ارحل تزيد بوصالي
ضاعت حياتي بين مخطي ومااخطيت=لاشك قلبي هو سبب ماجرالي

يانافدلي ماصبر لين يرون = لين خلى الهول خده محنا
ربعي هل الطالات مهوب يخطون = راعي الخطى يعطونه حقه مثنا

الله من هم بروحي سهجها=بخافي ضميري في كنين الحشا لاج
أحر من نار تواقد وهجها=منها خطر روحي على سلك ديباج

الجيم

جعلني فدوك من الضيق لين السعه = وفدوة الثلجه اللي فوق جمرك تميع

ماني مجازيك في صدك وهجرانك = ودعتك الله وتلقى واحد ثاني
أتعبت الاعيان والاقدام من شانك = وانته ولا شئ سويته على شاني

ياعين لا تبكين = كثر البكى مافاد
وهذي ثلاث سنين = وانا طريح وساد

دامك حبيبي فأنا مانيب خسران = حتى ولو خسرت كل المخاليق
يكفيني أنك معي في كل الاحيان = وياليت تدري وش اللي في المعاليق
لاشفت عينك تشتت كل الاحزان = ورسالتك دايمٍ تشفي من الضيق

قالوا تبيع اللبل بهكر مراييع = وانسى البداوه وبت راعي حوايل
وخلك قريب السوق لا جيت بتبيع = ورخص لهم الاسعار تكسب عمايل
ياربعنا مهيب لحية مقاطيع = عفت الثمن في اللبل وعفت البدايل