ما كل حب يدهل القلب سكان=بعض الغلا ليمن خذ أيام راحي
يروح ما كنه تصور ولا كان=ويمحاه من لوعات الأيام ماحي
والله لو الحب يشرى بالأثمان=لأشريه من خبل واحطه بصاحي
خل التغلي عنك يا مطرق البان=هواك طارت به هبوب الرياحي
والله لو تلبس عقود ومرجان=وتغضي بعين كن فيها الرماحي
اني عليك ابعد من النجم لا بان=أو برق صيف في دجى الليل لاحي
وانكفت أنا يا صاح عن كل ما كان=واليأس في بعض النواحي فلاحي
جربت أنا والتجربة خير برهان=وان عدت فيما عفت ذبحي مباحي

http://www.albetaqa.com/cards/data/m...q-m-m-0014.jpg

يالي تخوطي مثل مشي الحمامه =تمشي على مهلك على روس الاقدام
الموت خابي سد ذيك الثامه = ومثلي لا يامن شاف مثلك ماينلام
عاشقك منك ماهتني في منامه = ارفق بحال(ن) من عنى الوقت منظام
عطني بدني الشوق ربع ابتسامه =من شفة(ن) متوهجه من وراء الثام
من شاف مبسمها عليه السلامه =لو تطلبه يسلم دخل دين السلام
متميزه بين الشفف أب علامه =وش لون اوصفها وهي شوفها أحلام
ياليت تركب معي فى البنو رامه =والله لغطي بالشعر كل الاقلام
في وصفها الي مثل عود البشامه =ولاسير سواق الا رضاها وخدام
واني لنسيها لاباااابه وماااامه =من عشقي الي يزرع ابعقلها اهيام
الشوق مثمر في خفوفي هيامه =ولا جنيت من الهواء غير اللأم
شاعرك ما يوم(ن) تراخت عظامه = فارس بحزاة الوغا حيل ظرغام
شيخ(ن) ولد شيخ(ن) عزيزاً مقامه=يرفع بيارق شعره أب روس الاعلام
متعلياً صهوت شعيل وسنامه =لاكن منك أ يعاني اشد الاسقام
فارض على اهل الطيب غصب احترامه =ولا حسب تقدير لوجيه الاقزام
خافي من الله لا تشيلين اثامه = دام الغلا ماله قوانين ونظام