http://www.kashtah.com/4images/data/...4/SV400164.jpg

,,



يــازيـــن ســـــج الــقـــدم فـــــي خـايــعــن تــــــوّه
...........................فـــــز فـــــز نـبــاتــه بــعـــد مـاحــقّــه الـوســمــي
تــــقــــول وجــــــــه الـــحـــيـــا ســـجـــاد(ن)أمـــوّه
...........................لاجــيــتــه الـعـافــيــه تـــــــدب فـــــــي جــســمـــي
مربـاع وضح(ن)عـسـى اهلـهـا عـلـى الـقـوّة
...........................لاشـفـتـهـا كــــن الــفــرح يـنـاديـنـي بـاأســمــي
وإن شـفـت ذاك الـلـي عـلـيـه حكـي(ن)يـبـوّه
...........................قمت أدعي الله عساه يكون من قسمي !!

مرحوم ياتاج العروبة ..ّ
....ّ مرحوم باذن اللي خلقك وتوفاك
الطاهرة روحك على مـر الايام ..ّ
....ّ ياجعلها فـي رحمة الحق مولاك ..

http://i675.photobucket.com/albums/v...er-55/rain.gif




،..
"

انت المطر وانا ارضك ..
نبضي مصدره نبضك
شايف بالصوره كيف الحياه ..
احساس مايفهمه الا من يعيش معناه

http://www.eiqa3.com/vb/images/smilies2/42.gifhttp://www.eiqa3.com/vb/images/smilies2/42.gif

محلا السجة مع البر للصدر الكتوم = في فياض(ن) يدله البال مع يشمومها
علها وبل الحيا من مبدرة الوسوم = مزنة(ن) غرا تداحم قنوف غيومها
يرتوي منها وطا الارض وتقض الحزوم = وبلها ودان ما ينقطع ديمومها
ترجع الارض المحل من عطا الرب الرحوم = وتانس النفس الشقية بنفح نسومها
المحاجر فايضه والطيور ابها تعوم = وام سالم تنزل وتعتلي في حومها
بهجة اللي وسط صدره كما لفح السموم = مبطي ونفسه تزايم ثقال همومها
الفيافي مخضره والسما مردم غيوم = والنفوس الساليه غاطسه في نومها
ما يحجب الشوف مبنى ولا قلة يموم = ديرة(ن) كل يسولف بطيب ريومها
مدهل بكار(ن) لعود(ن) مقدر ومحشوم = في هواها النفس تشقى ولاحد يلومها
غاليه واتلاد من يوم زرقات السهوم = تشبح النظرة بهاذيك هذي تومها
ما سجع بالصوت دلالها يامن يسوم = ولا شراها من بغاها مع اول سومها
لاعرضت قامت تبختر بممشى فيه زوم = ومن مواطيها الصغيرة عجل درهومها
منفهق سنامها ناسع الغارب ردوم = مايل(ن) عرقوبها منهدل خرطومها
ارقبه سناد والخد راهي ومعدوم = والاذاني شرف دون الفتر بوقومها
تدهشك لامنها جت من المبرك تقوم = تمتعك بقيامها كنه احد يهومها
ذيلها وقم الشبر والوبر حسك(ن) بروم = صورة(ن) تشدى السحابه ورا تنعومها
راهيات الطول سناد وكبار الجروم = نادرات(ن) ما تضاهى بكبر جرومها
شامة(ن) بذيالها كبر بصمات البهوم = وشامة(ن) في وقمها مثلها بخشومها
ما حلا لا كفها صوت مودها قدوم = وعقب ما تفاوقت درت بمغنومها
مع عتيم الليل والضو وهاج(ن) شعوم = وامهات الخير تجتر في مطعومها
بصحبة اللي فالنوايب يسدون اللزوم = استدارت دلة الكيف عقب اولومها
وابتدا حذف الشمغ وابتدا سرد العلوم = ونسيت النفس الشقية جميع همومها

http://www.up2up.com/uploads/images/...6119ff84fc.jpg



عشان عيونك
...... وعين القصيد
......... وسكة الأحلام
كتبتك لين خليت القصيد يهز فنجاله

http://www.anmar4u.com//uploads/imag...80e1407884.jpg





سلآمتك يآ عمّ ..

تمش آلدمعه بـ شمآغك ...!؟
دخيلك آترك شمآغك .. و آخذ يدّي ..

آبمسح دمعك بيدّي .. و (.. آحب يدك ..)
حرآم بهـ آلعمر هذآ .. آشوفك ( منكسر ) تبكي ..!

آبي آحكي :

بعد آذنك آنآ يآعم ... !
آبسآل : دمعتك هذي (دمعه فرح آو هم) ..!؟

.
ألا يا بحر والله ما بقى مني سوى الأوجاع..
تعبت أدور لصورة لوجهي في مراياتي..

تعبت أشهق تناهيدي وأزفر دمعي المرتاع..
تعبت اسأل نهايتي متى كانت بداياتي؟؟

تعبت أجامل غروري وأقول إني بعد ما ضاع..
ولا شفت الحزن مره ولا تهت بمتاهاتي..

تعبت أضوي شموعي حلم وأصحى اشوف شمعي ماع..
تعبت أستنزف سنيني عمر وأهديه دمعاتي..

وربه لو يغص الجرح بدموع وهالأوجاع..
ولو تحرق مسافاته عيوني وكل خطواتي..

لأظل أموت بترابه.. لأضل العاشق الملتاع..
لأظل أدعيه ولو يطغى..على كلماتي سكاتي.!!


تسامحته..
ودعته..

ورحت ألملم شباكي!!..
ورحت ألملم أشواكي.!!

http://www.grooor.com/up/uploads/398c8cab85.jpg




من معلّمهم يطيرو في أدبهـم وإحتـرام
كيف كل منهم وفا وبينهم نفس المسافه!!!

يابني آدم تعلّم من طبـع هـذا الحمـام
ما تلاقي طير منهم حاقد وطبعه اللقافه!!!

http://farm4.static.flickr.com/3636/...ca0006bd06.jpg
/
/

زعلان يعني تبـي منـي أراضيـك؟
ـــــ وشلون أراضيك وآنا شايفك .. أجمل!
خلّك .. ترى هالزعل ؟ طالع مْحلّيـك
ـــــ عسل! ويا زينه إن جاك العسل "أثقل"
إزعل .. وكثر حبيبـي مـن تغليـك
ـــــ ما عشت في دنيتي آدوّر الأسهـل !
وحتى ولو جيت آتميلـح حواليـك ؟
ـــــ إرضى دقيقه .. وعوّد بعدها : إزعل !

http://dc05.arabsh.com/i/00239/t4r7mzkp8v90.jpg

http://www.albrens.com/vb/uploaded/4563_1226185467.jpg




.. الـطـفـولـه ..

أحلى مافي هــ الحـياهـ .,
.. مرحله / من غير هم ..
كنــّا .. دايم .. نبتسم .,
كنــّا حتى لو بكينا ..
وجارت الدنيا .. علينا .,
بعد لحظات وثواني ..
[ بسـمه فينا ترتسم ]


http://www.lmssat.com/vb/images/smilies/48.gif

راكـب الـي كـن زولــه زول ذيــب=ان نطحـتـه وان قفيـتـه مـــن ورا
وان عرض لك قلت مابلوصف ريب=جنـب ذيـبـآ لااحـقـه جــوع وعــرا
شاصي التصميم لند كـروز جيـب=مايبيـعـه مــن شــراه لـيـا شـــرا
مـا يبيعـه غـيـر مــردي النصـيـب=ومــن يـحـده عـلـى قـروشـه زرا
مـايـهـمـه لانــفـــود ولاجــذيـــب=ولطلـوع الـي مـثـل طلـعـت كــرا
لاهمـزو قيـر ادبلـه جـالـه نحـيـب=مثـل مـن ميتـه علـى بالـه طــرا
ناحـل الاطـراف تصميمـه عجـيـب=مـع سمـاح الـدرب مشيـه بخـتـرا
كــن جـــرات الـربـابـه بالسـبـيـب=صــوت مـاطــوره ليـامـنـه ســـرا
نحـروه الليـل مـع وقــت المغـيـب=اثنـيـن الــي عـلـى الـعـز اقـصـرا
ماعليـه الا صحيـبـآ مــع صحـيـب=بـالـزاد واطـيـب والمـلـح اخـشــرا
ما عليهم من بسيط ومن صعيـب=بــــادروب وبـالـمـحــلات اخــبـــرا
ودهــم مــا يـمـرحـون الا قـريــب=المـكـانـاآ تـقــل لاجــــوه اومــــرا
من شعيب يحدرونـه مـع شعيـب=الغـضـا مشـمـوس والـديـره ثـــرا
ديـرتـآ ربـــي لهـلـهـا مستـجـيـب=كـل وادي مـن فضـل ربــي جــرا
والله ان اعماس راسـي مايطيـب=ولا يـطـيـب الـــزاد ويـلــذ الــكــرا
غيـر لاارقبـت النبـا مـثـل الرقـيـب=ونـمـت فـيـه ايــام لــو شــح اذرا
بلخصوص ليـا صـدف جـوآ رهيـب=وقمت ادوج من الفياض اليا القـرا
فـوق جيبـآ كـن زولــه زول ذيــب=ان نطحـتـه وان قفيـتـه مـــن ورا

http://farm3.static.flickr.com/2779/...21e4f33f_z.jpg


ياكليب شب النار ياكليب شبه ... عليك شبة والحطب لك يجابـي
وعلي أنا ياكليب هيله وحبه ... وعليك تقليـط الـدلال العذابـي
وادغث لها ياكليب من سمر جبه ... وشبة الي منه غفى كل هابـي
باغي ليا شبيتها ثـم قبـة ... تجلـب لنـا ربع سـراة غيابـي
بنسريةً ياكليب صلفا مهبه ...ل اهـب نسناسـه تقـل سـم دابـي
سراة بليـل وناطحيـن مهبـه ... متكنفيـن وشوقهـم بالعذابـي
الوالمة ياكليب عجل بصبه ... والرزق عند اللي ينشى السحابي
صبة لقرم صرفته ماحسبه ... يوم البخيل مكنهب الوجـة هابـي
وصبة لمنعورين ليا جات نبة ... يرخص بعمره والدخل له ضبابي
وعدة عن اللي مايداري المسبه ...اللي يدور بالقصيـر الغيابـي
عن الطيب عده نازلا له بغبه ... يضرب علي درب الخطا مايهابي
لا باطن الهلباج خطوا الجلبة ... يا حلو خبط عصيهم بالركابـي
أطمر لهم وأبدي سلام المحبه ... لا جو على هجناً يديهم خرابـي
سلام أخلى من شخاليل جبه ... وأحلى من السمن الجديد العرابي
مع كبشً مصلاح راسه نجبه ... لا أدبـر الهيـن متيـن العلابـي
خطو الولد يوم الملاقي نكبه ... يأتي علينا من حسـاب الزهابـي
وحتى ايش لو يلبس وبينن وجبه ... معيرة على غضير الشبابـي
أنا لقيت الصبر يازين غبه ... يرقيك روس مشمرخات الهضابي
من لاصبر ياكليب في حكم ربه ... هذاك يوم البعث مالـه ثوابـي
يقولها اللي ما حسب المسبه ... ولا عرقل الاجواد ببعض الهلابي
هذا هوى بالي وهذا مطبه ... من قبل مايسفـح علينـا الترابـي

ياهل الطيـور مبعديـن المراويـح=ياللـي لكـم فالبـر والصيـد راده
سهيـل بيّـن وأرزمـن المراويـح=والنود عقب القيض ذعـذع بـراده
والجو زان وزان وقـت المساريـح=وكل(ن)يجهـز يانشـامـا عـتـاده
من فوق مايدنـي بعيـد المشاويـح=طرزه جديد ومركب أهـل السيـاده
من مصنعه صمم لبوج الصحاصيـح=ومن مصدره صدر ومعـه اعتمـاده
شفي اليا انحـن النجـوم المدابيـح=اليـا اهتنـى للنـوم راس الربـاده
تله على خط(ن) تعاوى بـه الريـح=مسراه طـول اللـي مامـن هـواده
ينصى الفياض اللي بها زايف الشيح=قفر(ن) عليها الوسـم هـل القـلاده
فيها الزهر يلعب معا الريح ويريـح=.والورق تسجع فوق غصـن الكـداده
والربد فيهـا ممسيـات ومصابيـح=تـدارجـن بشعابـهـا والحـمـاده
ومعنا الحرار الصارمات المشافيـح=اللي لهن صيـد المخاريـش عـاده
كل اشقر(ن) بالفعـل كنـه شلويـح=عوق العنيـد اللـي تزايـد عنـاده
أشقر نحر ماخذ مـن الثلـج تلميـح=كن البياض بقحف راسـه ضمـاده
صافي ضهر وموضح الريش توضيح=لون البـرد لونـه ويكشـف زيـاده
طوله بعرضـه والمناكـب مشابيـح=متقلـط الثنـداه كنـهـا الـوسـاده
ومنسر جليل(ن) والمناسم مطافيـح=وعين(ن) بها جمر(ن) تزايد وقـاده
كنه الى اطلع وانتهض عقب تمريـح=عنق الحنيش اللـي يهـاوز جـراده
كن وفقته رجلن على الجمـه يميـح=ضافي شليـل وجـل ساقـه سنـاده
هو السنـد يـوم الهـدد والتماديـح=طير السعد يـوم اللـزز والجـلاده
لاجا نهار(ن) فيـه للفعـل ترجيـح=ياهل الطيور القـول يبغـي وكـاده
الخرب قـدم عيونكـم يالزحازيـح=روح يضف الريش جـل اجتهـاده
تسعة طيور(ن) عندكم روّحت ميـح=مافيهـن اللـي يستحـق الاشــاده
من عقبها قالـو معـاك التصاريـح=قلت ألزمو والخرب جالـه صمـاده
ضهر ومتنه يلفـح الريـش تلفيـح=يرمـع بمتـن(ن) ماتجيـه البـراده
اللي يشوف الخرب قـال التفاريـح=واللي يشوف الطيـر هـل الشهـاده
الطير وصل الخرب مافيـه تبريـح=شكـه براسـه وابشـرو بالسعـاده
من فوق متن الغيم جابه على الضيح=كنه المضلي في حـروب الابـاده)
انا أشهد انه يشـرح البـال ويريـح=يوم الهـدد والقـول يبغـى وكـاده

ياونتي منها ظلوعي حطاما=على عشيرٍ بالهـوى مـات مغبـون
شالوه من دار الحيا للعداما=ومن الحصى وتـراب قامـوا يكبـّــون
من عقب مالفوه بقماش خاما=قاموا على بيض النصايب ينصـّـــون
مات الحبيب ولا لحق له مراما=وبالله ياللي تدفنونه علـى الهـون
حطوا نفق له عن سواد الظلاما=ودي ازوره مثل ناس يـزورون
و أعايده نهار عيد الصيامـا=وأقابلـه وأرضـي عيـون يحنـون
عسي اليا سلمت رد السلاما=وأهل الهـوى والحـب لازم يـردون
إحساسهم يصدق بليا كلامـا=وغرامهـم يبقـى ولوهـم يموتـون
ابي اتطوى عند قبره اعواما=وش عاد لو قال الملاصار مجنـون
شبيه خلي فوق كف النشاما=حر مـن اللـي بالمقانيـص يهـدون
جنسه قليل وغير خلي حراما=لا علهـم عقـب الحبيـب يولـون
من أول أكتم حزين الهياما=واليـوم بـاح السـد ياللـي تعذلـون
ويلاه كيف الدود يمحى العظاما= ياكل جسد مضنون عيني وترضون
ارموا بجسمي مع وفي الغراما=هذا العزا ياللـي بموتـه تعـزون
يا راحل لدار الرضى والكراما=قل له عشاشيقك من البعد يبكـون
قل له عيون صويحبك ماتناما=يسهر وخلـق الله بقربـه ينامـون
اما حياة في هنـا والتئامـا=والا ممـات اثنيـن بالعهـد يوفـون
هيض عذابي ناحيات الحماما=ظنـي لهـم خـل بفقـده ينوحـون
حياتنا غطى عليها الغماما=واجد اليا عشنـا مـع اللـي يعيشـون
لا وحسافه غاب بدر التماما=تحت التراب احبيــّــب الـروح مدفـون
.

http://farm1.static.flickr.com/200/4...fc4a8d0f_z.jpg












يا الله لا تقطع رجا كل مشتاق
............بامرك يا رب الحلم يصبح حقيقه
وأنا أدري أن الوصل تاليه لفراق
............ولولا الأمل .. ما تحمل النفس ضيقه
أمس سرى في تالي الليل براق
............قلبي يفز لنوضته بتخفيقه
وسمٍ بكور صادق الوبل دفاق
............لو شافه الظميان يبتل ريقه
عله على دار الوفا .. دار الأشواق
............دار صفت لأهل القلوب الرقيقه
فارقتهم ما ليلةٍ خاطري ضاق
............واليوم للسلوان ما أجد طريقه
يا كود حرفٍ لي كتبته بالأوراق
............مثل السراب اللي يسلي بريقه
والله لو كل المخاليق عشاق
............ما شفت لك نفسٍ تعذب دقيقه

زين بيت الشعر والنار مشبوبه "="وعلى طرفها الدلال الصفر والشاهي
والأر خراء بعشبٍ طالعاً دوبه "="والطين مبني بشكلٍ زين متباهي
والقربة الماضيه في ميها اعذوبه "="وسوالفاً للنشاما عدها ناهي
تحكي تراث الجدود وتعرف أسلوبه"="أهل الكرم والجمالة طيبها راهي

http://farm4.static.flickr.com/3072/...5f1a990a_z.jpg






أنا ما شتهي كنديشنن والهوا موجـــــود...................
.....................هواي السموم اللي تقوت عزايمهــا
بعد جلستي في حجرتن بابها مــــــردود..................
.....................نوازن مجاهيم الدبش في خرايمهــا
هل المدن كان الباديه عندكم منقـــــــود..................
.....................فأنا الواحد اللي حملوني لوايمهـــا
هل البر والبل والغنم والبيوت الســـود.................
.....................رجالن تقدم جارها في ولايمهــــــا
بيوت الشرف ماجود وساسها بحيــود................
.....................ولا للبلديه نصيبن تنظمهـا
يبنونها فأرضن عليهم بغير حــــــــــــــدود.................
.....................فيافن شجرها رايح النود يبرمهـــا
إلى ذعذعت بأطرافها رايحات النـــود.................
.....................عن الريح أهلها ما تقدم لثايمهـــا
تعرض مطاون نبتها الريف والعنقـــــود.................
.....................كثيبن ردفها بالزهر عام عايمهـــا
هوا المدن لامنه إعترض زرعها المسمود.................
....................على الناس تصبح زايداتن وهايمهــا
وهوا البر منه كل نفسن تحصــــــــل زود.................
....................خصوصن بالأرض اللي دجا النو غايمها
أنا أقول ذا والناس لي في الكلام شهود................
....................يعرفون ما يحتاج منا نفهمهــا
وكيد المصالح في الحضارة بلا منشــــود................
....................فلكن ولم القلب عيا يوالمهـا
بعد صوت ديك المنطقه حنت المفـــــرود................
....................وأنا سارين بأرضن قدامن وسايمهـا
مداهيل بدون دايمن لي بهم مقصــود...............
....................عذين هواها ذاير الصيد رايمهــا
إلى أقبلت قطعانهم للقـليب ورود................
....................يباري لها هجنن تواما خدايمهــا
عليها رجالن دونها تنطح البـارود................
...................الى جا نهار الهوش تخلي محازمهـــا